Hokreëls bly duister

27 March 2020 | Regering
Denver Kisting



Die Namibiese regering het die afgelope dae ­verskeie weergawes gehad oor ­byvoorbeeld wanneer die hokmaatreëls vir die Khomas- en Erongostreek vanweë Covid-19 in werking tree.

Volgens die enigste ­skriftelike kennisgewing – Dinsdag se kabinetsbesluit – word Khomas en Erongo­streke ingeperk vir 21 dae, vanaf Vrydag 27 Maart 2020 tot Donderdag 16 April 2020.

Dr. Bernard Haufiku, wat aan spits staan van pres. Hage Geingob se Covid-19-taakspan, het meer as twee keer aan ­Republikein gesê die maatreël sou net ná middernag vanoggend, 27 Maart, van krag geword het.

Volgens die kalender verstryk die 21 dae op Donderdag 16 April.

Haufiku het egter gisteroggend tydens 'n gesprek met die Redakteursforum van Namibië (EFN) gesê die maatreël tree vannag middernag in werking.

Die minister van inligting en kommunikasietegnologie, dr. Peya Mushelenga, het eergisteraand ook aan NBC-nuus gesê die maatreël tree vannag in werking. Toe hy daarop gewys is dat dít 28 Maart sal wees en op die talle onduidelikhede, het hy slegs die NBC-opname met Republikein gedeel.

Haufiku het gister toegegee daar heers verwarring en klarigheid is noodsaaklik.

Mushelenga het gisteraand sy weergawe van die vorige aand op nasionale televisie herhaal.

Hy het gesê 'n nuus­konferensie sal na verwagting vandag by Staatshuis plaasvind waar verdere besonderhede verskaf sal word.

- [email protected]

Soortgelyk

 

Hoofstad onder inperking

12 ure gelede | In beeld

Lang rye mense staan Dinsdag voor winkeldeure in die hoofstad se winkelsentrums om een vir een ingelaat te word. Dít omdat hoktydregulasies die getal mense...

Te min Covid-19-toetsstelle, ventilators

12 ure gelede | Ministeries

Henriette Lamprecht – Die grootste struikelblokke in die stryd teen Covid-19 in Namibië sluit in ’n gebrek aan ten volle toegeruste isolasiegeriewe in die streke...

Noodmaatreëls geld reeds landswyd

12 ure gelede | Regering

Denver Kisting – Die eerste minister, me. Saara Kuugongelwa-Amadhila, het gisteroggend by navraag bevestig die Namibiese regering se Covid-19-noodmaatreëls is reeds op die hele land...

‘Trokdrywers ’n nasionale bate’

12 ure gelede | Vervoer

Ronelle Rademeyer – “Ons drywers is nou ons belangrikste bate en ons moet na hul welsyn omsien. Soos dinge nou aangaan, kan dit vir hulle...

Weer, Woensdag 1 April 2020

12 ure gelede | Weer

BINNELAND: Gedeeltelik bewolkte en warm weer met verspreide donderbuie in die noordelike en sentrale dele van die land. Geïsoleerde tot verspreide donderstorms word op plekke...

Otjiwarongo reg vir Covid-19

12 ure gelede | Plaaslik

Augetto GraigOtjiwarongo is hard besig met voorbereidings om die nuwe ­coronavirus by die horings te pak. Die sakeleier mnr. Theo Borstlap en plaaslike apteker mnr....

Vyf huurvlugte neem Europeërs na Duitsland

12 ure gelede | Vervoer

Ronelle Rademeyer - ’n Totaal van 2 039 Europeërs en Britte wat in Namibië met vakansie was of hier werk, het sedert die naweek op...

‘Koop asseblief bedagsaam’

12 ure gelede | Plaaslik

Elvira Hattingh – Kort voor Namibië se Khomas- en Erongostreek gehok is, was supermarkte en apteke in die hoofstad ’n stormloop van paniekerige kopers. Dít...

Hulp vir bejaardes

12 ure gelede | Plaaslik

Tanja Bause – Mnr. Deon de Waal (58) het ’n beroep op sosiale media gedoen dat mense bo 70 wat tans midde die coronakrisis hulp...