Hofnuus

10 January 2020 | Howe
Palmwag

Vrou glo 13 keer gesteek

Mnr. Lourence Hoeb (31) het Dinsdag in die landdroshof op Khorixas verskyn nadat hy sy eksmeisie glo herhaaldelik met ’n mes toegetakel het.

Hy staan tereg op klagte van poging tot moord onder die wet op huishoudelike geweld ná hy Saterdag op Palmwag sy 29-jarige eksmeisie tydens ’n argument glo 13 keer met ’n mes gesteek het.

Die staatsaanklaer, mnr. Kamwi Mpambo, het borgtog teengestaan weens die erns van die misdaad en omdat dit nie in openbare belang sou wees nie. Die staat vrees ook Hoeb sal met die getuies en die polisieondersoek inmeng.

Die saak is tot 6 April vir verdere ondersoek uitgestel, asook vir Hoeb om formeel om borgtog aansoek te doen. Hy het aangedui hy gaan homself verdedig. Mnr. Sean Nangombe was op die bank. - Nampa

Nkurenkuru

‘Wildvelsmokkelaars’ uit op borg

Twee mans wat verlede Vrydag glo met ’n luiperdvel en twee krokodilvelle op Nkurenkuru in die Kavango-Wesstreek vasgetrek is, is op borgtog van N$8 000 vrygelaat.

Mnre. Haingura Patrick (54) en Richard Malimbo (30) het in die rondgaande hof op Kahenge verskyn.

Die twee staan tereg op ’n klag van die onwettige besit van en handel in beheerde wildprodukte ter waarde van N$240 000.

Die saak is tot 10 Maart vir verdere polisieondersoek en pleitdoeleindes uitgestel. - Nampa

Khorixas

Man agter tralies ná hy van ouma steel

Prinsley Nuseb (29) is Dinsdag tot 30 dae tronkstraf gevonnis nadat hy van sy ouma gesteel het.

Nuseb, wat Maandag in hegtenis geneem is, het in die Khorixas-landdroshof op klagte van diefstal voor landdros Sean Nangombe verskyn.

Hy het op 22 Desember ’n pot ter waarde van N$750 uit sy ouma se huis gesteel, asook ’n deur van N$300 en ’n elektriese kabel van N$99.

Die landdros het Nuseb tot 30 dae gevangenisstraf of ’n boete van N$1 000 gevonnis. Nuseb het nie die geld gehad om die boete te betaal nie en moes tjoekie toe. - Nampa

Soortgelyk

 

Covid-19: 5de nuwe geval binne 4 dae

17 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

3 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

3 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

3 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

3 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

3 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

3 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

3 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

3 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...