Hoë bydraes beperk toegang tot gesondheidsorg
Een van die vereniging se grootste struikelblokke is die gebrek aan reëls en regulasies om lede en fondse aanspreeklik te hou.
Henriette Lamprecht - Die impak van groot jaarlikse toenames in bydraes, saam met die groot styging in uitgawes vir lede se eie onkoste, het ‘n negatiewe uitwerking op toegang tot gesondheidsorg in Namibië.
Volgens die Vereniging vir Namibiese Mediese Fondse (Namaf) se jaarverslag vir 2017 is een van die vereniging se grootste struikelblokke die gebrek aan reëls en regulasies.
“Hiersonder kan Namaf nie die optrede wat van mediese fondse en hul lede verwag word, voorskryf of afdwing nie. Dit beteken hy kan nie sy regulerende rol ten volle vertolk nie,” lui die verslag.
Die aantal begunstigdes wat deur mediese fondse onder die Namaf-sambreel gedek word, het die afgelope vier jaar tot die einde van 2017 geleidelik gegroei, met 196 276 mense wat verlede jaar mediese dekking geniet het.
Dié mediese fondse sluit in Renaissance Health, Napotel, Nammed, die Paaieowerheid (RCC) se mediese fonds, Namibia Health Plan (NHP), Namibia Medical Care (NMC), BankMed Namibia, Heritage Health Namibia en Namdeb se mediese fonds.
Eise en voordele wat maandeliks uitbetaal word, het verlede jaar met sowat 5% gestyg.
Die getal vroulike begunstigdes het volgens die jaarverslag aansienlik vinniger as die getal manlike begunstigdes gestyg.
Minder as 4% van begunstigdes is ouer as 65 jaar.
Die totale waarde van eise wat ingedien is, het van N$2,69 miljard in 2014 tot N$3,64 miljard in 2017 gestyg.
Die totale waarde van eise wat uitbetaal is, is ook op van N$2,33 miljard in 2014 tot N$3,14 miljard verlede jaar.
In 2014 was die gemiddelde eise wat maandeliks per begunstigde ontvang is, N$1 291 teenoor die N$1 544 in 2017. Gemiddelde eise wat in dieselfde tydperk uitbetaal is, het van N$1 116 per maand tot N$1 332 gestyg.
Die grootste uitbetalings verlede jaar het aan hospitale gegaan (34%), gevolg deur medisyne (17%), spesialiste (12%) en algemene praktisyns (10%).
Eise vir hospitale en verwante geriewe het van N$0,81 miljard in 2014 tot N$1,11 miljard verlede jaar opgeskiet.
Net minder as ’n derde van begunstigdes wat gehospitaliseer is, was meer as een keer ’n jaar in ’n hospitaal opgeneem.
Namaf het verlede jaar 474 nuwe registrasies van praktyke uitgereik, 1 598 praktyknommers hernu en 69 opgeskort.
Volgens die Vereniging vir Namibiese Mediese Fondse (Namaf) se jaarverslag vir 2017 is een van die vereniging se grootste struikelblokke die gebrek aan reëls en regulasies.
“Hiersonder kan Namaf nie die optrede wat van mediese fondse en hul lede verwag word, voorskryf of afdwing nie. Dit beteken hy kan nie sy regulerende rol ten volle vertolk nie,” lui die verslag.
Die aantal begunstigdes wat deur mediese fondse onder die Namaf-sambreel gedek word, het die afgelope vier jaar tot die einde van 2017 geleidelik gegroei, met 196 276 mense wat verlede jaar mediese dekking geniet het.
Dié mediese fondse sluit in Renaissance Health, Napotel, Nammed, die Paaieowerheid (RCC) se mediese fonds, Namibia Health Plan (NHP), Namibia Medical Care (NMC), BankMed Namibia, Heritage Health Namibia en Namdeb se mediese fonds.
Eise en voordele wat maandeliks uitbetaal word, het verlede jaar met sowat 5% gestyg.
Die getal vroulike begunstigdes het volgens die jaarverslag aansienlik vinniger as die getal manlike begunstigdes gestyg.
Minder as 4% van begunstigdes is ouer as 65 jaar.
Die totale waarde van eise wat ingedien is, het van N$2,69 miljard in 2014 tot N$3,64 miljard in 2017 gestyg.
Die totale waarde van eise wat uitbetaal is, is ook op van N$2,33 miljard in 2014 tot N$3,14 miljard verlede jaar.
In 2014 was die gemiddelde eise wat maandeliks per begunstigde ontvang is, N$1 291 teenoor die N$1 544 in 2017. Gemiddelde eise wat in dieselfde tydperk uitbetaal is, het van N$1 116 per maand tot N$1 332 gestyg.
Die grootste uitbetalings verlede jaar het aan hospitale gegaan (34%), gevolg deur medisyne (17%), spesialiste (12%) en algemene praktisyns (10%).
Eise vir hospitale en verwante geriewe het van N$0,81 miljard in 2014 tot N$1,11 miljard verlede jaar opgeskiet.
Net minder as ’n derde van begunstigdes wat gehospitaliseer is, was meer as een keer ’n jaar in ’n hospitaal opgeneem.
Namaf het verlede jaar 474 nuwe registrasies van praktyke uitgereik, 1 598 praktyknommers hernu en 69 opgeskort.
Kommentaar
Republikein
Geen kommentaar is op hierdie artikel gelaat nie