Jy het 'n plig teenoor die nasie, sê staatshoof

Net 5,7% van bevolking ten volle ingeënt

15 September 2021 | Gesondheid
Henriette Lamprecht – Ons praat van 'n oorlog, mense gaan dood. Jy het ook 'n plig teenoor die algemene welstand van die nasie om lewens te red.

Dit was gister president Hage Geingob se pleidooi aan Namibiërs om hulself teen Covid-19 te laat inent, hoewel dit nie tans verpligtend is nie.

Geingob het gereageer op 'n vraag wat die regering se standpunt is oor onder meer maatskappye wat bepaal net persone wat ingeënt is, kan aansoek doen vir werk of hul werknemers verplig om hulle te laat inent.

“Ons is besig met 'n ernstige, onsigbare virus, dit is nie 'n grap nie,” het Geingob gesê.

Die minister van inligting en kommunikasietegnologie (ICT), dr. Peya Mushelenga, het op sy beurt gesê die Grondwet laat sekere vryhede toe, maar dit is tog onderhewig aan sekere beperkinge.

“Ons is in 'n pandemie. Dit gaan oor die individu wat 'n risiko vir ander inhou, individuele regte teenoor openbare belang. Wanneer individue 'n risiko vir ander inhou, word van die regering verwag om op te tree,” het Mushelenga gesê.

Volgens hom het die regering 'n verpligting om 'n veilige omgewing aan inwoners te verskaf. Hy het beklemtoon inenting is vrywillig, maar die regering kyk na verskeie ander maatreëls om die opname daarvan te verhoog.

“Ons erken individue se regte, maar dit kan getoets word teen die reg. Jou individuele reg stop waar 'n ander persoon se reg begin. Ons kan jou nie dwing nie, maar ons kan ook nie die risiko op ander plaas nie,” het hy gesê.

Teen Sondag was 5,7% van Namibië se bevolking volledig ingeënt. Nege persent het reeds 'n eerste spuit ontvang.

Die staatshoof het die vordering verstrek om 60% van die bevolking in te ent; sowat 1,5 miljoen mense oftewel die regering se oogmerk vir kudde-immuniteit. Van hierdie groep het 15,4% reeds 'n eerste inenting ontvang en 9,4% is volledig geïmmuniseer.



DIE DATA

Syfers per streek, gemeet aan die volledige bevolking (persentasie eerste inentings gevolg deur volledige inentings in hakies) was teen Sondag as volg:

Hardap 16% (8%), Khomas 13% (9%), Omaheke 13% (6%), Erongo 12% (8%), Kavango-Wes 11% (8%), Otjozondjupa 11% (7%), ||Kharas 11% (7%), Kunene 11% (6%), Oshana 7% (5%), Omusati 7% (4%), Oshikoto 6% (4%), Ohangwena 6% (3%), ­Kavango-Oos 6% (3%), Zambezi 4% (3%).

Gemeet aan 60% van die bevolking:

Hardap 26% (14%), Khomas 22% (15%), Erongo 21% (13%), Omaheke 21% (11%), Kavango-Wes 19% (13%), Kunene 19% (9%), Otjozondjupa 18% (12%), ||Kharas 18% (12%), Oshana 11% (8%), Omusati 11% (7%), Oshikoto 10% (6%), Kavango-Oos 10% (5%), Ohangwena 9% (5%), Zambezi 6% (4%).

Die minister van gesondheid en maatskaplike dienste, dr. Kalumbi Shangula, het opnuut beweringe in die sosiale media ontken dat sterfgevalle te wyte is aan dié wat inentings gehad het.

“Daar is geen enkele bewys wat dit ondersteun nie. Inteendeel, statistiek bevestig dié wat gesterf het, was dié wat nie ingeënt is nie,” het hy gesê.

Volgens Shangula word nog 318 720 dosisse AstraZeneca van Duitsland, 100 620 dosisse Pfizer van Amerika en 30 000 Hyatt Vax van die Verenigde Arabiese Emirate verwag.

Gister het 108 000 dosisse van die Johnson & Johnson-entstof in die land aangekom. Altesaam 350 000 dosisse SinoPharm word ook later vanjaar verwag.

Shangula het ook beweringe verwerp dat Namibië entstowwe ontvang het wat verval het.

“Enige persoon wat vals inligting oor Covid-19 versprei, sal met die volle mag van die reg te doen kry,” het hy gewaarsku.

[email protected]

Soortgelyk

 

Hengari at the forefront of the youth agenda

3 ure gelede | Skole

Rivaldo Kavanga Hailing from Okakarara in the Otjozondjupa Region, Inna Koviao-Vetarere Hengari (25) is Namibia’s youngest elected parliamentarian. She currently leads the youth agenda...

For the love of reading

3 ure gelede | Onderwys

The Presidential Advisor on Youth Matters and Enterprise Development, Daisry Mathias, joined learners at Fidel Castro Primary School to mark 2021 National Readathon Week. Mathias...

New education act, regulations in final stages

3 ure gelede | Onderwys

Iréne-Mari van der Walt The regulations adjacent to the new education act are in their final stages, according to the education inspector for...

Let’s talk about it

3 ure gelede | Skole

Monique Adams On Thursday, 2 September, the Office of the First Lady and One Economy Foundation facilitated an intergenerational dialogue with young people.This dialogue looked...

Jong skoonheid met 'n hart van goud

3 ure gelede | Skole

Mariselle Stofberg – Vir Chanique (Chani) Rabe wat onlangs as die nuwe Mej. Supranasionaal 2021 aangewys is, is haar passie vir jeug- en gemeenskapsontwikkeling ’n...

Windhoek Hospitality and Culinary College introduces new programme

3 ure gelede | Onderwys

Desiree Gases The Windhoek Hospitality and Culinary College (WHCC) is introducing Namibia Training Authority’s (NTA) level two housekeeping, laundry and front office programme with an...

Following in my father’s footsteps

3 ure gelede | Skole

Amalia Cloete I am currently studying at the International Training College Lingua. I am doing an honours degree in human resource (HR) management, and this...

Pupkewitz Megabuild launches 2022 graduate programme

3 ure gelede | Onderwys

Wetumwene Shikage The Pupkewitz Megabuild Graduate Programme initiative is aimed at supporting newly graduated students to gain work experience, which will serve as an additional...

Rundu in die donker

9 ure gelede | Energie

Inwoners van Rundu is sedert 10:00 vanoggend sonder krag. Volgens NamPower se areabestuurder vir die noordelike streek, mnr. Petrus Immanuel, is dit weens tegniese...