Kamushinda veg voort
Die voormalige bankbaas dring daarop aan dat die hof alle stappe ongeldig verklaar wat tot dusver met betrekking tot die SME Bank gedoen is.
Catherine Sasman – Die man wat as die meesterbrein agter die SME Bank se plundering beskou word, mnr. Enock Kamushinda, weier om boedel oor te gee en gaan voort met sy stryd om die bank se “sluiting” om te keer.
In sy jongste hofuitdaging vra hy die Hoërhof moet verklaar die bank se “sluiting” is ’n skending van artikel 16 en 18 van die Grondwet en derhalwe ongeldig.
Hy dring ook daarop aan dat die hof alle stappe ongeldig verklaar wat die Bank of Namibia (BoN) tot dusver met betrekking tot die SME Bank gedoen het.
Dit sluit in die verwydering van die bank se destydse direkteursraad en die aanstelling van die likwidateurs mnre. David Bruni en Ian McLaren.
Kamushinda eis ook dat alle geld wat tot dusver bestee is in die proses om die SME Bank tot ’n einde te bring, insluitend likwidasiekostes, bereken word en aan die bank se aandeelhouers terugbetaal word.
Artikel 16 van die Grondwet gaan oor die reg op eiendom en artikel 18 oor administratiewe geregtigheid.
In hul beantwoordende verklaring sê die likwidateurs Kamushinda se aansoek is “vaag, ’n verleentheid en onverstaanbaar”, aangesien die SME Bank nooit gesluit is nie, maar op die hooggeregshof se bevel gelikwideer is.
Die bank was tot 11 Julie 2017 in bedryf toe dit voorlopig gelikwideer is.
Die likwidateurs sê Kamushinda en sy entiteite, WorldEagle en Metropolitan Bank of Zimbabwe (MetBank), se vroeëre pogings om die bank se likiwdasie te keer was nie suksesvol nie en dis nie moontlik om “’n perd wat lankal dood is uit die sloot te sleep” nie.
MetBank en WorldEagle het onderskeidelik slegs N$49,5 miljoen (vir 30%) en N$8,3 miljoen (vir 5%) tot hul aandele in SME Bank bygedra.
Die likwidateurs sê Kamushinda, die uitvoerende hoof mnr. Tawanda Mumvuma, die voormalige finansiële bestuurder mnr. Joseph Banda en ander het teen 6 Maart reeds N$247 miljoen van die SME Bank “gesteel”.
Bruni en McLaren sê Kamushinda identifiseer nie enige “verlore eiendom” in sy aansoek nie en is dus nie begaan oor veel meer as om die bank as ’n “kontantkoei” te gebruik nie.
Hulle sê verder Kamushinda en sy “mede-oortreders” is die enigste oorsaak van die SME Bank se ineenstorting.
Volgens die likwidateurs beteken die bank se likwidasie dat MetBank en WorldEagle hul belang in die bank verloor.
Bruni en McLaren sê hulle het reeds N$60 miljoen deur litigasie en insolvensie-ondersoeke in Suid-Afrika verhaal, en die proses duur voort.
Hulle sê dit is “absoluut van kardinale belang en nodig” dat met Kamushinda en sy medepligtiges afgereken word.
Die likwidateurs het op 15 Junie vanjaar ‘n aansoek hanteer om Kamushinda en sy span in Zimbabwe te dagvaar.
Die dagvaarding is teengestaan en ’n vrystelling is verkry.
Aandele en verpligte bydraes
Op 3 September 2012 het die BoN MetBank as ’n 30%-aandeelhouer goedgekeur, en weer op 15 Julie 2015.
MetBank bly aanspreeklik vir sy aandeelhour-bydrae en vir die tekort op die datum wat bank gelikwideer is, sê die likwidateurs.
Die regering is deur middel van die Namibia Financing Trust ’n 65%-aandeelhouer.
Die likwidateurs sê Kamushinda, MetBank en WorldEagle het nie hul verpligte bydraes betaal nie. MetBank se uitstaande bydraes sedert 1 Maart 2015 beloop N$121,5 miljoen en WorldEagle s’n N$20,2 miljoen.
[email protected]
In sy jongste hofuitdaging vra hy die Hoërhof moet verklaar die bank se “sluiting” is ’n skending van artikel 16 en 18 van die Grondwet en derhalwe ongeldig.
Hy dring ook daarop aan dat die hof alle stappe ongeldig verklaar wat die Bank of Namibia (BoN) tot dusver met betrekking tot die SME Bank gedoen het.
Dit sluit in die verwydering van die bank se destydse direkteursraad en die aanstelling van die likwidateurs mnre. David Bruni en Ian McLaren.
Kamushinda eis ook dat alle geld wat tot dusver bestee is in die proses om die SME Bank tot ’n einde te bring, insluitend likwidasiekostes, bereken word en aan die bank se aandeelhouers terugbetaal word.
Artikel 16 van die Grondwet gaan oor die reg op eiendom en artikel 18 oor administratiewe geregtigheid.
In hul beantwoordende verklaring sê die likwidateurs Kamushinda se aansoek is “vaag, ’n verleentheid en onverstaanbaar”, aangesien die SME Bank nooit gesluit is nie, maar op die hooggeregshof se bevel gelikwideer is.
Die bank was tot 11 Julie 2017 in bedryf toe dit voorlopig gelikwideer is.
Die likwidateurs sê Kamushinda en sy entiteite, WorldEagle en Metropolitan Bank of Zimbabwe (MetBank), se vroeëre pogings om die bank se likiwdasie te keer was nie suksesvol nie en dis nie moontlik om “’n perd wat lankal dood is uit die sloot te sleep” nie.
MetBank en WorldEagle het onderskeidelik slegs N$49,5 miljoen (vir 30%) en N$8,3 miljoen (vir 5%) tot hul aandele in SME Bank bygedra.
Die likwidateurs sê Kamushinda, die uitvoerende hoof mnr. Tawanda Mumvuma, die voormalige finansiële bestuurder mnr. Joseph Banda en ander het teen 6 Maart reeds N$247 miljoen van die SME Bank “gesteel”.
Bruni en McLaren sê Kamushinda identifiseer nie enige “verlore eiendom” in sy aansoek nie en is dus nie begaan oor veel meer as om die bank as ’n “kontantkoei” te gebruik nie.
Hulle sê verder Kamushinda en sy “mede-oortreders” is die enigste oorsaak van die SME Bank se ineenstorting.
Volgens die likwidateurs beteken die bank se likwidasie dat MetBank en WorldEagle hul belang in die bank verloor.
Bruni en McLaren sê hulle het reeds N$60 miljoen deur litigasie en insolvensie-ondersoeke in Suid-Afrika verhaal, en die proses duur voort.
Hulle sê dit is “absoluut van kardinale belang en nodig” dat met Kamushinda en sy medepligtiges afgereken word.
Die likwidateurs het op 15 Junie vanjaar ‘n aansoek hanteer om Kamushinda en sy span in Zimbabwe te dagvaar.
Die dagvaarding is teengestaan en ’n vrystelling is verkry.
Aandele en verpligte bydraes
Op 3 September 2012 het die BoN MetBank as ’n 30%-aandeelhouer goedgekeur, en weer op 15 Julie 2015.
MetBank bly aanspreeklik vir sy aandeelhour-bydrae en vir die tekort op die datum wat bank gelikwideer is, sê die likwidateurs.
Die regering is deur middel van die Namibia Financing Trust ’n 65%-aandeelhouer.
Die likwidateurs sê Kamushinda, MetBank en WorldEagle het nie hul verpligte bydraes betaal nie. MetBank se uitstaande bydraes sedert 1 Maart 2015 beloop N$121,5 miljoen en WorldEagle s’n N$20,2 miljoen.
[email protected]
Kommentaar
Republikein
Geen kommentaar is op hierdie artikel gelaat nie