Kankerpasiënte bederf

05 February 2019 | Gesondheid
Tanja Bause - Die Kankervereniging van Namibië (CAN) het gister ter viering van Wêreldkankerdag ’n bewustheidsoptog tot by die A.B. May-kankersorgsentrum gehou.

Deelnemers aan die Lavender Walk is voor die gebou deur dr. Annelle Zietsman verwelkom, wat gesê het die sentrum verwelkom elke bydrae wat gemaak word.

“Die sentrum sien gemiddeld meer as 1 200 pasiënte by die mediese onkologie-afdeling, en sowat 1 200 by die radiologie onkologie-afdeling. Die kinders in ons kindersaal bly vir etlike maande in die hospitaal en benodig toiletware en lugtyd om met hul families in verbinding te bly,” het Zietsman gesê.

“Ons benodig ook papier. Ons faksmasjien is al vir die laaste vyf weke buite werking. Weens ekonomiese beperkings, en omdat die A.B. May-kankersorgsentrum ’n baie duur eenheid is, is ons baie dankbaar vir al die mense wat skenkings aan ons maak en ons ondersteun,” het sy gesê.

Deelnemers het uit CAN-werkers, vrywilligers, besighede en belanghebbendes bestaan, en het kankerpasiënte met vars vrugte, koek, koeldrank en geselskap verras.

Me. Evigail Julius het in 2001, toe sy nog op hoërskool was, begin om op ’n gereelde basis fondse vir CAN in te samel.

“Ek het nooit gesien waarheen die geld gaan nie, en noudat ek die mense sien en ontmoet, voel ek dat ek nog méér moet en kan doen,” het sy gesê.

“Ek is so oorweldig daardeur om te sien wie die mense is wat ek deur die fondsinsamelings help. Ek besef ook ek het nog nie genoeg gedoen nie. Ek kan meer van my tyd gee en meer mense betrokke maak.”

Me. Justine Fourie het vanjaar as vrywilliger by CAN aangesluit.

Sy wou nog altyd meer betrokke raak, omdat haar familie ‘n geskiedenis van kanker het.

Sy het elke veldtog finansieel ondersteun en het besluit om nou meer van haar tyd te gee.

“Iets so klein soos om ’n paar vrugte aan mense uit te deel, of om tyd met die kinders in die kankersaal te bestee, beteken vir die mense so baie en vat so min van my,” het sy gesê.

Die Namibiese Brouerye (NBL) het N$60 000 by die geleentheid aan die sentrum, en N$60 000 aan CAN oorhandig.

Soortgelyk

 

Honderde miljoene vir veevoer nodig

20 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

20 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

20 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

20 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

20 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

20 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

20 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

20 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

20 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...