Kan Cyril die rand help om stukrag te behou?
Internasionale markte het nie positief reageer nadat dit bekend geword het dat die ANC nog nie pres.Jacob Zuma se herroeping bespreek het nie.
Nadat die rand lekker gebokspring het sedert Cyril Ramaphosa in Desember tot ANC-leier in Suid-Afrika verkies is, is alle oë nou op hom om te sien of hy in die eerste kwartaal genoeg kan vermag om die geldeenheid se momentum te behou en vertroue in die land te herstel, sê kenners.
Die rand het verlede week naby R12,33 teenoor die Amerikaanse dollar begin, en sedertdien gewissel tussen R12,33 en R12,43.
Hoewel dit die geldeenheid se beste vlakke sedert middel 2015 is, bespiegel ontleders of dit volhoubaar is gegewe die politieke sensitiwiteit van die rand.
Bianca Botes van Peregrine Treasury Solutions sê die rand het veld verloor tot sowat R12,50 toe dit Woensdag bekend geword het die ANC se nasionale uitvoerende komitee het nié pres. Jacob Zuma se herroeping bespreek nie.
Volgens Lukman Otunuga, ’n navorsingsontleder by FXTM, kan die rand op kort en mediumtermyn terugtrek as markoptimisme begin kwyn oor hoeveel mag Ramaphosa inderdaad het.
Malusi Gigaba, minister van finansies, voorsien ekonomiese groei van 2% vir vanjaar ás die regering hervorming op die gebied van infrastruktuur en korporatiewe beheer deurvoer, maar die Wêreldbank verwag net 1,1%. Dít is van die laagste in Afrika suid van die Sahara, sê Otunuga.
Botes sê die nagloed van Rama¬phosa se oorwinning en hoër kommoditeitspryse het die rand veerkragtig gehou. Die positiewe sentiment sal in die eerste kwartaal getoets word wanneer die staatsrede op 8 Februarie gelewer word, en daarna die begroting wat moet uitspel hoe die regering se beleid gefinansier sal word.
Die ANC is onder druk om genoeg te sê om ’n krediet-afgradering deur Moody’s vry te spring.
Bianca Botes van Peregrine Treasury Solutions
“Die ANC is onder druk om genoeg te sê om ’n kredietafgradering deur Moody’s vry te spring. Gratis hoër onderwys en grondhervorming is die grootste uitdagings omdat dit aansienlike druk op die reeds brose fiskale posisie kan plaas.”
Prof. Raymond Parsons van die Noordwes-Universiteit se sakeskool sê hoewel die markte en sake-omgewing ’n nuwe ANC-leierskorps verwelkom het, is daar verskeie hardnekkige onsekerhede. “Ramaphosa sal finansiële realiteite die hoof moet bied terwyl hy ’n sterk populistiese drukgroep moet paai en grondhervorming moet aanpak.”
Ramaphosa sal moet verduidelik wat hy gaan doen aan kwessies soos die ekonomie, ekonomiese transformasie en korrupsie, sê Parsons.
“Sakeleiers sal byvoorbeeld wil weet hoe die twee sentrums van mag tussen Ramaphosa en Zuma gaan werk en hoe politieke en beleidsekerheid verseker kan word.”
Ramaphosa sal by die Wêreld- Ekonomiese Forum se Davos-byeenkoms einde vandeesmaand heelwat vrae oor grondonteiening sonder vergoeding en gratis hoër onderwys moet beantwoord, sê hy.
Zuma sal nie vanjaar in Davos wees nie omdat hy in daardie tyd ’n beraad van die Afrika-Unie bywoon.
Parsons sê die toets vir Ramaphosa se leiding sal die manier wees waarop hy die populistiese druk bestuur wat uit die ANC-konferensie voortvloei. - Netwerk24
Die rand het verlede week naby R12,33 teenoor die Amerikaanse dollar begin, en sedertdien gewissel tussen R12,33 en R12,43.
Hoewel dit die geldeenheid se beste vlakke sedert middel 2015 is, bespiegel ontleders of dit volhoubaar is gegewe die politieke sensitiwiteit van die rand.
Bianca Botes van Peregrine Treasury Solutions sê die rand het veld verloor tot sowat R12,50 toe dit Woensdag bekend geword het die ANC se nasionale uitvoerende komitee het nié pres. Jacob Zuma se herroeping bespreek nie.
Volgens Lukman Otunuga, ’n navorsingsontleder by FXTM, kan die rand op kort en mediumtermyn terugtrek as markoptimisme begin kwyn oor hoeveel mag Ramaphosa inderdaad het.
Malusi Gigaba, minister van finansies, voorsien ekonomiese groei van 2% vir vanjaar ás die regering hervorming op die gebied van infrastruktuur en korporatiewe beheer deurvoer, maar die Wêreldbank verwag net 1,1%. Dít is van die laagste in Afrika suid van die Sahara, sê Otunuga.
Botes sê die nagloed van Rama¬phosa se oorwinning en hoër kommoditeitspryse het die rand veerkragtig gehou. Die positiewe sentiment sal in die eerste kwartaal getoets word wanneer die staatsrede op 8 Februarie gelewer word, en daarna die begroting wat moet uitspel hoe die regering se beleid gefinansier sal word.
Die ANC is onder druk om genoeg te sê om ’n krediet-afgradering deur Moody’s vry te spring.
Bianca Botes van Peregrine Treasury Solutions
“Die ANC is onder druk om genoeg te sê om ’n kredietafgradering deur Moody’s vry te spring. Gratis hoër onderwys en grondhervorming is die grootste uitdagings omdat dit aansienlike druk op die reeds brose fiskale posisie kan plaas.”
Prof. Raymond Parsons van die Noordwes-Universiteit se sakeskool sê hoewel die markte en sake-omgewing ’n nuwe ANC-leierskorps verwelkom het, is daar verskeie hardnekkige onsekerhede. “Ramaphosa sal finansiële realiteite die hoof moet bied terwyl hy ’n sterk populistiese drukgroep moet paai en grondhervorming moet aanpak.”
Ramaphosa sal moet verduidelik wat hy gaan doen aan kwessies soos die ekonomie, ekonomiese transformasie en korrupsie, sê Parsons.
“Sakeleiers sal byvoorbeeld wil weet hoe die twee sentrums van mag tussen Ramaphosa en Zuma gaan werk en hoe politieke en beleidsekerheid verseker kan word.”
Ramaphosa sal by die Wêreld- Ekonomiese Forum se Davos-byeenkoms einde vandeesmaand heelwat vrae oor grondonteiening sonder vergoeding en gratis hoër onderwys moet beantwoord, sê hy.
Zuma sal nie vanjaar in Davos wees nie omdat hy in daardie tyd ’n beraad van die Afrika-Unie bywoon.
Parsons sê die toets vir Ramaphosa se leiding sal die manier wees waarop hy die populistiese druk bestuur wat uit die ANC-konferensie voortvloei. - Netwerk24
Kommentaar
Republikein
Geen kommentaar is op hierdie artikel gelaat nie