Hysbakskakel in selfdood ondersoek
’n Slypskool vir bestuurslui in die presidensie is gister afgestel toe dit bekend word 'n bestuurslid het sy lewe geneem.
Denver Kisting – Die nasionale polisiehoof, lt.genl. Sebastian Ndeitunga, het gister bevestig die polisie ondersoek die beweerde skakel tussen ’n onwettige hysbaktender en die selfdood van ’n senior Staatshuisamptenaar.
Mnr. Reinhold Namupala (38), die adjunkdirekteur gemoeid met instandhouding, het homself gisteroggend op Midgard Country Estate buite Okahandja om die lewe gebring.
Adj.komm. Edwin Kanguatjivi, die hoof van die polisie se skakelafdeling, het die voorval bevestig.
Hy het gesê Namupala is gisteroggend dood in sy voertuig aangetref.
Kanguatjivi sê die senior Staatshuisamptenaar het ’n vuurwapen by hom gehad.
Die polisie het egter geen selfdoodnota gevind nie.
Republikein het verneem amb. Martin Andjaba, die minister gelas met presidensiële aangeleenthede, sou gister ’n slypskool van Staatshuis se senior bestuurslui open.
Dié slypskool sou van gister tot Donderdag op die spoglandgoed plaasgevind het.
Die verrigtinge is intussen afgestel.
Dr. Alfredo Hengari, pres. Hage Geingob se woordvoerder, wou nie gister enigiets oor die voorval sê nie. “Ek het geen kommentaar oor dit waaroor jy vra nie.”
Ndeitunga het by navraag bevestig hy dra kennis van die gerugte wat die ronde doen dat Namupala verbind word met ’n onwettige tender vir N$1 miljoen vir ’n hysbak.
Die hysbak is vermoedelik in die eerste week van April aangebring by ’n gastehuis van die eerste minister se kantoor in Eros waar dr. Nickey Iyambo, eertydse visepresident, tans tuisgaan.
Hengari het Vrydagaand in ’n verklaring gesê ’n hysbak is skynbaar voorverlede week ten bedrae van N$999 999 opgerig.
Dit kom nadat Andjaba onlangs hand en tand in die Nasionale Vergadering (NV) belowe het geen hysbak sal in die gastehuis aangebring word nie.
Hengari het namens pres. Geingob daarop aangedring die oortreders moet geïdentifiseer word en aan die pen ry.
Hengari wou die naweek vanweë beweerde veiligheidsredes nie die ligging van die gastehuis onthul nie.
Ndeitunga het gistermiddag onthul geen strafregtelike klagte is nog by die polisie ingedien nie. “Behalwe die staatshoof se verklaring het niemand nog tot dusver ’n klag by die polisie aanhangig gemaak nie.”
Mnr. Reinhold Namupala (38), die adjunkdirekteur gemoeid met instandhouding, het homself gisteroggend op Midgard Country Estate buite Okahandja om die lewe gebring.
Adj.komm. Edwin Kanguatjivi, die hoof van die polisie se skakelafdeling, het die voorval bevestig.
Hy het gesê Namupala is gisteroggend dood in sy voertuig aangetref.
Kanguatjivi sê die senior Staatshuisamptenaar het ’n vuurwapen by hom gehad.
Die polisie het egter geen selfdoodnota gevind nie.
Republikein het verneem amb. Martin Andjaba, die minister gelas met presidensiële aangeleenthede, sou gister ’n slypskool van Staatshuis se senior bestuurslui open.
Dié slypskool sou van gister tot Donderdag op die spoglandgoed plaasgevind het.
Die verrigtinge is intussen afgestel.
Dr. Alfredo Hengari, pres. Hage Geingob se woordvoerder, wou nie gister enigiets oor die voorval sê nie. “Ek het geen kommentaar oor dit waaroor jy vra nie.”
Ndeitunga het by navraag bevestig hy dra kennis van die gerugte wat die ronde doen dat Namupala verbind word met ’n onwettige tender vir N$1 miljoen vir ’n hysbak.
Die hysbak is vermoedelik in die eerste week van April aangebring by ’n gastehuis van die eerste minister se kantoor in Eros waar dr. Nickey Iyambo, eertydse visepresident, tans tuisgaan.
Hengari het Vrydagaand in ’n verklaring gesê ’n hysbak is skynbaar voorverlede week ten bedrae van N$999 999 opgerig.
Dit kom nadat Andjaba onlangs hand en tand in die Nasionale Vergadering (NV) belowe het geen hysbak sal in die gastehuis aangebring word nie.
Hengari het namens pres. Geingob daarop aangedring die oortreders moet geïdentifiseer word en aan die pen ry.
Hengari wou die naweek vanweë beweerde veiligheidsredes nie die ligging van die gastehuis onthul nie.
Ndeitunga het gistermiddag onthul geen strafregtelike klagte is nog by die polisie ingedien nie. “Behalwe die staatshoof se verklaring het niemand nog tot dusver ’n klag by die polisie aanhangig gemaak nie.”
Kommentaar
Republikein
Geen kommentaar is op hierdie artikel gelaat nie