Kalender 7 Februarie

07 February 2020 | Kuns en vermaak
Nou aan die gang

» Die bekende Loudima is terug na ‘n lang breek en gaan vanaand weer eens bewys hoekom hy so gewild onder musiekliefhebbers is. Dit gaan ? aand van pragtige musiek, lekker geselsies en lieflike kos wees. Loudima en sy Mix-reeks is 19:30 op die Kalahari Coffee & Jazz Cafe-verhoog. Toegang is gratis.

» As voormalige lid van die gewilde sanggroep EDEN, het Jay sukses behaal sedert hy sy solo-loopbaan in 2010 begin het. Met verskeie SAMA-, Huisgenoot Tempo- en Ghoema-toekennings, is Jay een van die bekendste Suid-Afrikaanse manlike sangers. Hy het al 5 platinum- en 3 dubbele platinum-albums ontvang. Jay tree vanaand by die Windhoek Buitekluboord en Kasino op. Kaartjies kan aanlyn teen N$150 per persoon gekoop word. Die deure maak om 17:00 oop. Trek jou partytjie- en dansskoene aan vir 'n opwindende aand.

» Eagles-biertuin bied vandag ‘n kuier- en dansgeleentheid aan. Die geleentheid is ter viering van die immer gewilde reggae-ster, Bob Marley, se 75ste verjaardag. Tydens die vieringe is daar ‘n buffetete vir N$160 beskikbaar met ‘n Jamaikaanse-tema en Eagles se gewilde karaoke. Die geleentheid begin om 16:00 en toegang is N$30 per persoon. Vir meer inligting besoek Eagles se Facebook-blad.

» Talent Plus Namibië bied môre ‘n geleentheid by die Katutura-jeugsentrum in Windhoek vir alle uitvoerende kunstenaars aan. Is jy ‘n danser, kletsrymer, komediant of akteur? Dan is die geleentheid net vir jou. Dit is nie 'n kompetisie nie, dis 'n platform om jou kuns ten toon te stel. Indien jou opvoering die oog van een van die mentors vang, kan jy die kans staan om ‘n promosiepakket te wen, en sodoende jou persoonlike handelsmerk op te bou. Vir meer inligting kontak die Katutura -jeugsentrum.

» Die Stephanus-kerk by Kenneth Kaundastraat 3 in Klein Windhoek bied elke Saterdag van 08:00 tot 12:00 ’n biomark aan. Alle produkte wat by die mark verkoop word, is tuisgemaak of plaaslik gekweek.

Maandag

» Die Woermannhaus-galery op Swakopmund bied tans ‘n opwindende kunsuitstalling aan. Beloved land of savannahs bestaan uit ‘n versameling kunswerke, onder meer landskappe, grafiese werke, fotografie en ander allerlei genres. Van die werke wat ten toon gestel word, is te koop. Die uitstalling is tot 19 Februarie oop en die galery kan Maandag tot Vrydag van 10:00 – 12:00 en weer 15:00 tot 17:00 besoek word. Vir meer inligting besoek whatsonnamibia.com.na/events

Dinsdag

» Die Swakopmund-museum nooi jou uit na ‘n aanbieding deur die Namibiese historikus, dr. Dag Henrichsen, met Afrika-artefakte as onderwerp. In hierdie aanbieding skets dr. Henrichsen (Universiteit van Basel, Switserland) die historiese konteks waarin Europese opvattings funksioneer. Die geleentheid begin om 18:00 en toegang is gratis.

» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.

Woensdag

» Die Namibië Wetenskaplike Vereniging nooi jou uit na 'n paneelbespreking wat deur Rodney Lichtman geïnisieer is: Gesondheidsorg op die kruispad - is daar 'n voorspelling? Die ministerie van gesondheid en maatskaplike dienste (MOHSS) sukkel om voldoende gesondheidsorg aan staatspasiënte te gee. Medisyne is onvoldoende. Privaathospitale bied 'n hoë standaard van sorg aan, maar die koste verbonde aan hierdie versorgingsvlak is nie ekonomies volhoubaar nie. Dit is enkele kwessies wat deur die kundiges bespreek gaan word. Die geleentheid begin om 19:00. Toegang is gratis.

» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar skenkings is welkom.

Donderdag

» Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Almal is welkom.

Soortgelyk

 

Steeds geen kontrak vir diens aan Psemas

10 ure gelede | Gesondheid

Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot...

Beeste uit Botswana vul tekort aan

10 ure gelede | Byvoegsels

Ronelle Rademeyer - Sowat vier maande nadat Botswana sy grens vir die uitvoer van lewende slagbeeste na Namibië oopgestel het, kon Meatco op Dinsdag 18...

Weer, Woensdag 26 Februarie 2020

10 ure gelede | Weer

BINNELAND: Gedeeltelik bewolkte en baie warm weer sal in die Kunene-Wesstreek heers. Elders sal dit gedeeltelik bewolk en warm tot baie warm wees met geïsoleerde,...

Samherji-werkers afgelê

10 ure gelede | Misdaad

Leandrea Louw – Sowat 210 werknemers van die vaartuie MV Saga en MV Geysir gaan aanstaande maand afgelê word. Die werknemers is vroeër vandeesmaand gestrand...

Posisioneer jouself betyds vir groter wins

10 ure gelede | Landbou

Christo du Plessis, Dierevoedingskundige: Feedmaster – In hierdie artikel kyk ons na die sleutelkwessies in rooivleisproduksie wat wins dryf, en hoe fosforaanvulling produsente se winsgewendheid...

N$14 miljoen vir kragprojek bewillig

10 ure gelede | Regering

Yandi du Plessis - ’n Sooispitseremonie vir die voorsiening van krag aan die Otjomuise- en Havana informele nedersettings het Vrydag in Otjomuise in die hoofstad...

Houthandel: Bewerings van vuilspel

10 ure gelede | Omgewing

Catherine Sasman – Die ministerie van landbou, water en bosbou het onlangs erken gevalle van onwettige houtoeste het wel plaasgevind sedert ’n moratorium op oeste...

Lesersfoto's 26 Februarie 2020

10 ure gelede | Lesersfoto's

Lesersfoto's 26 Februarie 2020

More power, features, fun and adventure

10 ure gelede | Motors

Fans of the evergreen Mahindra Scorpio are in for a treat with the launch of the upgraded S11 model.With this upgrade to the vehicle's engine...