HTS-leerlinge sonder water
Twee skole in Windhoek se watertoevoer is glo verlede week afgesny, wat veral koshuiskinders raak.
Elvira Hattingh - Die Hoër Tegniese Skool (HTS) in Windhoek was verlede week sonder water omdat die ministerie van onderwys, kuns en kultuur volgens ingeligte bronne glo nie die waterrekening betaal het nie.
Ouers en leerlinge sê die drie koshuise, wat altesaam ongeveer 160 leerlinge huisves, was vanaf Woensdagmiddag sonder water.
'n Ingeligte bron by die Windhoekse munisipaliteit het Vrydag aan Republikein bevestig dat die skool een van twee in Windhoek is waarvan die water verlede week weens nie-betaling afgesluit is. Die Primêre Skool Augeikas is glo die ander skool.
Volgens die bron is die ministerie reeds in Desember oor die kwessie gewaarsku, maar daar het niks van gekom nie, wat daartoe gelei het dat die munisipaliteit die water afgesny het. Nóg 'n brief in verband hiermee is glo verlede Maandag by die skoolhoof afgelewer.
Dit is nie bekend hoeveel geld die ministerie aan die munisipaliteit skuld nie.
Daar is aan ouers gesê dat indien moontlik, koshuiskinders weer gehaal moet kom word nádat hulle Dinsdag geregistreer en die nodige geld betaal het, omdat daar nie water is nie.
Ouers het gesê dis buite die kwessie om weer die kinders te gaan haal – die meeste kinders kom uit ander streke van die land en baie van hulle kom uit behoeftige huishoudings; hulle kan nie nou teruggaan nie.
Die skool het glo voorsiening gemaak deur 'n watertenk op die perseel aan te bring wat vir was- en spoeldoeleindes gebruik kan word, terwyl drinkwater tans aangery word.
Republikein het die skool besoek en gevra om met die skoolhoof te praat, maar is deur 'n onderwyser gevra om die perseel onmiddellik te verlaat en dat geen media daar toegelaat sal word of enige foto's mag neem nie.
Toegang tot die skoolhoof is ook geweier. “Ek is op die skool se bestuurskomitee en ons het opdrag van die direkteur van onderwys om glad nie met die media te praat nie. Die situasie is onder beheer en ons soek nie inmenging nie,” het 'n onderwyser gesê.
Dit is die tweede keer in ses maande dat die skool se water deur die munisipaliteit afgesluit word. In Augustus verlede jaar is dit weens wanbetaling afgesny.
Republikein het verskeie oproepe na die direkteur van onderwys vir die Khomasstreek se kantoor en selfoon gemaak, maar hy was Vrydag in vergaderings en kon nie vir kommentaar bereik word nie.
Ouers en leerlinge sê die drie koshuise, wat altesaam ongeveer 160 leerlinge huisves, was vanaf Woensdagmiddag sonder water.
'n Ingeligte bron by die Windhoekse munisipaliteit het Vrydag aan Republikein bevestig dat die skool een van twee in Windhoek is waarvan die water verlede week weens nie-betaling afgesluit is. Die Primêre Skool Augeikas is glo die ander skool.
Volgens die bron is die ministerie reeds in Desember oor die kwessie gewaarsku, maar daar het niks van gekom nie, wat daartoe gelei het dat die munisipaliteit die water afgesny het. Nóg 'n brief in verband hiermee is glo verlede Maandag by die skoolhoof afgelewer.
Dit is nie bekend hoeveel geld die ministerie aan die munisipaliteit skuld nie.
Daar is aan ouers gesê dat indien moontlik, koshuiskinders weer gehaal moet kom word nádat hulle Dinsdag geregistreer en die nodige geld betaal het, omdat daar nie water is nie.
Ouers het gesê dis buite die kwessie om weer die kinders te gaan haal – die meeste kinders kom uit ander streke van die land en baie van hulle kom uit behoeftige huishoudings; hulle kan nie nou teruggaan nie.
Die skool het glo voorsiening gemaak deur 'n watertenk op die perseel aan te bring wat vir was- en spoeldoeleindes gebruik kan word, terwyl drinkwater tans aangery word.
Republikein het die skool besoek en gevra om met die skoolhoof te praat, maar is deur 'n onderwyser gevra om die perseel onmiddellik te verlaat en dat geen media daar toegelaat sal word of enige foto's mag neem nie.
Toegang tot die skoolhoof is ook geweier. “Ek is op die skool se bestuurskomitee en ons het opdrag van die direkteur van onderwys om glad nie met die media te praat nie. Die situasie is onder beheer en ons soek nie inmenging nie,” het 'n onderwyser gesê.
Dit is die tweede keer in ses maande dat die skool se water deur die munisipaliteit afgesluit word. In Augustus verlede jaar is dit weens wanbetaling afgesny.
Republikein het verskeie oproepe na die direkteur van onderwys vir die Khomasstreek se kantoor en selfoon gemaak, maar hy was Vrydag in vergaderings en kon nie vir kommentaar bereik word nie.
Kommentaar
Republikein
Geen kommentaar is op hierdie artikel gelaat nie