Kaptein Carol-Ann agter die stuur

Enigste vrou met mariene toeronderneming

22 August 2019 | Toerisme
Tanja Bause



Kaptein Carol-Ann Möller is tans die enigste vrou in Namibië wat 'n luukse, mariene toeronderneming besit en bestuur.

Möller het Namibia Dolphin and Seal Catamaran Cruises in April 2017 geregistreer en haar bootlisensie vir bote onder 25 ton in 2018 gekry.

“Ek is nou 'n kaptein en kan met my eie seiljag tot 75 myl van die kus af vaar,” sê sy.

Möller is die ma van twee dogters en kaptein Hans-Jörg Möller, wat in 2004 met katamaranbootritte begin het, se weduwee.

“Alles wat ek van die see en bote af weet, het ek by my man geleer. Die liefde vir die seelewe, die oop water en alles wat daarmee gepaard gaan, is te danke aan hom. Deur met die ­bootritte voort te gaan, hou ek sy nalatenskap lewend,” sê sy.

Die luukse en omgewingsvriendelike seiljag, Manatee, vertrek daagliks van die waterkant in Walvisbaai af.

Gaste vaar verby die nuwe en ou hawe, verskeie bote in die hawe en tot by Pelikaanpunt en die robkolonie.

“Op pad soontoe word die boot besoek deur vriendelike robbe of pelikane wat op vis wag. Bubbles is een van die robbe. Sowat twee jaar gelede het sy en nog 'n klein rob ná 'n stormagtige nag op die sementblad by die waterkant gelê.

“Hulle was baie klein en my kinders het hulle begin voer. Bubbles kom sê nou nog gereeld vir ons hallo,” sê Möller.

Lady Gaga die pelikaan loer ook gereeld in.

“Sy is onlangs deur vermoedelik 'n rob gebyt en haar sy is seer. Ek sal die boot later sonder ­toeriste uitvat en haar 'n antibiotika-­inspuiting gee. Ek kan aan haar vat, so dis nie 'n probleem nie.”

Gaste op die boot maak nie net met die diere kennis nie, maar kan ook die geleentheid kry om dolfyne te sien wat langs die boot swem.

Tussen Julie en November is die kans goed om 'n walvis te sien.

Bootvaarte word met 'n vinger­ete afgesluit.

Die Manatee is ook vir mense met rolstoele toeganklik.

Namibia Dolphin and Seal Catamaran Cruises is ook vir troues, verjaardae of die strooi van 'n geliefde se as beskikbaar.

“Niks is te veel moeite nie. Kontak ons en gesels met my,” nooi Möller.

[email protected]

Soortgelyk

 

Bank en depot sal nie sluit nie, sê Peya

23 sekondes gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

8 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

10 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

10 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

10 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

10 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

10 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

10 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

10 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...