Jeug kry nuwe fees
In September bied NMH en vennote ‘n splinternuwe, unieke byeenkoms vir skole van reg oor die land aan.
Namibië se heel eerste #Festival vir skoliere sal vanaf 7 tot 9 September 2017 in Windhoek plaasvind.
Die Hutstekenfees is Saterdagoggend formeel tydens die Interhoër tussen Windhoek Hoërskool en Windhoek Gimnasium deur Namibia Media Holdings (NMH) bekend gestel.
‘n Hele 45 skole van reg oor die land sal in nege “franchises” teen mekaar meeding in nege sportkodes. Die #Festival sal saamval met ‘n loopbaanskou waar skoliere met persone in verskillende beroepe kan gesels en die naweek sluit af met ‘n musiekkonsert ter viering van Republikein se 40ste verjaardag.
Sport help om gesonde sosialisering en akademiese sukses te bevorder. Net so het leerlinge eerstehandse kennis nodig oor die beroepe wat hul oorweeg voordat hulle ‘n besluit oor hul toekoms neem. ‘n Wye reeks moontlikhede vir elke skolier sal met praktiese raad aangebied word. Inligting sal ook beskikbaar wees oor buitelandse studiemoontlikhede en die koste om verder te gaan leer.
Motorhandelaars en banke sal raad gee oor die beste keuse vir ‘n studentemotor.
Elke “franchise” bestaan uit tussen drie en ses skole. Vier skolegroepe kom uit Windhoek en die oorblywende vyf uit die res van die land.
Die sport sal die Vrydag begin en die skole in elke “franchise” sal talent saamspan in deelname aan die 100 meter, vyf-aan-‘n-kant netbal, vier-aan-'n-kant strandvlugbal, dubbelspel in tennis, swem, vyf-aan-‘n-kant sokker, sewesrugby en vyf-aan-‘n-kant hokkie. Elke “franchise” sal “cheer leaders” hê om te bepaal wie die kreatiefste ondersteuning vanaf die kantlyn bied.
Die nege “franchises” en hul borge is: Die Arabian Knights (Shoprite), Canyon Rangers (Intouch Interactive Marketing), Coastal Dolphins (Paratus Telecom), Delta Lions (Newsprint Namibia), Etosha Ravens (KingPrice Insurance), Highfeld Cheetahs (Bank Windhoek), Oshana Patriots (Prosperity Health), Pionier Warriors (Republikein) en die Windhoek Saints (Deloitte).
Hou die media dop vir meer besonderhede oor die #Festival en besoek My Zone se Facebook-blad vir meer inligting en nuwe nuusbrokkies.
Die Hutstekenfees is Saterdagoggend formeel tydens die Interhoër tussen Windhoek Hoërskool en Windhoek Gimnasium deur Namibia Media Holdings (NMH) bekend gestel.
‘n Hele 45 skole van reg oor die land sal in nege “franchises” teen mekaar meeding in nege sportkodes. Die #Festival sal saamval met ‘n loopbaanskou waar skoliere met persone in verskillende beroepe kan gesels en die naweek sluit af met ‘n musiekkonsert ter viering van Republikein se 40ste verjaardag.
Sport help om gesonde sosialisering en akademiese sukses te bevorder. Net so het leerlinge eerstehandse kennis nodig oor die beroepe wat hul oorweeg voordat hulle ‘n besluit oor hul toekoms neem. ‘n Wye reeks moontlikhede vir elke skolier sal met praktiese raad aangebied word. Inligting sal ook beskikbaar wees oor buitelandse studiemoontlikhede en die koste om verder te gaan leer.
Motorhandelaars en banke sal raad gee oor die beste keuse vir ‘n studentemotor.
Elke “franchise” bestaan uit tussen drie en ses skole. Vier skolegroepe kom uit Windhoek en die oorblywende vyf uit die res van die land.
Die sport sal die Vrydag begin en die skole in elke “franchise” sal talent saamspan in deelname aan die 100 meter, vyf-aan-‘n-kant netbal, vier-aan-'n-kant strandvlugbal, dubbelspel in tennis, swem, vyf-aan-‘n-kant sokker, sewesrugby en vyf-aan-‘n-kant hokkie. Elke “franchise” sal “cheer leaders” hê om te bepaal wie die kreatiefste ondersteuning vanaf die kantlyn bied.
Die nege “franchises” en hul borge is: Die Arabian Knights (Shoprite), Canyon Rangers (Intouch Interactive Marketing), Coastal Dolphins (Paratus Telecom), Delta Lions (Newsprint Namibia), Etosha Ravens (KingPrice Insurance), Highfeld Cheetahs (Bank Windhoek), Oshana Patriots (Prosperity Health), Pionier Warriors (Republikein) en die Windhoek Saints (Deloitte).
Hou die media dop vir meer besonderhede oor die #Festival en besoek My Zone se Facebook-blad vir meer inligting en nuwe nuusbrokkies.
Kommentaar
Republikein
Geen kommentaar is op hierdie artikel gelaat nie