Internasionale Biodiversiteitdag môre herdenk

21 May 2020 | Omgewing
Internasionale Biodiversiteitdag word jaarliks op 22 Mei volgens die Verenigde Nasies se Konvensie oor Biologiese Diversiteit (UNCBD) herdenk.

Volgens die woordvoerder van die ministerie van die omgewing, bosbou en toerisme, mnr. Romeo Muyunda, sal daar vanjaar weens die Covid-19-pandemie geen spesiale, amptelike funksie wees om dié dag te vier nie.

"Die Covid-pandemie het ernstige gevolge vir Namibië se toerisme- en bewaringsektor en die land se ekonomie. Die toerismesektor leun swaar op internasionale toeriste wat Namibië se natuurskoon geniet," het Muyunda gesê.

"Sowat 70% van Namibiërs is afhanklik van die biodiversiteit en natuurlike hulpbronne."

Vanjaar se tema is "Our solution are in Nature" en volgens Muyunda word Namibiërs en die wêreldgemeenskap aangemoedig om tydens die krisis met dié tema na oplossings vir die pandemie te soek.

"Plaaslike en internasionale navorsers word aangemoedig om binne ons biodiversiteit na 'n kuur vir die virus te soek," het hy gesê.

Muyunda doen 'n beroep op Namibiërs om hulle te weerhou van onvolhoubare praktyke soos stropery en dit te veroordeel.

"Stropery, veral van renosters en olifante, is een van die grootste bedreigings vir ons biodiversiteit en die onwettige oes van hout bedreig ons woud-ekostelsels."

Ander uitdagings is rommelstrooiery, besoedeling, die vernietiging van die habitat deur onder meer sandmyne, verwoestyning weens klimaatsverandering, grondagteruitgang weens onvolhoubare grondgebruik en die onvolhoubare gebruik van natuurlike hulpbronne.

"Namibië skep deurentyd nuwe beleide en verbeter bestaande beleide om die positiewe impak op die ekonomie, samelewing en die omgewing te verseker," sê Muyunda.

Soortgelyk

 

Covid-19: 5de nuwe geval binne 4 dae

1 uur gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

2 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

2 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

2 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

2 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

2 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

2 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

2 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

2 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...