Hupstoot vir kommunale Noorde-boere

Groenvoer bevorder

02 September 2019 | Landbou
Elvira Hattingh



Laekoste-, hidroponiese voerproduksiestelsels, oftewel groenvoer, is die beste oplossing vir veevoer in die noordelike kommunale gebiede (NCA).

Só sê die Namibië Nasionale Boere-unie (NNFU).

Die NNFU se president, mnr. Jason Emvula, het verlede Woensdag tydens die bekendstelling van 'n verslag oor bemarking­stelsels vir NCA-­lewende hawe en -produkte gesê sy unie wil dié voerproduksiestelsel bevorder.

Emvula het 'n beroep op die regering gedoen om subsidies be­skikbaar te stel sodat kommunale boere en landbou-entrepreneurs só voer begin maak.

Hy het gesê 'n gebrek aan toegang tot winsgewende markte dompel kommunale boere in armoede en verskeie voorgestelde oplossings was reeds vóór Onafhank­likwording bekend, maar die toepassing daarvan is 'n uitdaging.

“Daarom het die NNFU ander belanghebbendes soos die Europese Unie (EU), die Duitse Vereniging vir Internasionale Samewerking (Giz), die Vleisraad van Namibië, Meatco, die Meatco-stigting, Agribank, die landboubemarking- en handelsagentskap (Amta) asook kenners genader.

“Dit om strategiese ingrypings voor te stel wat op empiriese bewyse gegrond is en strook met die beginsels van die Omvattende Afrika Landbou-ontwikkelingsprogram (CAADP),” het hy gesê.

Emvula het enkele idees uitgelig wat hy glo vinnig goeie resultate in die NCA sal lewer.

Dit sluit in die spoedige uitvoer van die regering se opdrag dat vleis vir openbare instansies soos hospitale en skole van kommunale gebiede af moet kom.

Hy het gesê markte vir vleis uit die NCA moet in ander Afrika­lande geïdentifiseer word, soos Botswana en Kenia doen.

Emvula het ook klem gelê op die noodsaaklikheid daarvan dat infrastruktuur in die NCA aangelê word sodat 'n volledige voedselketting, van voerproduksie tot verwerking, deur kommunale boere besit en bedryf kan word.

Volgens hom moet inheemse veerasse deur teelprogramme en kunsmatige inseminasie verbeter word en moet die regering die land se bek-en-klouseervrye gebied vergroot deur die ­veterinêre ­kordonheining noordwaarts, tot bó die huidige buffersone, te skuif.

Tydens die geleentheid het mnr. Alpheus !Naruseb, die minister van landbou, water en bosbou, in 'n toespraak wat deur mnr. Percy Misika, uitvoerende direkteur in die ministerie, voorgelees is, gesê probleme met veebemarking in die NCA is nie onoorkombaar nie.

!Naruseb het gesê die regering is toegewyd daaraan om abattoirs en vleisverwerkingsgeriewe in dié gebiede op te rig en sal binnekort afkondig hoe uitbrekings van bek-en-klouseer voorts bestuur sal word sodat dit die minste impak op veebemarking het.

Hy het ook gesê nuwe kommoditeitsgebaseerde handelsmaatreëls sal binnekort vir die veilige beweging van vleis uit die NCA na die bek-en-klouseervrye gebiede bekend gemaak word.

Die minister het by die geleentheid gesê die implementeringsplan vir strategiese ingrypings sal na verwagting binnekort bekend gestel word.

“Die ontsluiting van die NCA se potensiaal begin daarby dat produsente hul siening van 'n koei as statussimbool verander na 'n besigheid en 'n belangrike bron in hul kontant-ekonomie,” het !Naruseb gesê.

[email protected]

Soortgelyk

 

Teko-trio vrygespreek

8 ure gelede | Howe

Ronelle Rademeyer - Die sakevrou, me. Teckla Lameck, en haar twee vennote, mnre. Yang Fan en Jeroboam (Kongo) Mokaxwa, is vanoggend in die hoërhof in...

Moenie polisie-, weermaglede verfilm nie

18 ure gelede | Regering

Die ministerie van verdediging het lede van die publiek gewaarsku om nie foto’s of video's van lede van die Namibiese polisie of die weermag (NDF)...

Dokters wis nie van voorskrifte

18 ure gelede | Ministeries

Henriette Lamprecht Geen amptelike kennisgewing is aan lede van die twee grootste verenigings vir dokters in die land uitgestuur oor die herske­dulering van medikasie, insluitende...

Regering kry skuld vir SOE-gemors

18 ure gelede | Regering

Denver Kisting Die regering is 'n swak aandeelhouer.Só het die adjunk- uitvoerende direkteur van staatsdiensondernemings, me. Louise Shixwameni, gister op die ontbytprogram Good Morning Namibia...

Teenstropery: 280 polisielede veg saam

18 ure gelede | Misdaad

Francoise Steynberg Altesaam 280 polisielede van oraloor die land word in teenstropingseenhede op 'n driemaandelikse roteringsbasis in die Palmwagkonsessie en die Etosha en Bwabwata Nasionale...

Meer as N$350 000 se goedere kry voete

18 ure gelede | Misdaad

Volgens die Namibiese polisie se misdaadverslag het skelms Woensdag om 14:00 die venster van 'n voertuig in Windhoek se noordelike nywerheidsgebied stukkend geslaan. Die insittende...

Weer vir 18 September

18 ure gelede | Weer

WEERWAAK: Baie warm toestande sal oor die binneland voortduur.BINNELAND: Gedeeltelik bewolk en bloedig warm in die Suide, andersins sonnig en baie tot bloedig warm.KUS: Bewolk...

Konferensie fokus op gehalte-onderrig

18 ure gelede | Onderwys

Die Nasionale Raad vir Hoër Onderrig het, in vennootskap met die Namibiese Kwalifikasie-owerheid en die Universiteit van Namibië (Unam), die Universiteit van Wetenskap en Tegnologie...

'n Kolwyntjie vir Nadine

18 ure gelede | Plaaslik

Tanja Bause'n Elfjarige meisie van Windhoek het verlede jaar tydens die Internasionale Dansfees in Suid-Afrika stof in ander deelnemers sê oë geskop, en is hard...