Joharetha bemoedig met ‘Bloudruk’

17 September 2021 | Byvoegsels
Adolf Kaure op Swakopmund – Die sangeres Joharetha Nel – viermalig benoem vir die NBC/MTC Namibiese Musiektoekennings (NAMA’s) en in musiekkringe bloot bekend as Joharetha – het haar nuutste enkelsnit “Bloudruk” onlangs uitgereik.

Volgens die sangeres wat bekend is vir haar bemoedigende boodskappe in haar Afrikaanse gospelliedjies, gaan “Bloudruk” oor selfaanvaarding.

“Dit gaan oor die geskenk wat jy jouself kan gee deur jouself en jou identiteit, jou gebreke en alles wat jou uniek maak, te aanvaar,” het sy gesê.

Joharetha is tydens verlede jaar se musiektoekennings in die gospel-, musiekvideo-, beste nuweling- en Afrikaanse kategorie benoem.

“My lirieke vir hierdie liedjie deel ’n rits emosies en motiveer gelyktydig die wêreld deur te sê daar is net een van jou; jy ís goed genoeg ten spyte van foute of enigiets wat jy as mens deurgemaak het.

“Dis ’n baie persoonlike liedjie, maar ek dink dit is op almal van toepassing,” het sy gesê.

Die liedjie is amptelik verlede Vrydag (10 Sept) op die radiostasie Kosmos bekend gestel. Die gepaardgaande musiekvideo het gelyktydig sy buiging gemaak en kan op haar YouTube-kanaal gesien word.

Dié “Atata”- en “40 Dae”-sangeres wat bewys het dat sy een van die hardwerkendste kunstenaars in die bedryf is, was ook op die verhoog by die onlangse MTC 081Every1 Hope-konsert te sien.

“Dit was vir my ’n groot eer om by die MTC 081Every1 Hope-konsert op te tree. Sedert die NAMA's het hulle [MTC] my laat tuis voel en my na wonderlike vertonings genooi. Ek is werklik geseënd en dit is waaroor dit gaan – harde werk, om dít wat ek doen te geniet en laastens, maar nie die minste nie, my Vader God te bedank dat ek hierdie talent met my land kan deel.”

Joharetha het die verhoog reeds met talle internasionale gospelsangers soos Bucy Radebe en Benjamin Dube gedeel.

“Bloudruk” is deur Gernot Fritze, Adam Brandon-Kerby en David de Beer vervaardig.

Fritze het ook die meng- en bemeesteringswerk by Nautilus Studios behartig, terwyl Joharetha die lirieke en toonsetting gedoen het.

Die liedjie het reeds speeltyd oor talle radiostasies oraloor die land geniet en is op verskeie aanlyn stromingsplatforms soos CD Bay, iTunes en TuneCore beskikbaar.
[email protected]

Soortgelyk

 

Styging van 56% in nuwe gevalle, 184 gister aangemeld

2 ure gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

15 ure gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

15 ure gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

15 ure gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

15 ure gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

15 ure gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

15 ure gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...

A love for engineering and airplanes

15 ure gelede | Vervoer

Wetumwene Shikage Describing her journey at Fly Namibia, Gabriela Kamaahene says the experience has been surreal. She says the company continuously grows and she...

Opflikkering in inentings

15 ure gelede | Gesondheid

> >Dani Booysen - Nadat die wêreldwye verspreiding van ‘n nuwe variant van Covid-19, nou bekend as Omicron, Donderdag rugbaar geword het, het aansienlik...