Klimaat gaan SA hárd tref

Mariene gebiede onder geweldige druk

17 May 2019 | Afrika
Elise Tempelhoff

Suid-Afrika ervaar reeds ’n beduidende impak van klimaatsverandering, veral wat die land se verhoogde temperature en waterskaarste betref.

So lui die inleiding tot die departement van omgewingsake se nasionale verslag oor hoe om by klimaatsverandering aan te pas (NCCAS), wat vroeër vandeesweek gepubliseer is.

Die strategie wat in die verslag uitgestippel word, vorm nou deel van Suid-Afrika se plan om by klimaatsverandering aan te pas en die impak daarvan te mitigeer.

Luidens die verslag is die vooruitgeskatte gemiddelde temperatuurstyging in Suid-Afrika 2 °C per eeu.

Dit is meer as twee keer die styging in die globale temperatuur. Dit is veral die westelike en noordoostelike dele van die land wat in die toekoms die ergste onder hittegolwe gaan deurloop.

Die verslag lui voorts daar is getuienis dat uiterste weersomstandighede in Suid-Afrika toeneem. Die waargeneemde klimaatsomstandighede dui op ’n vermeerdering in die aantal hittegolwe wat die land jaarliks in die volgende dekades gaan tref. Dit gaan waarskynlik toeneem.

Droogtes gaan ietwat langer duur en reënval gaan in intensiteit toeneem.

Klimaatsones oor die land heen skuif reeds en ekostelsels en landskappe is besig om agteruit te gaan.

Mariene gebiede en die natuurlike grondgebied is onder geweldige druk, lui die verslag.

KLIMAATSVERANDERING

As deel van die verslag het die departement van omgewingsake ’n opsomming gegee van die verwagte veranderinge in reënvalpatrone en temperatuurskommelinge.

Dié veranderinge is gegrond op hoë-mitigering- en lae-mitigering-scenario’s wat afhang van hoe gou en drasties die owerheid klimaatsverandering kan stuit.

Die departement sê hy voorsien dat die gemiddelde temperatuur oor die hele Suid-Afrika heen teen die einde van die eeu met gemiddeld 4 °C gaan styg. In die westelike, sentrale en noordelike binneland sal die temperatuurstyging na verwagting 6 °C wees.

Die departement sê ook vooruitskattings dui daarop dat dié temperature selfs verder oorskry kan word op baie warm dae of dae waarop hittegolwe voorkom.

In mitigerende omstandighede sal die temperatuur konstant wissel tussen 2,5 °C en 4 °C.

Volgens die departement bestaan daar groter onsekerheid oor projeksies oor reënval.

As geen mitigering plaasvind nie, sal Suid-Afrika in die algemeen meer droogtes ervaar, terwyl daar soms vloede in die binneland sal voorkom. ’n Groot aantal projeksies dui op natter toestande oor die sentrale en oostelike dele van die land.

Buiten die algemene veranderinge, sê die verslag klimaatsverandering kan ook tot sosioëkonomiese veranderinge lei.

DIE VERSLAG Sê OOK:

* Landbou en bosbou staar moontlik ernstige watertekorte in die gesig.

Landbou in KwaZulu-Natal, Mpumalanga en die Wes-Kaap kan weens waterstres swakker oeste oplewer. Indringerspesies kan waterstres laat vererger.

* Kusgebiede: Soutwater kan binnelandse waterbronne binnedring weens groter moontlikhede van oorstromings.

Kusgebiede raak al hoe meer kwesbaar vir storms en vloede. Dit gee aanleiding tot erosie van kusgebiede.

Die departement erken dat Suid-Afrika ’n gebrek aan kennis het oor die verband tussen klimaatsverandering en gesondheid. Daar is gapings in kennis oor die verband tussen die aantal sterftes wees verhoogde temperature.

* Landgebaseerde ekostelsels kan ’n toename in indringers ervaar wat op sy beurt tot waterstres lei.

* Water: ’n Verhoging in die vraag na water. Dit is baie problematies omdat die huidige vraag na water reeds die huidige beskikbaarheid van dié hulpbron oorskry.

Die afname in waterkwaliteit weens die ernstige besoedeling van riviere en waterstrome en damme, asook grondwater. – Netwerk24

Soortgelyk

 

Kawana gee besonderhede oor viskwotas

6 ure gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

18 ure gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

18 ure gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

18 ure gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

18 ure gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

18 ure gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

18 ure gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...

Vier 'renosterstropers' verskyn in camera

18 ure gelede | Misdaad

Francoise Steynberg – Vier van die agt verdagtes wat vandeesweek in verband met renosterstropery en -horingsmokkelary vasgetrek is, het gister in camera in die streekshof...

San gebruik spaargeld vir wateraanleg

18 ure gelede | Omgewing

Die San-gemeenskap in die N‡a Jaqna-bewaringsgebied se water­infrastruktuur is al vir jare 'n uitdaging. Water is 'n skaarste in Namibië en inwoners van dié bewarings­gebied...