Katrina oorleef Dag Twee
Die minister van onderwys, kuns en kultuur bring vandag haar derde dag in die beskuldigdebank in die hoërhof in Windhoek deur.
Denver Kisting
Die man wat 'n lys van 19 name van begunstigdes van die massabehuisingsprojek op Mariental tydens Desember 2014 moes tik, het gister kleigetrap in die Windhoekse hoërhof.
Mnr. Nestor Inandiunyama Nghufeilemwe, 'n amptenaar verbonde aan die ministerie van stedelike en landelike ontwikkeling, was deel van 'n span wat moes gaan seker maak alles is reg vir die oorhandiging van 19 huise aan arm mense op dié Hardapdorp.
Behalwe om besonderhede van begunstigdes volgens neergelegde kriteria na te gaan, moes die span ook sorg vir die logistieke reëlings rondom die oorhanding van die huise.
Hy was die derde staatsgetuie in die verhoor van die eertydse Hardap-goewerneur en hedendaagse minister van onderwys, kuns en kultuur, me. Katrina Hanse-Himarwa.
Sy staan tereg op een klag van korrupsie nadat sy glo toegesien het dat twee van haar familielede op die lys van 19 mense beland wat in daardie Desember die eienaars van nuwe huisies sou word.
Die staat beweer sy het die name van twee mense, wat aanvanklik óók daardie dag huisies sou ontvang, laer af op 'n lys geskuif en haar familielede se name boontoe geskuif.
Mnr. Sisa Namandje, Hanse-Himarwa se regsverteenwoordiger, het dié getuie gistermiddag laat les opsê.
Namandje het vroeër die dag reeds gesê die voormalige goewerneur sê daar was destyds 'n desperate poging deur die Teenkorrupsiekommissie (ACC) om met inkriminerende bewyse teen haar na vore te kom.
Nghufeilemwe het ook gesukkel om vrae van regter Christie Liebenberg te beantwoord oor hoekom “negatiewe opmerkings” oor die gewraakte lys wat amptenare van die Mariental-munisipaliteit gemaak het, nie aangeteken is nie.
Die getuie het gesê sy kollegas het na die besonderhede op die lêers van moontlike begunstigdes gekyk.
Wat presies hulle nagegaan het, het hy nie geweet nie, het hy toegegee.
Hy moes ook erken hy het op die dag, waarop die huise aan die nuwe eienaars oorhandig is, nie gehoor mense kla daar is met die lys gepeuter nie.
Die permanente sekretaris van stedelike en landelike ontwikkeling, mnr. Daniel Nghidinwa, het eergister getuig dat 'n span ministeriële werknemers na Mariental toe gestuur is om seker te maak dat die riglyne gevolg is.
Dié riglyne bepaal wie in aanmerking vir 'n huisie onder die massabehuisingskema mag kom.
Die staat word deur mnr. Salomon Kanyemba en me. Constance Moyo verteenwoordig.
Die verhoor hervat vanoggend.
Die man wat 'n lys van 19 name van begunstigdes van die massabehuisingsprojek op Mariental tydens Desember 2014 moes tik, het gister kleigetrap in die Windhoekse hoërhof.
Mnr. Nestor Inandiunyama Nghufeilemwe, 'n amptenaar verbonde aan die ministerie van stedelike en landelike ontwikkeling, was deel van 'n span wat moes gaan seker maak alles is reg vir die oorhandiging van 19 huise aan arm mense op dié Hardapdorp.
Behalwe om besonderhede van begunstigdes volgens neergelegde kriteria na te gaan, moes die span ook sorg vir die logistieke reëlings rondom die oorhanding van die huise.
Hy was die derde staatsgetuie in die verhoor van die eertydse Hardap-goewerneur en hedendaagse minister van onderwys, kuns en kultuur, me. Katrina Hanse-Himarwa.
Sy staan tereg op een klag van korrupsie nadat sy glo toegesien het dat twee van haar familielede op die lys van 19 mense beland wat in daardie Desember die eienaars van nuwe huisies sou word.
Die staat beweer sy het die name van twee mense, wat aanvanklik óók daardie dag huisies sou ontvang, laer af op 'n lys geskuif en haar familielede se name boontoe geskuif.
Mnr. Sisa Namandje, Hanse-Himarwa se regsverteenwoordiger, het dié getuie gistermiddag laat les opsê.
Namandje het vroeër die dag reeds gesê die voormalige goewerneur sê daar was destyds 'n desperate poging deur die Teenkorrupsiekommissie (ACC) om met inkriminerende bewyse teen haar na vore te kom.
Nghufeilemwe het ook gesukkel om vrae van regter Christie Liebenberg te beantwoord oor hoekom “negatiewe opmerkings” oor die gewraakte lys wat amptenare van die Mariental-munisipaliteit gemaak het, nie aangeteken is nie.
Die getuie het gesê sy kollegas het na die besonderhede op die lêers van moontlike begunstigdes gekyk.
Wat presies hulle nagegaan het, het hy nie geweet nie, het hy toegegee.
Hy moes ook erken hy het op die dag, waarop die huise aan die nuwe eienaars oorhandig is, nie gehoor mense kla daar is met die lys gepeuter nie.
Die permanente sekretaris van stedelike en landelike ontwikkeling, mnr. Daniel Nghidinwa, het eergister getuig dat 'n span ministeriële werknemers na Mariental toe gestuur is om seker te maak dat die riglyne gevolg is.
Dié riglyne bepaal wie in aanmerking vir 'n huisie onder die massabehuisingskema mag kom.
Die staat word deur mnr. Salomon Kanyemba en me. Constance Moyo verteenwoordig.
Die verhoor hervat vanoggend.
Kommentaar
Republikein
Geen kommentaar is op hierdie artikel gelaat nie