Klimaatslim-landbou nodig vir voedselsekuriteit

NLU: Steun nodig ná droogte

03 October 2019 | Landbou
Ellanie Smit - Met 70% van die land se bevolking wat direk of indirek van landbou afhanklik is rakende kos, inkomste en lewensbestaan, moet “klimaatslim”-landbou bedryf en bevorder word.

Dít is gister benadruk deur die minister van landbou, water en bosbou, mnr. Alpheus !Naruseb, in sy toespraak by die konferensie oor die huidige status van volhoubare natuurlike hulpbronnebestuur en maniere om die potensiaal van bioëkonomie te ontsluit.

Die konferensie, wat deur die Hanns Seidel-stigting georganiseer is, het gister in die hoofstad plaasgevind.

!Naruseb het gesê klimaatsverandering word as een van die wêreld se grootste ontwikkelingsuitdagings in die 21ste eeu geag, en hou ernstige bedreigings vir die omgewing en menselewens in.

“Klimaatsverandering ondermyn ontwikkelingsdoelwitte vir landelike ontwikkeling, armoedeverligting en voedselsekuriteit.”

Hy het genoem dat die Interregeringspaneel oor Klimaatsverandering (IPCC) en die Parys-klimaatsverdrag op internasionale vlak verskeie risiko's takel.

Voglens !Naruseb dui die voortdurende, uiterste weersomstandighede soos vloede en droogtes, wisselvallige reënvalpatrone, asook stygende temperature op die land se weerloosheid teen klimaatsverandering.

“Namibië is geklassifiseer as een van die lande met die grootste risiko's vir landbouverliese.”

Hy het beklemtoon dat klimaatbestande benaderings en verantwoordelike landboubeleggings gemaak moet word om produktiwiteit en verhoogde opbrengste te bevorder.

“Sowat 70% van die land se bevolking is direk of indirek van landbou afhanklik rakende kos, inkomste en lewensbestaan."

!Naruseb het gesê tradisionele landbouaktiwiteite moet 'n benadering van “klimaatslim-”landbou aanneem. Volgens hom gaan dit nie net help om boere teen erge impak van klimaatsverandering te beskerm nie, maar ook kweekhuisuitlaatgasse verminder, asook landbouopbrengste en huishoudelike inkomste verbeter.

Agribank se uitvoerende hoof, mnr. Sakaria Nghikembua, het gesê met die ekonomie in 'n erge resessie, vereis dit 'n vernuwing in verskeie sektore, met landbou wat 'n aansienlike bydra tot groei kan lewer.

Hy het gesê meerjarige droogtes is die norm in Namibië, en sedert 1990/91 tot 2018/19 is nege droogtes in die land verklaar.

Nghikembua het gesê landbou se bydrae tot indiensneming daal mettertyd, terwyl die finansiering van die landbousektor toeneem.

NLU

Die Namibië Landbou-unie (NLU) het in 'n voorlegging daarop gewys dat primêre landbou die sleutel is om die ekonomie te begin.

“Groei begin op plaasvlak en sal slegs plaasvind as dit winsgewend is. As primêre produksie vernietig word, disintegreer die totale waardeketting. As N$1 in primêre landbou belê word, word N$3 tot N$4 in die totale ekonomie gegenereer. Primêre produksie het verlede jaar N$7,5 miljard kontant opgelewer,” het die NLU gesê.

Verskillende groeistrategieë is nodig vir netto uitvoerders teenoor netto invoerders.

Die NLU het gesê dat die sektor dringende ondersteuningsaksies benodig om te verseker dat primêre produsente ná die rampspoedige droogte herstel.

"Ons moet die balans tussen gras en bosse op ongeveer 45 miljoen hektaar weiveld herstel om die impak van klimaatsverandering te verminder."

Die NLU het bygevoeg dat 'n gesonde, produktiewe, primêre landbousektor in Namibië landelike werksgeleenthede skep, die migrasie van landelike na stedelike gebiede verminder, en werksgeleenthede in die res van die waardeketting vermenigvuldig.

Soortgelyk

 

Valskerm-ongeluk eis Chinese vrou

5 ure gelede | Ongelukke

'n Valskerm-ongeluk het die lewe van 'n Chinese vrou, me. Ran Lei (33), Sondagmiddag geëis. Volgens die Namibiese polisie se weeklikse misdaadverslag het die voorval...

Frankfurt-vlugte het hervat

6 ure gelede | Vervoer

Air Namibia se vlugte na en vanaf Frankfurt in Duitsland het hervat.Die Airbus A330-200 is ná die vlerkskade tydens ‘n ligte botsing Saterdagaand by die...

Beserker slaan 2-jarige nefie na bewering met graaf dood

6 ure gelede | Misdaad

‘n Tweejarige seuntjie is vroeg Saterdagoggend dood toe sy 50-jarige oom hom na bewering met ‘n graaf aangeval het, terwyl ‘n driejarige meisie wat hy...

Man vas oor 'diamantsmokkelary'

7 ure gelede | Misdaad

'n Nambiese man is Vrydag in verband met diamantsmokkelary op die grenspos tussen Suid-Afrika en Namibië by Oranjemund in hegtenis geneem.Volgens die Namibiese polisie se...

Laat koppe rol - Jooste, SPYL

23 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

23 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

23 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

23 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

23 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...