Huishoudelike geweld gedy in Kavango-Wes

30 March 2021 | Misdaad
Die naweek is drie sake van huishoudelike geweld in die Kavango-Wesstreek by die polisie aanhangig gemaak.

Vrydag om 05:00 het ’n 36-jarige man in die Siya-nedersetting in die Kavango-Wesstreek ’n vrou drie keer met ’n mes in haar kamer gesteek. Die 32-jarige vrou is met ernstige beserings in die hospitaal opgeneem. Volgens die Namibiese polisie se misdaadverslag het die man en vrou glo twee kinders. Hy is in hegtenis geneem.

In die Murayi-nedersetting in dieselfde streek het ’n 38-jarige man sy vrou met ’n hark oor die kop geslaan. Die vrou is met ernstig beserings in die staatshospitaal op Rundu opgeneem en die man is in hegtenis geneem.

In die Burgo-nedersetting ook in Kavango-Wes het ’n 20-jarige vrou glo kookwater oor ’n agtjarige meisie gegooi. Die vrou is na bewering die minderjarige se tannie. Die meisie het brandwonde op haar bors en rug opgedoen. Die verdagte is glo verstandelik gestrem.

ONGELUK

’n Vragmotor het die 19-jarige Jean-Paul Böck van Swakopmund Saterdag op die hoofpad tussen Oshivelo en Tsumeb doodgery. Volgens die misdaadverslag wou hy glo sy hondjie vang wat uit die voertuig gespring het toe die voorval gebeur het. Hulle het langs die pad gestop omdat die voertuig ’n pap band gehad het.

MOORD

Mnr. Willem Goeieman (38) is Vrydag om 23:30 op die plaas Cordova naby Gobabis met ’n mes doodgesteek. Hy en die verdagte het na bewering drank op die buurplaas gaan koop en saam gekuier toe ’n rusie ontstaan het. Die slagoffer het glo ’n leë bierkrat gevat en die verdagte daarmee aangerand. Hy het Goeieman met ’n mes in die nek gesteek. Goeieman is op die toneel dood. Die verdagte is in hegtenis geneem.

Mnr. Ranard Nabeb (38) is Sondag om 01:30 in Orwetoveni op Otjiwarongo doodgesteek. Na bewering het hy en die verdagte baklei waartydens die verdagte vir Nabeb met ’n okapi-mes doodgesteek het. Nabeb het glo die verdagte se ouers beledig. Die verdagte het weggehardloop en is om 05:40 in hegtenis geneem.

Soortgelyk

 

Robberts bly in aanhouding

10 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

10 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

10 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

10 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

10 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

10 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

10 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

10 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...

Mej. Namibië: Hier is die top-16

10 ure gelede | Gebeure

Die eerste ronde van die 2021 Mej. Namibië-skoonheidskompetisie het Saterdag in Windhoek plaasgevind waar die top-16-finaliste bekend gestel is.Die finaliste is Andeline Wieland, Shahida van...