JY WIL WAT?

19 May 2017 | Kuns en vermaak
Julie Retief

Trou is nie perdekoop nie, maar met hierdie omvattende wenke speel jy sommer lag-lag klaar met die groot stap.

EERSTE DINGE EERSTE:

Jou troubegroting

Die belangrikste prioriteit nadat ’n paartjie verloof geraak het, is om ’n begroting op te stel. Die begroting moet al die kostes van die troue insluit.

Hoe doen mens dit?

• Bepaal eers hoeveel geld julle het. Vind uit hoeveel geld die onderskeie ouerpare bereid is om te bestee, indien enige. Stel vas of die bruid se ouers volgens tradisie vir die onthaal gaan betaal, en die bruidegom en sy ouers vir die drank en die wittebrood. Koste kan ook gelyk verdeel word tussen die ouers en die bruidspaar. Wees altyd dankbaar en spreek jul waardering teenoor jul ouers vir hulle bydraes uit - hoe gering dit ookal mag wees.

Noudat julle weet, spring weg met ’n beplanningsessie waarby almal wat ’n bydrae gaan maak, betrokke is.

• Besluit eerstens waste soort troue julle wil hê – ’n formele troue,’n strandtroue, ’n plaastroue, markiestenttroue of tuintroue.

• Bespreek dan tema, dekor, kleur, kos, musiek, kleredrag ensovoorts.

• Stel ’n volledige lys op van behoeftes, byvoorbeeld vermaak, fotograaf, DVD, platejoggie of orkes, huweliksbevestiger.

• Maak ’n spesiale rekening oop om al die beskikbare geld in te betaal, asook jul maandelikse spaargeld. Neem in ag die totale koste vir die gemiddelde troue in Suid-Afrika beloop tans tussen R70 000 en R80 000 vir 80 tot 100 mense. In Namibië kan dit moontlik dieselfde wees.

Begroot liefs 10 tot 15% meer as die basiese begroting om onvoorsiene uitgawes te dek.

• Bepaal ’n troudatum

• Vind ’n venue volgens jul behoeftes.

• Indien julle ’n troubeplanner gaan gebruik, maak heel eerste met haar ’n afspraak.

• Kry skriftelike kwotasies by al jul diensverskaffers en maak seker dat die kwotasie alles insluit waarvoor julle vra. Lees die voorwaardes deeglik deur voor julle dit teken en deposito’s betaal.

Riglyne vir die verdeling van die begroting

• Onthaal (venue-koste, kos en drank) - 50% van die totale begroting.

• Trourok, uitnodigings, foto’s, DVD, musiek, blomme, kerse, koek, geskenkies, dekor, liggies en koördineringsfooi - 50% van die totale begroting.

Bestuur jul begroting

Om ’n begroting goed te bestuur is uiters belangrik vir die sukses van jul troudag.

Wie betaal vir wat?

Bruid se ouers:

• Trourok en bykomstighede vir die bruid

• Uitnodigings

• Venue-koste (huur, kelners en oortyd)

• Kos

• Troukoek

• Blomme en dekor

• Fotograaf en videograaf

• Musiek vir kerk en onthaal

• Troukar

Die Bruid:

• Hare, grimering, skoonheidsbehandeling

• Trouring vir die bruidegom

•Geskenke vir almal wat iets spesiaals vir haar gedoen het

Bruidegom en sy ouers:

• Verloof- en trouring vir die bruid

• Trougeskenk vir die bruid

• Bruidegom se uitrusting

• Alle hand- en skouerruikers

• Geskenkies vir gevolg

• Huwelikskontrak

• Drank- en kroegkostes

• Alle kostes ten opsigte van die kerk, predikant, koster, kerkfooie en orrelis

• Vervoer vir homself en die strooijonkers na kerk en venue

• Wittebrood- en reiskostes

EN NOU VIR DIE RES:

Huwelikseremonie:

Terwyl die gaste sit en wag vir die bruid, kan hulle na goeie, rustige musiek luister.

’n Bruilof behoort plegtig en onvergeetlik te wees met gepaste musiek, plante en blomme as inspirasie vir almal.

Maak seker wat toelaatbaar is vir versiering in die kerk, byvoorbeeld kerse en klein ruikers teen die kerkbanke, al langs die paadjie af.

Die gebruik van ’n kapel by die trouvenue het die voordeel dat dit gerieflik binne stapafstand van die onthaalarea is en dit verkeer, asook ’n gesoek na parkering uitskakel.

Die ma van die bruid kom vyf minute voor die bruid in en gaan sit links voor.

Die bruidegom staan voor in die kerk en wag vir sy bruid. Hy staan regs van die bruid.

Die bruid se pa bring haar in, lig haar sluier, soen haar op die voorkop, en met ’n handdruk aan die bruidegom gee hy haar af. Hy neem dan stelling in langs die bruid se ma.

Indien die ouerpaar geskei is, kan die pa in die volgende ry langs sy tweede vrou gaan sit.

Sy vriendin, of die vriend van ’n alleenloperma speel, as ’n reël, speel nie ’n rol nie en kom nie in aanmerking vir die troufoto’s nie.

Dokumentasie:

•Die huwelikskontrak word opgestel deur ’n regsadviseur en behoorlik onderteken.

Die aanwasbedeling is ’n gewilde keuse.

• Geskeides se finale egskeidingsbevel of ’n afskrif daarvan.

• ’n Weduwee of wewenaar moet die oorledene se doodsertifikaat hê.

• Albei se Id-dokumente.

• Albei se mediese sertifikate (wat ter wille van versekering soms benodig word).

Doen ’n proeflopie die dag voor die troue om te verseker alles verloop seepglad.

Ná die teken van die huweliksregisters deur die predikant, bruidspaar en getuies kan iemand, of ál die gaste hulle toesing.

Die gaste stap na buite, kry konfetti waarmee die bruidspaar bestrooi word as hulle uitgestap kom, gevolg deur die blomme- en strooimeisies, en die strooijonkers, elk regs van ’n strooimeisie. Daarna volg die ouerpare.

Huweliksbevestiger:

Die keuse van ’n geskikte huweliksbevestiger is een van die belangrikste aspekte van enige troue se beplanning – buiten die feit dat hy oor die nodige kwalifikasies moet beskik. Maak seker dat die huweliksbeampte ’n lisensie en ’n geldige aanstelling deur die Departement van Binnelandse Sake het om die huwelik te mag voltrek.

Indien die bruidspaar verkies dat die seremonie deur ’n vriend of familielid gelei word, kan hulle ’n gelisensieerde huweliksbeampte nader om die wettige deel van die huwelik te voltrek.

Die bruidspaar moet ’n huweliksbevestiger kies by wie hulle albei aanklank vind en mee gemaklik voel.

Dit is die bruidspaar se keuse hoe formeel, tradisioneel, godsdienstig, informeel of ontspanne die seremonie moet wees. Humor en interaksie tussen die paartjie, die gehoor en die huweliksbeampte help baie om die senuwees te kalmeer en dra by om die seremonie genotvol te maak.

Waar kan jy ’n geskikte huweliksbevestiger vind?

As die bruid en bruidegom nie aktief by ’n kerk betrokke is nie of aan verskillende denominasies behoort, kan hulle ’n interkerklike huweliksbevestiger nader.

•Vra vriende

•Troukoördineerders

•Trou- en onthaalvenues

•Vra jou pastoor/dominee

•Internet/Google

Konfetti:

Konfetti simboliseer oorvloedige seëninge.

Tradisionele gebruike was die strooi van roosblare en vere. Wit duiwe kan vrygelaat word. Met ’n bietjie kreatiwiteit kan hierdie deel van die troue ook baie spesiaal wees.

Soortgelyk

 

Trump laat Amerika bloos oor 'Nambia"

5 ure gelede | Internasionaal

Pres. Donald Trump van Amerika het gister tydens ‘n vergadering met Afrikaleiers in New York na Namibië as “Nambia” verwys.Tydens die ontmoeting het Trump gesê:...

Ysterertsmyn dalk op Windhoek se voorstoep

15 ure gelede | Plaaslik

Ronelle Rademeyer - Gemeenskapsvergaderings word vandag by Neudamm en in Windhoek gehou vir insette oor die impak wat die beplande ysterertsmyn 50 km oos van...

Droogtenood in Suide al groter

15 ure gelede | Omgewing

Ronelle Rademeyer 'n Projek, onder aanvoering van die Keetmanshoop Streekslandbou-unie (SLU), is tans werksaam om dringend voer vir vee op meer as 50 plase in...

wenfoto by Hakos gekiek

15 ure gelede | Omgewing

Die wenner van die Insight Sterrekunde Fotograaf van die Jaar-kompetisie het sy foto in Namibië geneem. Die Rus Artem Mironov is vanjaar se algehele wenner­...

Nuwe stelsel veroorsaak chaos by lughawe

15 ure gelede | Plaaslik

Catherine Sasman Die ministerie van binnelandse sake en immigrasie sê dit het 'n korttermyn­oplossing gevind om die chaotiese­ vertragings by die Internasio­nale Lughawe Hosea Kutako...

Weer vir 21 September

15 ure gelede | Weer

BINNELAND: Gedeeltelik bewolk en baie tot bloedig warm. Winderige toestande word in die Noorde en oor die sentrale hoëgrond verwag. KUS: Gedeeltelik bewolk en matig...

'Noord-Amerikaners wil Namibië besoek'

15 ure gelede | Toerisme

Namibië is 'n toeristebestemming wat Noord-Amerikaners graag wil besoek.Só sê die besturende direkteur van Namibia Wildlife Resorts (NWR), me. Zelna Hengari, wat saam met die...

Tienermeisie steek baba glo in tas weg

15 ure gelede | Misdaad

Twee vroue, van wie een 'n skoolmeisie is, is Dinsdag in verband met die verberging van 'n geboorte in hegtenis geneem.OMUTELEVolgens die Namibiese polisie se...

Goeie nuus vir sekuriteitswagte

15 ure gelede | Arbeid

Augetto Graig - Die ministerie van arbeid, nywerheidsbetrekkinge en werkskepping het aangekondig sekuriteitswagte in Namibië moet van verlede Vrydag (15 September) af ten minste N$8,75...