Hoop vir Tokio nog lewend vir karatekas

13 January 2021 | Sport
Jesse Jackson Kauraisa – Namibië se voorste uitblinkers in karate het steeds vertroue dat hulle 'n geskiedkundige kwalifisering vir die Olimpiese Spele kan behaal, ná hul terugkeer van 'n oefenkamp in Suid-Afrika.

Die groep van vyf karatekas en drie spanbeamptes was vanaf laas Woensdag (6 Januarie) by die Morgan Moss Karate en Sportkondisioneringsentrum in Krugersdorp, Gauteng, en het Maandag teruggekeer.

Die mikpunt was om hul vaardighede en skerpheid op te knap, met blootstelling teen van die buurland se beste mededingers in hul onder­skeie kategorieë.

Die reis is ook ingespan om die Namibiërs voor te berei op kompetisies wat vir later vanjaar beplan word.

Afrigter Llewellyn Manale sê die groep het hulle goed van hul taak gekwyt.

“Ons is verheug met die verloop van die reis en is ook bly om veilig terug te wees. Ons het meestal in 'n bio-borrel gebly en het seker net een keer 'n inkoopsentrum besoek.

“Ek glo ons karatekas het 'n goeie kans om vir die Olimpiese Spele te kwalifiseer indien hulle in 'n paar opsigte hul verbetering volhou,” het Manale gesê.

Freddy Mwiya Junior en Suzelle Pronk se reis is deur die Olimpiese Solidariteitsfonds gefinansier, terwyl Keanu Stuurman, Michael Nakapandi en Joshua Kunneke vir hul eie toerkoste verantwoordelik was.

“Ek is besonder tevrede met die verloop van ons oefenkamp in Suid-Afrika, omdat ons soveel van Morgan geleer het.”

Mwiya het gesê: “Ons is dankbaar teenoor elkeen wat hierdie reis vir ons moontlik gemaak het en nou hang dit van my af om alles in my vermoë te doen om vir die Olimpiese Spele te kwalifiseer.”

Afrigter Manale het gesê dit is belangrik dat die karatekas vooraf geleentheid kry om in hopelik verskeie kompetisies op hul skerpste te wees voordat hulle by die groot kwalifiserende geleentheid vir die Olimpiese Spele aankom.

Net tien karateka in elke item (mans en vroue, elk net in drie gewigsklasse) sal vir die Spele in Tokio, Japan, die paal haal. Die helfte van dié plekke is reeds óf aan die gasheerland Japan of aan die topvier deelnemers op die wêreldranglys toegeken.

Die oorblywende posisies kan net nog by die kontinentale kampioen­skap (twee plekke per item), of by 'n wêreldwye Olimpiese uitduntoernooi (11-13 Junie in Parys, Frankryk), of per spesiale uitnodiging verseker word.

Die Namibiese Sportkommissie se hoofadministrateur, mnr. Freddy Mwiya, het die span verseker dat die regering alles in sy vermoë doen om die land se sportmense by te staan wat reeds vir die Spele gekwalifiseer het, of wat nog 'n kans staan om die kwalifikasie te behaal.

– [email protected]

Soortgelyk

 

Nege sterftes, 307 nuwe gevalle

11 ure gelede | Gesondheid

Nege nuwe Covid-19-verwante sterftes het die getal vir Namibië sedert die uitbreking van die Covid-19-pandemie in Maart verlede tot 328 opgestoot. Dit sluit vier in...

Hof sal later sê of Shoprite bevel geminag het

13 ure gelede | Howe

Regter Collins Parker sal op 15 Februarie 2021 uitspraak lewer in die teenaansoek deur die Namibiese Unie vir Voedsel- en Verwante Werkers (Nafau) teen Shoprite...

Eloïse bring dalk storms

17 ure gelede | Weer

Elvira Hattingh - Die tropiese depressie, of dit wat oorgebly het van wat aanvanklik sikloon Eloïse was, kan vanaf môre vir kwaai storms in Namibië...

Swakoppoortdam loop oor

1 dag gelede | Weer

Die Swakoppoortdam, een van die drie damme wat ook vir Windhoek van water voorsien, het gister begin oorloop. Volgens die NamWater se damverslag van gister...

Voorvaderlike eise: Alle grond benut

1 dag gelede |

Mathias Haufiku en Ogone TlhageDaar is tans geen oop grond in Namibië beskikbaar nie aangesien alles benut word. Die Kommissie van Ondersoek na Voorvaderlike Grondregte...

Woestynrivier laat lóóp

1 dag gelede | Weer

Mnr. Joseph Kafunda het Sondag die Kuisebrivier in volle vloed by die Kuiseb-brug op die C14-pad afgeneem. Sy foto’s is op die Facebook-blad, Reën in...

Noorde: Té nat én té droog

1 dag gelede | Weer

Elvira Hattingh – Terwyl boere in Namibië se Mieliedriehoek reeds drie weke lank wag dat die reën hulle net ’n paar dae kans moet gee...

Making the art of painting look easy

1 dag gelede | Mense

Enzo AmueleBorn in the early ’90s, the cool and calm Nambowa Malua has been drawing since he was a child and has made art look...

Shoprite steeds in die hof

1 dag gelede | Arbeid

Augetto Graig en Elvira HattinghDie staking by Shoprite is ná meer as ’n maand verby, maar die hofgeveg wat daaruit gespruit het, woed opnuut vanoggend...