Inwoner kla oor gemors by Seeis-padblokkade
Ronelle Rademeyer
Die polisiebeampte in beheer van die padblokkade by Seeis, hoofinsp. Hafeni Shikongo, het Vrydag onderneem om die polisie- en weermaglede wat daar diens doen, aan te spreek oor onhigiëniese optrede wat inwoners van dié nedersetting in gevaar kan stel.
Dit volg nadat me. Liesie Herle, wat op 'n kleinhoewe boer waarvan die grensdraad reg teen die padblokkade geleë is, haar kommer oor die optrede van die polisiemanne en soldate uitgespreek het.
“Ons het gesigmaskers en rubberhandskoene in die veld opgetel. Verder gebruik die mense wat die padblokkade beman ook nie die drie chemiese toilette wat vir hulle hier geplaas is nie, maar loop hul draaie in die veld.” Sy sê die toiletpapier waai die wêreld vol.
Volgens haar het sy selfs vir hulle 'n asdrom gegee waarin hulle gebruikte maskers en handskoene kan weggooi.
Shikongo, wat by die polisiekantoor by die Internasionale Lughawe Hosea Kutako gestasioneer en in bevel van dié padblokkade is, het gesê hy was nie bewus van hierdie klagtes nie.
“Sy het by die Seeis-polisiekantoor gaan kla, maar hulle is nie in beheer van die padblokkade nie,” het hy gesê toe Republikein die padblokkade Vrydag besoek het.
Hy het onderneem om opdrag te gee dat hierdie optrede dadelik gestaak word. - [email protected]
Die polisiebeampte in beheer van die padblokkade by Seeis, hoofinsp. Hafeni Shikongo, het Vrydag onderneem om die polisie- en weermaglede wat daar diens doen, aan te spreek oor onhigiëniese optrede wat inwoners van dié nedersetting in gevaar kan stel.
Dit volg nadat me. Liesie Herle, wat op 'n kleinhoewe boer waarvan die grensdraad reg teen die padblokkade geleë is, haar kommer oor die optrede van die polisiemanne en soldate uitgespreek het.
“Ons het gesigmaskers en rubberhandskoene in die veld opgetel. Verder gebruik die mense wat die padblokkade beman ook nie die drie chemiese toilette wat vir hulle hier geplaas is nie, maar loop hul draaie in die veld.” Sy sê die toiletpapier waai die wêreld vol.
Volgens haar het sy selfs vir hulle 'n asdrom gegee waarin hulle gebruikte maskers en handskoene kan weggooi.
Shikongo, wat by die polisiekantoor by die Internasionale Lughawe Hosea Kutako gestasioneer en in bevel van dié padblokkade is, het gesê hy was nie bewus van hierdie klagtes nie.
“Sy het by die Seeis-polisiekantoor gaan kla, maar hulle is nie in beheer van die padblokkade nie,” het hy gesê toe Republikein die padblokkade Vrydag besoek het.
Hy het onderneem om opdrag te gee dat hierdie optrede dadelik gestaak word. - [email protected]
Kommentaar
Republikein
Geen kommentaar is op hierdie artikel gelaat nie