Kalahariwoestyn keer terug

Beamptes opgelei

07 August 2019 | Polisie
Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan die tweede fase van Operasie Kalahariwoestyn deelneem, opleiding ondergaan.

Adj.komm. Edwin Kanguatjivi, die nasionale polisiewoordvoerder, het gistermiddag in die hoofstad gesê die omstrede operasie wat onlangs die lewe van die 22-jarige mnr. Charlie Black geëis het, keer Maandag terug.

Volgens hom gaan die beamptes egter eers vir drie dae opgelei word.

Kanguatjivi het gister groot gewag gemaak oor hoe suksesvol Kalahariwoestyn en sy voorganger, Hornkranz, was.

Die senior polisiebeampte sê die enigste manier om misdaad suksesvol hok te slaan, is deur sulke gesamentlike operasies.

Die Namibiese polisie, die weermag, die stadspolisie, korrektiewe dienste en ander rolspelers, soos immigrasie- en doeanebeamptes, het almal tydens die eerste fases van die operasies kragte saamgesnoer.

Hulle sal ook by die nuwe been van die veldtog betrek word, het Kanguatjivi gesê.

Kanguatjivi sê daar was ’n duidelike toename in misdaadbedrywighede in die tydperke toe die operasies tydelik opgeskort is.

Hy kon egter nie statistiek verskaf oor die misdaadprentjie tussen 30 Junie toe Kalahariwoestyn se eerste fase ten einde geloop het en gister nie.

Korporaal Gerson Nakale (38), ’n lid van die weermag, is in aanhouding nadat hy glo vroeër vir Black doodgeskiet het.

Pres. Hage Geingob het onlangs tydens sy Zimbabwiese eweknie, pres. Emmerson Mnangagwa, se staatsbesoek vir die mense van Zimbabwe oor Black se skietdood om verskoning gevra.

Kanguatjivi het gister gesê die polisie se ondersoeke het tot dusver bevind beweringe van gewelddadigheid aan die hand van die owerhede is meestal bog.

Volgens hom het hulle bevind van die aantygings was ongegrond terwyl ander blote versinsels was.

[email protected]

Soortgelyk

 

Geen water, krag by 15 skole

3 ure gelede | Onderwys

Henriette Lamprecht - Vyftien skole in Windhoek se water en ligte is weens agterstallige betalings deur die Windhoekse munisipaliteit afgesny. Die skuld wat reeds meer...

Droogte spook by akkerbou

3 ure gelede |

Elvira Hattingh - Verwagtinge vir vanjaar se nasionale witmielieoes is van meet af aan kleiner – hoofsaaklik weens verlede jaar se droogteramp. Dit omdat Hardap-akkerbouers...

Corona: Geen beperkings op handel

3 ure gelede | Gesondheid

Henriette Lamprecht – Teen die einde van dié week sal 20 lande in Afrika, insluitende Namibië, plaaslik toetse vir die coronavirussiekte (covid-19) kan doen. Volgens...

Weer vir 13 Februarie 2020

3 ure gelede | Weer

WEERWAAK: Wydpverspreide donderbuie sal in die Suide voortduur.BINNELAND: Sonnig en baie warm in die Weste. Elders sal dit gedeeltelik bewolk en baie tot bloeidg warm...

Geldnood kniehalter regbank

3 ure gelede | Ministeries

Denver Kisting – Die al groter wordende geldnood in die land lê sommige funksies van die regbank lam.Gevolglik kon streekhowe verlede jaar net 20% van...

Fishrot: Namibië wil weet

3 ure gelede | Regering

Augetto Graig - Die tiende sessie van Namibië se sesde parlement het Dinsdag afgeskop en verskeie vrae oor die internasionale Fishrot-korrupsieskandaal opgelewer.Die land se sewende...

Henties bespreek beweerde rassevoorvalle

3 ure gelede | Gemeenskap

Yandi du Plessis - Hentiesbaai se toerismevereniging het onlangs met die burgemeester en waarnemende hoof van die Hentiesbaai-munisipaliteit, mnr. Herman /Honeb, vergader om voorvalle van...

Twee mans verkrag 15-jarige glo

3 ure gelede | Misdaad

Twee mans het Sondag ’n 15-jarige meisie op Maltahöhe na bewering verkrag. Volgens die Namibiese polisie se weeklikse misdaadverslag het die voorval tussen...

Opnuut spanning by August 26

3 ure gelede | Ministeries

Yandi du Plessis - Die Namibiese Voedsel en ­Verwante Werkersunie (Nafau) het Vrydag namens werknemers van August 26, 'n tekstielonderneming wat aan die Namibiese weermag...