Kabinet: Visbedryf beplan regrukpogings
Die kabinet gaan viskwotas verleng terwyl die toekenningsproses hersien word.
Augetto Graig
Die kabinet het die ministerie van visserye en mariene hulpbronne Vrydag opdrag gegee om die evaluering van viskwota-aansoeke af te handel en toe te ken.
Dit was een van die besluite wat die kabinet tydens sy 21ste en laaste sitting vir vanjaar by Staatshuis geneem het.
Die president het adv. Albert Kawana, prokureur-generaal en waarnemende minister van visserye en mariene hulpbronne, opdrag gegee om 'n ondersoek na die toekenning van viskwotas vir die agelope 10 jaar in stel.
Die minister het Maandag weer eens 'n versoek aan Namibiërs gerig om met inligting oor onreëlmatighede in die visbedryf na vore te kom.
“Ook diegene met ervaring kan met voorstelle vorendag kom,” het hy gesê.
Intussen moet kwotas van die bestaande houers van visvangregte verleng word tot die einde van die 2019-'20-boekjaar om afleggings in dié geknelde bedryf te voorkom.
Hierdie houers van visvangregte sal tot 'n derde van die nuwe jaar se totale aanvaarbare vangs (TAC) mag vang, het Kawana gesê.
Hy sê 103 regte het verval en sal deur middel van dié maatreël verleng word.
Regte kan vir 7, 10, 15 of 20 jaar toegeken word.
Dié bedryf verskaf Namibiërs van tot 16 000 werksgeleenthede.
“Ons pas brandweermaatreëls toe om die bedryf in stand te hou en te verseker die regering is 'n hoofaandeelhouer wat saam met hulle sal werk. Die stokvisseisoen het reeds op 1 November geopen, en die maasbankerseisoen begin op 1 Januarie,” het Kawana gesê.
Nuwe vereistes het vir 2018 se aansoeke gegeld, en ná 'n verlenging van die aansoektydperk is altesaam 5 183 aansoeke ontvang, het Kawana gesê.
Hy het gesê om die aansoeke te laat oudit, sou te duur wees.
Een ouditfirma se tarief was volgens die minister N$39 miljoen.
'n Kontrak hiervoor is aan die Universiteit van Namibië (Unam) toegeken vir N$2,8 miljoen.
Dié taak sal na verwagting in Januarie voltooi wees, het Kawana gesê.
“Vir my is dit die regverdigste manier om die hulpbron te hanteer. In die toekoms wil ons deursigtigheid verder versterk. Die mariene hulpbronwet moet aangepas word om aansoeke en toekennings van visvangregte en -kwotas in die Staatskoerant te laat publiseer, sodat bewustheid bevorder word en die publiek insette kan lewer,” het hy gesê.
Kawana is as waarnemende minister aangestel ná mnr. Bernhard Esau weens die Fishrot-skandaal bedank het.
Kawana het gesê hy gaan saam met sy ministerie meganismes ontwikkel om die lot van afgedankte viswerkers te verlig.
Hy het gesê dít sal net van toepassing wees op werkers wat afgedank is weens die vermindering van viskwotas, en nie op diegene wat aan onwettige stakings deelgeneem het nie.
“Ek is gelukkig om opdrag te kry om na die afgedankte werkers om te sien. Ek sal nou met die arbeidsministerie, die vakbonde en die bedryf saamwerk en ons sal ons bes doen om te verseker hierdie ongelukkige burgers kry brood op die tafel en werksgeleenthede,” het hy gesê.
- [email protected]
Die kabinet het die ministerie van visserye en mariene hulpbronne Vrydag opdrag gegee om die evaluering van viskwota-aansoeke af te handel en toe te ken.
Dit was een van die besluite wat die kabinet tydens sy 21ste en laaste sitting vir vanjaar by Staatshuis geneem het.
Die president het adv. Albert Kawana, prokureur-generaal en waarnemende minister van visserye en mariene hulpbronne, opdrag gegee om 'n ondersoek na die toekenning van viskwotas vir die agelope 10 jaar in stel.
Die minister het Maandag weer eens 'n versoek aan Namibiërs gerig om met inligting oor onreëlmatighede in die visbedryf na vore te kom.
“Ook diegene met ervaring kan met voorstelle vorendag kom,” het hy gesê.
Intussen moet kwotas van die bestaande houers van visvangregte verleng word tot die einde van die 2019-'20-boekjaar om afleggings in dié geknelde bedryf te voorkom.
Hierdie houers van visvangregte sal tot 'n derde van die nuwe jaar se totale aanvaarbare vangs (TAC) mag vang, het Kawana gesê.
Hy sê 103 regte het verval en sal deur middel van dié maatreël verleng word.
Regte kan vir 7, 10, 15 of 20 jaar toegeken word.
Dié bedryf verskaf Namibiërs van tot 16 000 werksgeleenthede.
“Ons pas brandweermaatreëls toe om die bedryf in stand te hou en te verseker die regering is 'n hoofaandeelhouer wat saam met hulle sal werk. Die stokvisseisoen het reeds op 1 November geopen, en die maasbankerseisoen begin op 1 Januarie,” het Kawana gesê.
Nuwe vereistes het vir 2018 se aansoeke gegeld, en ná 'n verlenging van die aansoektydperk is altesaam 5 183 aansoeke ontvang, het Kawana gesê.
Hy het gesê om die aansoeke te laat oudit, sou te duur wees.
Een ouditfirma se tarief was volgens die minister N$39 miljoen.
'n Kontrak hiervoor is aan die Universiteit van Namibië (Unam) toegeken vir N$2,8 miljoen.
Dié taak sal na verwagting in Januarie voltooi wees, het Kawana gesê.
“Vir my is dit die regverdigste manier om die hulpbron te hanteer. In die toekoms wil ons deursigtigheid verder versterk. Die mariene hulpbronwet moet aangepas word om aansoeke en toekennings van visvangregte en -kwotas in die Staatskoerant te laat publiseer, sodat bewustheid bevorder word en die publiek insette kan lewer,” het hy gesê.
Kawana is as waarnemende minister aangestel ná mnr. Bernhard Esau weens die Fishrot-skandaal bedank het.
Kawana het gesê hy gaan saam met sy ministerie meganismes ontwikkel om die lot van afgedankte viswerkers te verlig.
Hy het gesê dít sal net van toepassing wees op werkers wat afgedank is weens die vermindering van viskwotas, en nie op diegene wat aan onwettige stakings deelgeneem het nie.
“Ek is gelukkig om opdrag te kry om na die afgedankte werkers om te sien. Ek sal nou met die arbeidsministerie, die vakbonde en die bedryf saamwerk en ons sal ons bes doen om te verseker hierdie ongelukkige burgers kry brood op die tafel en werksgeleenthede,” het hy gesê.
- [email protected]
Kommentaar
Republikein
Geen kommentaar is op hierdie artikel gelaat nie