Jong helde met groen vingers

20 May 2020 | Landbou
Mariselle Stofberg – Die Voortrekkers in Namibië sowel as in Suid-Afrika het vanjaar ’n projek getiteld “’n Plekkie vir spekkie” van stapel gestuur waar lede spekbome in hul erwe geplant en dan foto’s daarmee geneem het om pryse te kon wen.

“Ons as Voortrekkers Namibië het die projek as inspirasie vir ons eie spekboomprojek gebruik. Aan die begin van die jaar het ons steggies van spekbome begin maak en dit in bakkies uitgeplant. Ons het toe die spekbome verkoop en omtrent N$10 000 vir Droogtehulp Namibië ingesamel,” sê Christo Boshoff, ’n graad 12-leerling aan Windhoek Afrikaanse Privaatskool en een van twee gebiedsleiers vir die Voortrekkers in Namibië.

Boshoff het verlede week die donasie aan me. Lizette Lötter oorhandig, wat Droogtehulp Namibië verteenwoordig het.

Lötter het haar waardering vir die harde werk en deursettingsvermoë van die Voortrekkers verklaar.

“Net om te dink aan die impak van hierdie donasie maak my klaar emosioneel,” het sy bygesê.

“Ons het gehoop om die projek nog groter te maak, maar met die nasionale inperkings was dit nie moontlik nie. Daar is wel nog ’n paar spekbome oor,” sê Boshoff.

“Ons het spekbome gekies omdat dit ’n inheemse plant is en baie min water benodig. Dit groei ook baie maklik en is ’n baie effektiewe verwerker van koolstofdioksied. Die verspreiding van spekbome is dus iets wat die natuur bevoordeel,” sê hy.

Boshoff glo die projek sal boere wat steeds swaarkry ’n bietjie kan help en sê die Voortrekkers oorweeg om die projek weer in die somer te hervat.

“Die keuse om die geld vir Droogtehulp Namibië in te samel, het sommer van die begin af net sin gemaak. Die Voortrekkers se grondslag is ‘God Drie-enig se openbaring aan ons deur die Bybel en die skepping’ en ons glo ook daarin om positiewe burgers te wees. Vir ons as Voortrekkers is die natuur baie belangrik en ons doen moeite om dit te bewaar,” sê Boshoff.

“Ons het hulle gekies omdat ons dan seker kon wees dat die geld na die regte mense sal gaan en dit ’n positiewe verskil teweeg sal bring. Ons het geweet ons kan só bydra tot iets wat baie groter is as onsself.”

Boshoff voel dankbaar om deel van hierdie projek te kan wees.

“Ek vind die projek absoluut inspirerend. Dit was wonderlik om te kon sien hoe gewillig mense is om te help en hoe maklik mense dit vir jou wil maak as jy probeer help,” sê hy.

“Daar is so baie wat ’n mens kan en wil doen dat dit amper oorweldigend kan wees. Hopelik kan die projek nog mense inspireer om dit verder te vat,” sluit Boshoff af.

- [email protected]

Soortgelyk

 

Covid-19: 5de nuwe geval binne 4 dae

27 minute gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

2 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

2 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

2 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

2 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

2 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

2 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

2 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

2 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...