Inhaal deel van leerplan

Sluiting ‘absoluut laaste uitweg’

20 January 2021 | Onderwys
Henriette Lamprecht – Die nasionale leerplan is tot 70% gerasionaliseer en ’n herstelperiode is ingebou wat vandeesmaand met die opening van skole vir die nuwe jaar afskop.
Dit sluit ’n Skoolgereedheidsprogram van vier tot agt weke vir die junior primêre fase, asook ’n inhaalprogram in die sekondêre fase in.
Volgens die ministerie van onderwys, kuns en kultuur se uitvoerende direkteur, me. Sanet Steenkamp, was verlede jaar se gemengde benadering van aanlyn onderrig en gedrukte media 80% suksesvol in private skole, maar is in minder as 50% van staatskole toegepas. Laasgenoemde was grootliks weens ’n gebrek aan data en internetverbinding.
Steenkamp het in ’n gesprek oor die gereedheid van skole vir die opening van die nuwe skooljaar beklemtoon die algehele sluiting van skole soos verlede jaar sal ’n “absolute laaste uitweg” wees. Steenkamp het egter beklemtoon vanjaar sal die ministerie “groot belê” in formele aanlyn onderrig vir veral junior en senior primêre klasse.
“Ons gaan seker maak onderwysers het die nodige toerusting,” het sy gesê. Volgens haar is slegs dié leerlinge oor wie nie verlede jaar verantwoording gedoen kon word nie, nie na die volgende graad oorgeplaas nie. Sy sê 15 350 leerlinge het nie na skole teruggekeer nie toe dit weer vir aangesig- tot-aangesig-onderrig geopen het.
Sy het gemaan enige verlengde sluiting van skole het onbedoelde gevolge en het ’n sosiale impak op leerlinge. Steenkamp het verwys na 3 625 skoolmeisies wat in agt maande verlede jaar swanger geraak het, terwyl 18 seuns die skoolbanke verlaat het omdat hulle meisies swanger gemaak het.
Steenkamp voorsien nie dat die opening van die nuwe skooljaar uitgestel sal word of dat skole weer soos verlede jaar vir ’n geruime tyd sal sluit nie.
“Sluiting is absoluut die laaste uitweg. Wêreldwye navorsing lewer geen bewyse dat kinders die primêre drywers van die pandemie is nie. Dié wat siek is en onderliggende mediese toestande soos asma en diabetes het wat hulle meer kwesbaar maak, word steeds geakkommodeer.
“In gevalle waar sporadiese en groepe gevalle voorkom, het ons kenners se kundigheid om dit reg te hanteer,” het sy gesê.

UITSLAE IN FEBRUARIE
Met verwysing na die uitreik van uitslae vir verlede jaar se graad 11- en 12-leerlinge het Steenkamp gesê die merk en gradering van graad 12-vraestelle asook die merk van graad 11-vraestelle is reeds voltooi.
Volgens haar kyk die ministerie na die einde van die eerste week in Februarie vir die uitreik van die uitslae, maar duidelikheid hieroor sal vandeesweek gegee word.
As deel van sy Covid-19-voorbereidingsplan gaan die ministerie N$56 miljoen aan streke versprei vir skole om vloeibare seep en handreiniger aan te koop.
Steenkamp het beklemtoon sanitasie en water moet beskikbaar wees. In dié verband word nou met die ministerie van landbou, water en grondhervoming se direktoraat vir landelike watervoorsiening saamgewerk om in veral drie streke (Kavango-Oos en -Wes en Zambezi) te verseker dit is in plek.
By dieselfde geleentheid het die adjunk- uitvoerende direkteur, me. Edda Bohn, verwys na die leerplan tot 70% gerasionaliseer en ’n herstelperiode wat ingebou is.
In die junior primêre fase is ’n Skoolgereedheidsprogram van vier tot agt weke bygewerk. Volgens Bohn is kinders wat nie verlede jaar voorskoolse programme of preprimêre klasse kon bywoon nie, ten spyte hiervan tot graad 1 toegelaat. In die junior sekondêre fase is ’n inhaalprogram deel van die onderrig om volgens Bohn werk in te haal wat verlede jaar moontlik verlore gegaan het.
Met verwysing na aanlyn onderrig as alternatief vir aangesig-tot-aangesigonderrig het sy erken nie alle skole is op dieselfde vlak nie. Volgens haar het net meer as 70% van skole toegang tot elektrisiteit, maar het die ministerie ’n plan gereed om toerusting vir internetverbinding veral in senior sekondêre skole te verseker.
Die plan sluit die mees geskikte model in wat verlede jaar grootliks met die sluiting van skole gevolg is en ’n gemengde benadering van onder meer gedrukte media en WhatsApp-groepe ingesluit het. Bohn sê navorsing het getoon gedrukte media was die mees suksesvolle medium.
Volgens haar is dit ’n kwessie van prioriteite om toegang tot aanlyn onderrig te verseker en fondse hiervoor beskikbaar te stel. “Ons moet dit in fases doen. Vir graad 11’s is dit eerste prioriteit, want ons wil nie hul onderrig in gevaar stel nie.”
Tans word onderwysers en leerlinge toegerus met dit wat beskikbaar is. “Ons moet kan voorsien, maar ook binne die finansiële hulpbronne wat beskikbaar is, opleiding verskaf,” sê Bohn.
Sy het beklemtoon enige leerlinge wat verlede jaar nie na skole teruggekeer het nie, moet weer registreer.
“Alle leerlinge moet terugkeer en geregistreer word. Sou daar enige probleme met aangesig-tot-aangesigonderrig wees, moet dit by die skool aangemeld word. Protokol is in plek om dié leerlinge te akkommodeer.”
[email protected]

Soortgelyk

 

Covid-19: In beeld 24 Februarie 2021

4 ure gelede | Gesondheid

Soos sake staan...

Vrou geholpe, man se operasie 'n sukses

5 ure gelede | Gesondheid

Die vrou wat in 'n parkeerterrein by die Katutura-hospitaal in haar motor gebly het om naby haar man te wees wat weke vir 'n heupoperasie...

80 nuwe gevalle, twee sterftes

7 ure gelede | Gesondheid

Twee Covid-19-verwante sterftes is vandag aangekondig, waarvan een in Walvisbaai en een in Outapi. Dit bring die totaal op 413 te staan bring. Tagtig nuwe...

Okavango-alliansie vra vir moratorium op oliesoektog

9 ure gelede | Omgewing

'n Alliansie van plaaslike en internasionale burgerlike organisasies en aktiviste, Save Okavango's Unique Life (Soul), wil hê 'n moratorium moet geplaas word op ReconAfrica se...

Namibië se Ontplooiings- en Immuniseringsplan "onder die beste...

11 ure gelede | Gesondheid

Namibië se Ontplooiings- en Immuniseringsplan teen Covid-19 is deur die Wêreldgesondheidsorganisasie (WHO) as "een van die beste in die wêreld" beskryf. Volgens die minister van...

N$583 miljoen vir Namibië se Covid-19 Ontplooiings- en Immuniseringsplan...

11 ure gelede | Gesondheid

Die totale voorgestelde begroting vir Namibië se Ontplooiings- en Immuniseringsplan vir Covid-19-entstowwe is N$583 miljoen waarvan N$484,8 miljoen vir die aankoop van die entstowwe is....

Covid-19-regulasies geld tot 31 Maart

12 ure gelede | Gesondheid

Pres. Hage Geingob het pas by Staatshuis aangekondig die huidige Covid-19-maatreëls geld vir die volgende 36 dae vanaf middernag tot 31 Maart (Onafhanklikheidsdag op 21...

Metro spoils its customers

14 ure gelede | Plaaslik

Metro Namibia celebrated its birthday in style once again by spoiling five lucky customers each to a trailer of their own, stocked with N$5,000-00 worth...

Knopvelsiekte breek in Omaheke uit

22 ure gelede | Landbou

Knopvelsiekte het by Eiseb in die Omahekestreek uitgebreek en die beweging van beeste in dié gebied is tot verdere kennisgewing opgeskort.Dr. Albertina Shilongo, hoof-veeartsenybeampte in...