Hoofkiesbeampte maan oor fopuitslae
Die wet bepaal glo die uitslae moet ná almal uiteindelik op 27 November gestem het, bymekaar getel word en dan bekend gemaak word.
Denver Kisting
Mnr. Theo Mujoro, hoofkiesbeampte van die Verkiesingskommissie van Namibië (ECN), sê dié liggaam sal nie in hierdie stadium gister se spesiale verkiesingsuitslae bekend maak nie.
Eweneens sal die ECN ook nie uitslae bevestig wat tans veral in die sosiale media die ronde doen nie.
Volgens Mujoro is daar reeds vals inligting in omloop.
Een voorbeeld hiervan is 'n dokument wat via WhatsApp versprei word met 'n ECN-briefhoof waarin die stemme tussen dr. Panduleni Itula en pres. Hage Geingob vergelyk word.
Volgens dié dokument loop die tandarts voor.
Republikein het gister met die koerant se eie inligting en syfers wat die Namibia Press Agency (Nampa) beskikbaar gestel het, bereken pres. Hage Geingob het eergister in die 24 kiesafdelings wat in berekening gebring is, 1 484 stemme op hom verenig, terwyl Itula 919 stemme gekry het.
Mnr. McHenry Venaani, die leier van die huidige amptelike opposisie, die Popular Democratic Movement (PDM), kon slegs in dié kiesafdelings 191 stemme op hom verenig.
Mujoro sê die wet bepaal die uitslae moet ná almal uiteindelik op 27 November gestem het, bymekaar getel word en dan bekend gemaak word.
Namibiërs het reeds gister by verskeie buitelandse sendings aan die 2019 presidensiële en Nasionale Vergadering (NV)-verkiesings deelgeneem.
Dié stemmery het deur middel van tradisionele stembriewe geskied. Die materiaal word binne die volgende week terug in die land verwag.
Seevarende personeel en lede van die Namibiese polisie, die weermag en korrektiewe dienste kon ook gister hul kruisies trek.
Dié stemtoestelle (EVM's) is tans onder die polisie se bewaking, het Mujoro gesê.
'n Totaal van 717 809 vroue teenoor 640 659 mans het geregisteer om aan vanjaar se presidensiële en Nasionale Vergadering(NV)-verkiesings op 27 November deel te neem.
Voor die ECN in Julie vanjaar 'n aanvullende registrasieproses van stapel gestuur het, was die aantal stemgeregtigdes 1 235 020.
Tussen 8 en 27 Julie het 123 448 nuwe kiesers plaaslik en in die buiteland geregistreer om oor drie weke 'n nuwe staatshoof en lede van die NV te kies.
Dit bring die aantal stemgeregtigde Namibiërs op 1 358 468 te staan.
Vir die eerste keer sedert onafhanklikwording neem 'n onafhanklike kandidaat, dr. Panduleni Itula, aan die presidensiële wedloop deel.
As 'n Swapo-lid daag hy die party se amptelike kandidaat, die huidige staatshoof, pres. Hage Geingob, uit om die land te lei.
- [email protected]
Mnr. Theo Mujoro, hoofkiesbeampte van die Verkiesingskommissie van Namibië (ECN), sê dié liggaam sal nie in hierdie stadium gister se spesiale verkiesingsuitslae bekend maak nie.
Eweneens sal die ECN ook nie uitslae bevestig wat tans veral in die sosiale media die ronde doen nie.
Volgens Mujoro is daar reeds vals inligting in omloop.
Een voorbeeld hiervan is 'n dokument wat via WhatsApp versprei word met 'n ECN-briefhoof waarin die stemme tussen dr. Panduleni Itula en pres. Hage Geingob vergelyk word.
Volgens dié dokument loop die tandarts voor.
Republikein het gister met die koerant se eie inligting en syfers wat die Namibia Press Agency (Nampa) beskikbaar gestel het, bereken pres. Hage Geingob het eergister in die 24 kiesafdelings wat in berekening gebring is, 1 484 stemme op hom verenig, terwyl Itula 919 stemme gekry het.
Mnr. McHenry Venaani, die leier van die huidige amptelike opposisie, die Popular Democratic Movement (PDM), kon slegs in dié kiesafdelings 191 stemme op hom verenig.
Mujoro sê die wet bepaal die uitslae moet ná almal uiteindelik op 27 November gestem het, bymekaar getel word en dan bekend gemaak word.
Namibiërs het reeds gister by verskeie buitelandse sendings aan die 2019 presidensiële en Nasionale Vergadering (NV)-verkiesings deelgeneem.
Dié stemmery het deur middel van tradisionele stembriewe geskied. Die materiaal word binne die volgende week terug in die land verwag.
Seevarende personeel en lede van die Namibiese polisie, die weermag en korrektiewe dienste kon ook gister hul kruisies trek.
Dié stemtoestelle (EVM's) is tans onder die polisie se bewaking, het Mujoro gesê.
'n Totaal van 717 809 vroue teenoor 640 659 mans het geregisteer om aan vanjaar se presidensiële en Nasionale Vergadering(NV)-verkiesings op 27 November deel te neem.
Voor die ECN in Julie vanjaar 'n aanvullende registrasieproses van stapel gestuur het, was die aantal stemgeregtigdes 1 235 020.
Tussen 8 en 27 Julie het 123 448 nuwe kiesers plaaslik en in die buiteland geregistreer om oor drie weke 'n nuwe staatshoof en lede van die NV te kies.
Dit bring die aantal stemgeregtigde Namibiërs op 1 358 468 te staan.
Vir die eerste keer sedert onafhanklikwording neem 'n onafhanklike kandidaat, dr. Panduleni Itula, aan die presidensiële wedloop deel.
As 'n Swapo-lid daag hy die party se amptelike kandidaat, die huidige staatshoof, pres. Hage Geingob, uit om die land te lei.
- [email protected]
Kommentaar
Republikein
Geen kommentaar is op hierdie artikel gelaat nie