Hysbakondersoek geskied geheimsinnig

Simataa swyg

26 April 2019 | Regering
Denver Kisting – Twee weke nadat pres. Hage Geingob ’n ondersoek gelas het na ’n beweerde onwettige hysbaktender is die werksaamhede van die ondersoekkomitee in geheimhouding gehul.

Die kabinetsekretaris, dr. George Simataa, het gisteroggend by navraag bondig gereageer.

Sy WhatsApp aan Republikein lui: “Ons sal die media inlig wanneer ons gereed is.”

Simataa lei die hoëvlakspan wat agter die kap van die byl van die beweerde onwettige tender ten bedrae van bykans N$1 miljoen moet kom.

’n Senior Staatshuis-amptenaar, mnr. Reinhold Namupala, het verlede Maandag glo sy eie lewe geneem – dae nadat Geingob gesê het koppe sal oor die tender rol.

Op ’n vraag of Namupala verbind word met die omstrede tender het Simataa verlede week gesê: “Om eerlik te wees, ek weet rêrig nie.”

Geingob het verlede week in ’n verklaring gesê om te bespiegel, is geen goeie idee nie.

Volgens sy woordvoerder, dr. Alfredo Hengari, moet die polisie die geleentheid gegun word om die omstandighede rondom Namupala se onnatuurlike dood uit te pluis.

Die 38-jarige Namupala, ’n adjunkdirekteur gelas met instandhouding, is tussen verlede Sondagaand en Maandagoggend op Midgard Country Estate buite Okahandja oorlede.

Hoewel geen selfdoodnota tot dusver gevind kon word nie het Namupala volgens die polisie se hoofwoordvoerder, adj.komm. Edwin Kanguatjivi, homself moontlik om die lewe gebring.

Namupala was sedert 1 Julie 2017 by Staatshuis werksaam.

Ten tyde van sy dood sou Staatshuis se senior bestuur beplanning vir 2019 op die spoglandgoed bespreek.

Dié verrigtinge is deur amb. Martin Andjaba, die minister gemoeid met presidensiële aangeleenthede, afgestel.

Die omstrede hysbak is glo vroeër vandeesmaand inderhaas in ’n regeringsgastehuis opgerig nadat Andjaba in die Nasionale Vergadering (NV) aangekondig het daar is geen sulke planne nie.

Dr. Nickey Iyambo, die bejaarde voormalige visepresident, gaan tans in dié gastehuis in die Windhoekse voorstad Eros tuis.

Soortgelyk

 

Kolonel, onderwyser vas oor wild

8th of July 16:03 | Misdaad

'n Weermagkolonel (51) van die Otavi-weermagbasis en 'n onderwyser is vanoggend omstreeks 01:00 met twee duikers, twee hase, twee springhase en een wildsbok by...

Leerlingdokters, -tandartse by staatshospitale uitgeplaas

22 minute gelede | Gesondheid

’n Totaal van 131 leerlingdokters is by verskeie hospitale dwarsoor die land uitgeplaas om met hul internskap van twee jaar te begin. Die leerlingdokters sal...

Hof: Minister skuldig aan korrupsie

15 ure gelede | Howe

In 'n geskiedkundige eerste vir Namibië is me. Katrina Hanse-Himarwa, die minister van onderwys, kuns en kultuur, vandag in die hoërhof in Windhoek skuldig bevind...

Voortrekker: “Namibië nie ’n desperate land”

15 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

15 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

15 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

15 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

15 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...

D-Dag vir Katrina

15 ure gelede | Howe

Denver Kisting – Die minister van onderwys, kuns en kultuur, me. Katrina Hanse-Himarwa, hoor na verwagting vandag of die hoërhof reken sy is skuldig aan...