Khomas spog met suksesse

Klaskamers, toilette gebou

04 February 2019 | Regering
Tanja Bause



Die Khomasstreeksraad het verlede jaar groot suksesse behaal.

So sê me. Rachel Jacob, voorsitter van die raad wat onlangs terugvoering in die verband gegee het.

Deur middel van die stedelike sanitasieprogram is N$2 miljoen aan die Windhoek-munisipaliteit gegee vir die bekamping van die hepatitis E-uitbreking in die informele nedersettings Havana en Goreangab. Die geld is gebruik om water- en sanitasiegeriewe in Havana te verbeter. Die raad het ook vir die 2018-'19-boekjaar N$7,2 miljoen hiervoor begroot waarvan N$6 miljoen aan die munisipaliteit oorgedra sal word. Daarbenewens sal N$1,2 miljoen op die bou van 70 toilette bestee word.

Deur middel van die landelike sanitasieprogram is 146 toilette ter waarde van N$2,3 miljoen in Autabib, Kanubeb, Nauasport, die hervestigingsplaas Versailles, Stinkwater en Dordabis opgerig.

Vir die huidige boekjaar het die raad N$65 000 van die ministerie van stedelike en landelike ontwikkeling ontvang vir die implementering van die kontant/kos vir werk-projek wat gebruik word om 'n gemeenskapsaal in Dordabis te herstel.

“In my toespraak laas jaar het ek genoem daar is 'n tekort aan klaskamers in die streek. Ek kan nou aankondig dat ons 34 klaskamer gebou het, wat minder as die 40 klaskamers van die vorige jaar is omdat daar nie genoeg geld was nie. Sewe skole het nuwe klaskamers gekry en 18 klaskamers vir preprimêre skole sal nog gebou word,” het Jacob gesê. Vier skole sal ook biblioteke en weten­skaplaboratoriums kry. Die Khomasstreeksraad het ook tien tentklaskamers aan die begin van die jaar opgerig om graad een-leerlinge te akkom­modeer.

Nog sulke klaskamers en tydelike toilette sal op Plaas 508 en Erf 1037 opgerig word vir leerlinge van die Primêre Skool Dr Abraham Iyambo, die Primêre Projekskool Monte Christo en die Sekondêre Projek­skool Havana.

“Ons maak tans die plotte skoon en die tente sal binnekort opgerig word,” het Jacob gesê.

'n Sentrum vir mediese besnydenis is by die Katutura-gesondheid­sentrum geopen om dié dienste meer toeganklik vir die inwoners te maak.

Tans ontvang 26 000 pasiënte, onder wie kinders, antiretrovirale medikasie teenoor die 24 000 van laas jaar. “Alle mense wat positief vir MIV/vigs getoets word, ontvang dieselfde dag medikasie - nie soos in die verlede toe hulle moes wag vir die behandeling nie.

“Verlede jaar het misdaad met 2,7% in ons streek afgeneem. In totaal is 36 597 sake aangemeld teenoor die 37 635 sake in 2017.”

Die Khomas-kantoor vir grond het 'n evaluering van huishoudings en infrastruktuur op Plaas Versailles gedoen.

“Daar is 86 huishoudings op die plaas hervestig, maar dit het 'n toeloopgebied vir afgesette plaaswerkers van die Windhoek- landelike kiesafdeling geword. Dit het tot onwettige aktiwiteite soos onderverhuring, stroping en vandalisme, asook alkohol- en dwelmmisbruik gelei,” het Jacob gesê.

Die goewerneur van die Khomasstreek, me. Laura McLeod-Katjirua, het 'n versoek gerig dat meer aandag aan etlike belangrike kwessies gegee word.

“Plaaslike opvoedkundige prestasies en die lae slaagsyfer het ons dringende en individuele aandag as leiers, opvoeders en ouers nodig,” het sy gesê.

Daar moet ook volgens haar meer vergaderings met groter deelname van burgers en leiers gehou word. Informele nedersettings en die voorsiening van water, sanitasie en elektrisiteit moet geformaliseer word.

“Ons onverdeelde, kollektiewe deelname word vereis in die stryd teen geslagsgebaseerde geweld en ander sosiale misdade,” het sy gesê.

Soortgelyk

 

Windhoek klop waterteikens

14 ure gelede | Plaaslik

Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me. Lydia Amutenya,...

Kalahariwoestyn keer terug

14 ure gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

14 ure gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

14 ure gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

14 ure gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

14 ure gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

14 ure gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...

Elfjarige glo deur oom (48) verkrag

14 ure gelede | Misdaad

’n Meisie (11) is Vrydag omstreeks 14:00 glo deur haar 48-jarige oom in die Etaneno-nedersetting naby Onankali verkrag.Die verdagte is in hegtenis geneem en sou...

An update for the design icon

14 ure gelede |

Familiarly known as Audi’s design icon, the Audi TT’s third generation takes the stage with a facelifted appearance: sporty and refined exterior design, higher-powered engines...