Jong skoonheid met 'n hart van goud

28 September 2021 | Skole
Mariselle Stofberg – Vir Chanique (Chani) Rabe wat onlangs as die nuwe Mej. Supranasionaal 2021 aangewys is, is haar passie vir jeug- en gemeenskapsontwikkeling ’n belangrike deel van wie sy is.

“As modeontwerper het ek basiese naaldwerk- en stikwerkvaardighede, en ek het nog altyd die droom gehad om met kinders te werk en hulle met nuwe vaardighede toe te rus.

Met die aanvang van die Covid-19-pandemie het Rabe begin om self maskers te maak om die tekort aan dié noodsaaklike item in die land aan te vul. Sy het vryskutnaaldwerkers genader om te help nadat sy nie alleen kon voorbly met die aanvraag nie.

“Ek het gesien hoeveel dit vir mense beteken om hierdie te kan doen, en ek het met die vroue wat my gehelp het, gesit en gesels oor die projek. Om juis in hierdie moeilike tyd ’n inkomste te verdien, ’n werk te kan hê en nuwe vaardighede aan te leer, het die wêreld vir hulle beteken.”

Hier het Rabe besef sy het ’n talent wat sy met ander mense kan deel en hulle in die proses te bemagtig om vir hulself werk te skep.

Sy het begin deur klasse by die Hope Village in Windhoek, wat as die Mending Project bekend staan, aan te bied waar die meisies Rabe geïnspireer het om die projek verder te neem.

“Om met hierdie meisies te werk en te sien hoeveel dit vir hulle beteken, het my so emosioneel en dankbaar gemaak.”

Rabe voel sy kan deur die projek potensiële entrepreneurs tot aksie aanspoor en hulle bemagtig om hul eie klere te maak en te verkoop.

Sy besoek die projek elke twee weke en het ook al die toerusting en materiaal vir die projek voorsien – wat deur skenkings en borge moontlik gemaak is.

Ná haar kroning as Mej. Supranasionaal Namibië het Rabe ’n groter platform gekry om die projek uit te brei en het die droom gehad om haar eie naaldwerkskool te open.

Dit is hier waar haar pad met dié van Africa Monarch Lodges gekruis het.

Hulle het in 2020 trots die Sijwa Sewing Project saam met die Collective Boutique van stapel gestuur en Rabe het die junior naaldwerkskool geopen waar sy begin het om graad 10-leerlinge van die Hoërskool Mayuni te help om naaldwerkvaardighede aan te leer. Sy is dankbaar vir die Africa Monarch Lodges en Collective Boutique se toewyding tot jeug- en gemeenskapsontwikkeling.

Die klasse is gratis en oop vir die hele gemeenskap.

Rabe het ook ’n hele kurrikulum saamgestel vir die skool wat die leerlinge help om alles te kan doen van some insit, tot garing deur ’n naald trek en ’n hemp of broek aanmekaar te stik. Die skool volg ’n agt maande-program waar die leerlinge aan die einde met al die nodige vaardighede toegerus is.

“Tydens die eerste sessies was meer as 50% van die leerlinge wat opgedaag het hoërskoolseuns wat só opgewonde en gemotiveerd was om hierdie nuwe vaardighede aan te leer,” het Rabe gesê.

Die projek behels ook die ontwikkeling van ander vaardighede, en help die gemeenskapslede om glaskrale van herwinde glas en kompos te maak.

“Ek wil diegene in die gemeenskap aanmoedig om ons jeug te help en die vaardighede wat hulle het met die jeug te deel. Dit kan enige iets wees; van houtwerk tot tuinwerk en selfs iets soos hoe om ’n bankrekening oop te maak. Ons moet die potensiaal in ons Namibiese kinders raaksien en help om dit te ontwikkel sodat hulle ook hul volle potensiaal kan bereik,” het Rabe gesê.

Soortgelyk

 

PAS IN: Drie uit ses skuldig aan moord

34 minute gelede | Howe

‘n Vrou wat ‘n groep mans betaal het om haar man te vermoor, is vandag in die hoërhof in Windhoek skuldig bevind aan moord.Die oorledene...

MTC en regering gaan saamwerk om inentings teen Covid...

1 uur gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

2 ure gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

2 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Creativity and mental health: Where do we overstep

14 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

14 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

14 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...

Etosha se brand geblus

14 ure gelede |

Tanja Bause – Die veldbrand wat sedert Maandag in Etosha gewoed het, is eindelik gister onder beheer gekry. Volgens die woordvoerder van die ministerie van...

Professionele jagters se bewaringswerk

14 ure gelede | Toerisme

Emmanuel Koro, Johannesburg – Ná die verwoestende uitwerking van die Covid-19-pandemie op die Namibiese jag- en fotosafari-bedryf, het jagsyfers vanjaar ietwat verbeter. Terwyl sowat 5...