Jaar ná Khashoggi se moord nog geen vervolgings

Kollega Safa al-Ahmad vandag in Namibië

02 October 2019 | Gebeure
Ronelle Rademeyer - Terwyl persvryheidsorganisasies en menseregtegroepe môre voor die Saoedi-Arabiese ambassade in Washington, Amerika, ‘n nagwaak gaan hou ter herinnering aan die vermoorde joernalis Jamal Khashoggi, kom sy kollega en vriendin, Safa al-Ahmad, vandag in Namibië aan.

Sy land hier presies ‘n jaar nadat hy in die Saoedi-Arabiese konsulaat in Istanboel vermoor is vir sy uitgesprokenheid teen vergrype in dié Midde-Oosterse land.

Al-Ahmad, ‘n bekroonde ondersoekende joernalis en filmmaker, is môreaand die gasspreker by die Redakteursforum van Namibië (EFN) se toekenningsaand vir topjoernalistiek in die land. Sy het onder meer twee Emmy-toekennings ingepalm vir haar dokkies oor die toestande in Jemen.

Al-Ahmad het in Junie vanjaar in Skotland die Wêreldvereniging van Koerante en Nuusuitgewers (Wan-Ifra) se Goue Pen van Vryheid-toekenning namens Khashoggi ontvang toe dit postuum aan hom toegeken is.

“Khashoggi was ’n dapper fakkeldraer vir vryheid van spraak, en dit het hom sy lewe gekos. Hy het ondanks groot persoonlike opoffering sy reg op vryheid van spraak onwrikbaar deur middel van gehaltejoernalistiek uitgeoefen,” het mnr. Dave Callaway, president van die Wêreldredakteursforum, by daardie geleentheid gesê.

Die Verenigde Nasies se spesiale verslaggewer oor buitegeregtelike, summiere of arbitrêre teregstellings, me. Agnes Callamard, het vroeër bevind daar is grondige bewyse om hoëvlak- Saoedi-Arabiese regeringslui, onder wie kroonprins Mohammad bin Salman, verder vir sy moord te ondersoek. Niemand is tot nou toe aangekla en vervolg nie.

Namibiërs wat belang stel om die dinee by te woon waar Al-Ahmad aan die woord gaan wees, kan nog tot 12:00 kaartjies koop by www.webtickets.com.na

Soortgelyk

 

Toetsing vir Covid-19 kry hupstoot

27th of May 11:38 | Gesondheid

Bank Windhoek het vandag hul skenking van reagent- en weefselmonstertoetsstelle aan die Namibië Instituut vir Patologie (NIP) aangekondig. Dié handelsbank se uitvoerende beampte, me. Jacquiline...

Bank en depot sal nie sluit nie, sê Peya

46 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

54 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

11 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

11 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

11 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

11 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

11 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

11 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...