Kalender 19 Januarie

19 January 2018 | Kuns en vermaak
Nou aan die gang

» David Amukoto en vriende het saamgespan om United In Art by die Woermannhaus-galery aan te bied. David is die bekende Namibiese kunstenaar wat ‘n graad in visuele kunste aan die John Maufangejo-kunssentrum voltooi het. United In Art open vandag op Swakopmund en duur voort tot 10 Februarie. Vir meer inligting, besoek www.whatsonnamibia.com.

» Droom jy daarvan om eendag op die Mej. Heelal-verhoog te staan? Hier is jou kans! Pageantry News Namibia bied môre tot Sondag ‘n werkwinkel vir meisies teen N$850 per persoon aan. Dit sluit handboeke en ligte verversings in. Indien jy belangstel om deel te raak van hierdie wonderlike geleentheid om jou loopboon op die planke af te skop, besoek Pageantry News Namibia se Facebook-blad of www.wherevent.com.

» ’n Fotografie-uitstalling vier die transformatiewe werk van Cardiff-universiteit in Namibië. Die fokus val op baanbrekerwerk om gesondheid te verbeter en om armoede in Namibië te verminder. Die Phoenix-projek, ’n vennootskap tussen Cardif-universiteit in Wallis en die Universiteit van Namibië (Unam), het ’n beduidende impak op die land sedert sy bekendstelling in 2014 gehad. Die uitstalling is tans by die Nasionale Kunsgalery van Namibië te sien en sal tot 18 Februarie duur.

» Imagine Games bied vanaand Quiz Night by die Imagine-kafee aan van 17:00 tot 22:00. Toets jou en jou vriende se algemene kennis en kyk of jou span die prys huis toe sal neem. Daar is algemene kennis- en dan ‘n paar nie-so-algemene kennis-vrae. Maak seker jy daag voor 19:00 op. Vir besprekings, skakel, SMS of WhatsApp +264811469276.

Maandag

» Die FNCC bied met trots hul eerste fotografieuitstalling vir vanjaar aan. Namibia by Namibian photographers bestaan uit die twee werke van 15 Namibiese fotograwe. Onder meer word landskappe, diere, leefstyl- en allerlei fotografie in hierdie uitstalling ten toon gestel. Vir meer inligting, besoek die FNCC se Facebook-blad of www.wherevent.com. Toegang is gratis. Die uitstalling duur van 08:00 tot 17:00 tot 16 Februarie.

Dinsdag

» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by Flaunt beskikbaar.

» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.

Woensdag

» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar donasies is welkom. Vir meer inligting, besoek “Ongoma trading as Drum Café Namibia” op Facebook, of hul webtuiste, www.ongoma.com, of www.drumcafe.co.za./Namibia.php.

» Die Nasionale Kunsgalery van Namibië bied met trots die Textiles and Textures-uitstalling aan. Die uitstalling bestaan uit ‘n versameling kunswerke van die Namibia Arts Association en die Nasionale Kunsgalery se permanente uitstallings. Die uitgesoekte stukke is van belang ten opsigte van hul gebruik van tekstiel of tekstuur. Ander kunstenaars se stukke sal ook vertoon word. Die uitstalling begin om 18:00 en duur tot 5 Mei 2018.

» Die FNCC-teater bied vandag om 18:00 die fliek Tamara aan. Dit is ’n komedie wat deur Alexandre Castagnetti geregisseer is. Tamara is ‘n 15-jarige tiener wat probleme met haar liggaamsbou ervaar. Tamara besluit dan om sake in haar eie hande te neem. Sy en haar beste vriendin het ‘n weddenskap aangegaan: Tamara moet met die eerste seun wat by die deur instap, uitgaan. Maar Diego, die mooiste en gewildste seun, is gekies. Sal Tamara daarin slaag om die weddenskap te wen? Toegang is N$40.

Donderdag

» Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Die konserte is oop vir almal.

» Dit is weer tyd vir Unam se jaarlikse visuele kuns-uitstalling. Hierdie uitstalling bestaan uit die werk van derdejaar- en vierdejaardiplomastudente wat kursusse in bemarking, keramiek, mode, museumstudies en tekstiel doen. Dit is ‘n geleentheid vir kunsliefhebbers om die werk van Namibië se jong talent te besigtig. Dié meesterstukke kan tot 3 Februarie by die Nasionale Kunsgalery bewonder word.

» Future Females Nambia bied ‘n seminaar oor die belangrikheid van sosiale media en selfbemarking vir vroue in Namibië by die Stellenbosch Tasting Room aan. Hierdie interaktiewe sessie het ten doel om vroue te leer hoe om sosiale media ten volle te benut. Toegang is N$30 en sluit ’n glas wyn en ‘n sny pizza in. Besoek www.today.com.na vir meer inligting.

Soortgelyk

 

Hare waai by skolerugby

1 uur gelede | Plaaslik

“Monré is nie 'n m*ffie nie. Hy is nie 'n ou wat kla oor dit of oor dat nie. Maar hy was só geskok en...

Kerk hou lidmate glo agter slot en grendel

1 uur gelede | Plaaslik

Augetto Graig en Ronelle RademeyerDie Namibiese polisie was tot laat gister nog besig om lidmate te ondervra oor vermeende ongerymdhede by die kerk van die...

Internasionale ruimtestasie kom wéér

1 uur gelede | Wetenskap

Elvira Hattingh Windhoekers wat die daaglikse verskyning sedert Saterdag van die internasionale ruimtestasie bo die stad gemis het, moet môre om 19:36 wéér opkyk,...

Weer vir 21 Augustus 2018

1 uur gelede | Weer

WEERWAAK: Koue toestande word vandag oor die Suide verwag.BINNELAND: Gedeeltelik bewolk en koud tot matig in die Suide, met 'n paar ligte neerslae wat...

Drie verskyn vir Doll-aanval

1 uur gelede | Howe

Henriette Lamprecht – Drie mans wat na bewering verlede week ’n boer wreedaardig in sy plaasopstal aangeval het, bly agter tralies. Mnre. Laurence Aib (25),...

Matriekpartytjie eindig in tragedie

1 uur gelede | Ongelukke

Francoise SteynbergDit is maar die begin van matriekafskeidfunksies lands­wyd en drie Suide-seuns het Saterdag ná 'n partytjie op Keetmans­hoop gesterf.In twee afsonderlike voorvalle is 'n...

Swapo-boek verkoop soos soetkoek

1 uur gelede | Kuns en vermaak

Denver Kisting – Volgens plaaslike boekwinkels kan hulle nie met die pas verskene boek Swapo Captive: A comrade’s experience of betrayal and torture voorbly nie.In...

Polisie ontplooi vir padveiligheid

1 uur gelede | Polisie

Die inspekteur-generaal van die Namibiese polisie, lt.genl. Sebastian Ndeitunga, het as deel van 'n 12 maande lange nasionale padveiligheidsoperasie opdrag gegee dat polisiebeamptes langs die...

'Breek heinings af, beskerm wild'

1 uur gelede | Omgewing

Francoise Steynberg Volgens navorsers van die Groter Sossusvlei-Namib Landskapprojek (GSNL) sou gemsbokke, springbokke en bergsebras oor 'n groter gebied beweeg het as dit nie vir...