Jan Robbertze verloor sy stryd teen kanker
Namibië het 'n baanbreker in die beesvleisbedryf verloor.
Een van die grondleggers van die Namibiese vleisuitvoerbedryf, mnr. Jan Robbertze, is Maandagoggend in die ouderdom van 82 jaar in 'n aftreeoord in die Paarl oorlede.
Hy was 'n bekende in landboukringe, en spesifiek in die vleisbedryf, van die destydse Suidwes-Afrika.
Robbertze is in Januarie vanjaar met 'n kwaadaardige gewas op sy brein gediagnoseer.
“Hy was 'n grondlegger van die beesvleisuitvoerbedryf in Namibië en moes as eerste hoofbestuurder van Swavleis (nou Meatco) onder meer verseker dat die destydse stigtingsdoelwittte suksesvol deurgevoer word,” sê mnr. Faan Conradie, 'n vriend en destydse kollega van hom.
Onder sy bekwame leiding is daar in die sewentigerjare vir die eerste keer 'n abattoir en beesvleisverwerkingsaanleg vir uitvoere na die destydse Europese mark (Europese Gemeenskap, EG) toegelaat.
Nadat hy in die vroeë sestigerjare as hoofrekenmeester by FCU, die destydse landboukoöperasie, werksaam was, het hy saam met wyle mnr. Johny Hamman (snr.) die koöperatiewe wêreld verlaat om as rekenmeester die bekende Safari Motel aan die buitewyke van Windhoek te begin.
Na 'n paar jaar het hy hom by Karoo Lewendehawe SWA aangesluit waar hy die finansiële hoofbestuurder geword het.
Tydens die groot droogtes van die vroeë sewentigerjare is hy deur die voorsitter van die Karoo-groep, mnr. Jan Pickard, versoek om die abattoir en vleisverwerkingsaanleg op Okahandja, Karoo Meat Packers, te heropen en weer te bedryf nadat dit ses jaar gesluit was.
Onder sy bestuur het dié maatskappy binne ses maande gekwalifiseer om onder die Lomé-konvensie beesvleis na die destydse EG-lande uit te voer. Daar is later ook na verskeie Europese lande buite die EG uitgevoer.
LEIDENDE ROL
Hy was die inisieerder van baie sake-aksies soos die vestiging van die eerste formele beesvoerkraal in Namibië met 'n staankapasiteit van meer as 4 000 beeste, kleinhandelslaghuise sowel as groothandel-vleisdepots.
Robbertze het 'n leidende rol gespeel met die stigting van Swavleis in 1984 en is as die eerste hoofbestuurder van die nuwe vleiskorporasie aangestel.
Hy moes die sakebelange van maatskappye soos Karoo Meat Packers Okahandja, Impala Meat Otavi, Damara Meat Packers Windhoek, sowel as die fabrieke van die Eerste Nasionale Ontwikkelingskorporasie (Enok) op Oshakati en Gobabis verenig en in een, sterk span saambind. Dit het gelei tot die mees suksesvolle vleisverwerkingsorganisasie in Afrika.
In die laat tagtigerjare het hy Meatco verlaat toe sy gesondheid verswak het.
Hy het hom in Suid-Afrika gaan vestig en later weer tot die vleisbedryf toegetree waar hy as Kanhym-Karoo SA se bemarker van die jaar aangewys is.
Robbertze het ook baie gedoen om gholf in die destydse Suidwes-Afrika uit te bou.
Robbertze laat sy vrou, Baba, twee seuns, Cassie en Gerhard, vyf kleinkinders en een agterkleinkind agter.
'n Gedenkdiens word Vrydag by die Groenleegte Aftreeoord in Noorder-Paarl gehou.
Hy was 'n bekende in landboukringe, en spesifiek in die vleisbedryf, van die destydse Suidwes-Afrika.
Robbertze is in Januarie vanjaar met 'n kwaadaardige gewas op sy brein gediagnoseer.
“Hy was 'n grondlegger van die beesvleisuitvoerbedryf in Namibië en moes as eerste hoofbestuurder van Swavleis (nou Meatco) onder meer verseker dat die destydse stigtingsdoelwittte suksesvol deurgevoer word,” sê mnr. Faan Conradie, 'n vriend en destydse kollega van hom.
Onder sy bekwame leiding is daar in die sewentigerjare vir die eerste keer 'n abattoir en beesvleisverwerkingsaanleg vir uitvoere na die destydse Europese mark (Europese Gemeenskap, EG) toegelaat.
Nadat hy in die vroeë sestigerjare as hoofrekenmeester by FCU, die destydse landboukoöperasie, werksaam was, het hy saam met wyle mnr. Johny Hamman (snr.) die koöperatiewe wêreld verlaat om as rekenmeester die bekende Safari Motel aan die buitewyke van Windhoek te begin.
Na 'n paar jaar het hy hom by Karoo Lewendehawe SWA aangesluit waar hy die finansiële hoofbestuurder geword het.
Tydens die groot droogtes van die vroeë sewentigerjare is hy deur die voorsitter van die Karoo-groep, mnr. Jan Pickard, versoek om die abattoir en vleisverwerkingsaanleg op Okahandja, Karoo Meat Packers, te heropen en weer te bedryf nadat dit ses jaar gesluit was.
Onder sy bestuur het dié maatskappy binne ses maande gekwalifiseer om onder die Lomé-konvensie beesvleis na die destydse EG-lande uit te voer. Daar is later ook na verskeie Europese lande buite die EG uitgevoer.
LEIDENDE ROL
Hy was die inisieerder van baie sake-aksies soos die vestiging van die eerste formele beesvoerkraal in Namibië met 'n staankapasiteit van meer as 4 000 beeste, kleinhandelslaghuise sowel as groothandel-vleisdepots.
Robbertze het 'n leidende rol gespeel met die stigting van Swavleis in 1984 en is as die eerste hoofbestuurder van die nuwe vleiskorporasie aangestel.
Hy moes die sakebelange van maatskappye soos Karoo Meat Packers Okahandja, Impala Meat Otavi, Damara Meat Packers Windhoek, sowel as die fabrieke van die Eerste Nasionale Ontwikkelingskorporasie (Enok) op Oshakati en Gobabis verenig en in een, sterk span saambind. Dit het gelei tot die mees suksesvolle vleisverwerkingsorganisasie in Afrika.
In die laat tagtigerjare het hy Meatco verlaat toe sy gesondheid verswak het.
Hy het hom in Suid-Afrika gaan vestig en later weer tot die vleisbedryf toegetree waar hy as Kanhym-Karoo SA se bemarker van die jaar aangewys is.
Robbertze het ook baie gedoen om gholf in die destydse Suidwes-Afrika uit te bou.
Robbertze laat sy vrou, Baba, twee seuns, Cassie en Gerhard, vyf kleinkinders en een agterkleinkind agter.
'n Gedenkdiens word Vrydag by die Groenleegte Aftreeoord in Noorder-Paarl gehou.
Kommentaar
Republikein
Geen kommentaar is op hierdie artikel gelaat nie