Indiese stelsel bring weer reën

Suidedamme, Omatako kry water

28 February 2017 | Omgewing
Elvira Hattingh - Reënvooruitsigte vir die eerste week van Maart lyk belowend vir die binneland, met die Noorde en Noordooste wat swaar reënbuie en donderstorms van vandag af kan verwag.

Die Namibiese weerkantoor se Sieglinde Somses het gister aan Republikein gesê dié vogstelsel kan ook na die Suidooste en die kus uitbrei.

“Die hoogdrukstelsel wat tans oor die Indiese Oseaan hang, saam met die verdieping van die oppervlaktrog oor die Namibiese binneland, veroorsaak dat meer vog in sirkulasie oor die binneland kom.

“Gevolglik bestaan 'n beter kans vandeesweek op reën en donderstorms vir die grootste deel van die binneland. Die Noorde en Noordooste kan swaar reënbuie en donderstorms van vandag af verwag.

“Dié weer sal na verwagting Donderdag na die suidoostelike dele van die land uitbrei. Dieselfde weerstelsel kan moontlik enkele reënbuie aan die sentrale kus bring,” het sy gesê.

Ander weerdienste se voorspellings stem hiermee ooreen.

Die Nasionale Sentrums vir Omgewingsvoorspelling voorspel bogemiddelde reënneerslae in veral die Sentrale-Noorde en Sentrale-Noordweste in die komende week, met uitsondering van die verre Noordweste en Suidweste.

Volgens dié diens sal vandeesweek se beter reëns opgevolg word deur

'n heelwat droër tweede week in Maart.

Swaarder reën word vir vandag voorspel vir Katima Mulilo, Oshakati, Opuwo, Tsumeb en Grootfontein, terwyl matige reën vir Rundu voorspel word.

Otjiwarongo, Omaruru, Okahandja en Khorixas se kanse op reën vir vandag lyk besonder goed, terwyl Windhoek, Rehoboth, Arnos en Gobabis moontlik 'n ligte reënbui of bewolkte weer kan verwag.

Mariental se kanse op reën verbeter van môre af, terwyl Keetmanshoop en Karasburg dan ook ligte reën buie kan verwag.



SUIDEDAMME KRY MEESTE WATER

Suidedamme, asook die Omatakodam is die enigstes wat die afgelope week 'n betekenisvolle hoeveelheid water bygekry het.

Terselfdertyd bevat sentrale damme tans dubbel die hoeveelheid water as dieselfde tyd verlede jaar.

Die Omatakodam, een van die drie wat Sentraal-Namibië van water voorsien, staan tans op 53,3% en het sedert verlede week Maandag altesaam 9,476 Mm³ water

bygekry.

Bietjie meer as 'n maand gelede was dié dam nog dolleeg.

Dit bevat nou 23,179 Mm³ water, méér as die Von Bachdam wat tans 20,797 Mm³ (42,8%) bevat.

Die grootste van die drie sentrale damme, die Swakoppoort, is nou 12,2% vol – 'n rapsie leër as verlede seisoen se 14,2%.

Die Suide se Hardapdam het die afgelope week 13,739 Mm³ water bygekry. Dit bevat tans 200,000 Mm³ water en is 72,6% vol.

Die Nautedam staan nou op 94% (78,546 Mm³) en die Oanobdam het ook 3,703 Mm³ water bygekry.

Dit is 75,3% vol.

Die Dreihukdam het ook 3,901 Mm³ water bygekry en is nou 28,4% vol.

Verlede jaar dieselfde tyd het nasionale damme altesaam 270,880 Mm³ water bevat en was dit gemiddeld 38,7% vol.

Tans bevat dit altesaam 396,156 Mm³ en is dit gemiddeld 56,7% vol.

Soortgelyk

 

Voertuie deur Löwen meegesleur

12 ure gelede | Toerisme

Ronelle Rademeyer – Twee toeriste én 'n barmhartige samaritaan moes gister hulpeloos toekyk hoe beide hul voer­tuie deur vloedwater in die Löwenrivier meegesleur word.Dié twee...

Boer slag huurbeeste glo self

12 ure gelede | Misdaad

Elvira Hattingh – 'n Boer uit die Windhoek-omgewing het Donderdag sy vierde verskyning in die landdroshof in Windhoek gemaak op aanklag dat hy 'n boer...

Weer vir 19 Januarie

12 ure gelede | Weer

WEERWAAK: Wydverspreide donderbuie word oor die binneland verwag.BINNELAND: Gedeeltelik bewolk en baie warm in die Namib en verre suide met 'n paar buie, andersins gedeeltelik...

Voëlgriep dalk in Namibië

12 ure gelede | Omgewing

Adam Hartman en Erwin Leuschner – Nadat voëlgriep in Suid-Afrika in die Wes-Kaap etlike maande gelede uitgebreek het, bestaan die vrees tans dat seevoëls langs...

Mense keer op keer uit riviere verskuif

12 ure gelede | Regering

Tanja Bause – Talle huise aan weerskante van 'n rivier wat parallel met Istanbulstraat in Otjomuise loop, het Sondagnamiddag oorstroom. Baie van die betrokke mense...

Pedofielsaak skuif na hoërhof

12 ure gelede | Howe

Kristien Kruger – Die vermeende pedofiel wat daarvan beskuldig word dat hy verskeie jong seuns in Windhoek verkrag en vir pornografies doeleindes misbruik het, se...

Reënseisoen skop buitengewoon swak af

12 ure gelede | Weer

Elvira Hattingh – Ofskoon Namibië se weerkantoor opnuut wydverspreide donderbuie vir vandag oor die binneland voorspel, het die eerste helfte van die reënseisoen “baie swak”...

Noorde wag vir reën

12 ure gelede | Weer

Terwyl die sentrale en suidelike gedeeltes van Namibië hoë neerslae die afgelope paar dae aangeteken het, moet die noorde van die land nog volgens die...

Verslag: Verskaffers het Agribusdev droog gemelk

12 ure gelede | Ministeries

Mathias Haufiku – ’n Forensiese verslag oor Agribusdev se sakebedrywighede voer aan verskaffers het voorkeurbehandeling ontvang om sake met die maatskappy te doen deur prysvasstellingstaktieke...