Hingste slaan eerste terug met T20-oorwinning

Krieket

17 May 2019 | Sport
Tielman van Lill - Samsung FNB Wanderers het Woensdag as gasheerklub sy aanslag op die jaarlikse sportderby teen Trustco United met ’n klinkende oorwinning op die krieketveld afgeskop.

Wanderers, wat in 2018 vir die eerste keer in meer as ’n dekade deur die Filistyne op Gemsbokpark dramaties met een lopie geklop is, het wraak geneem deur met sewe paaltjies te wen toe hy die teiken van 110 lopies in die 18de boulbeurt verbysteek om op 114/3 die sjampanje te gaan oopmaak.

Vir Wanderers het Pieter Rossouw die hart uit die besoekers se kolflys geruk met drie slagoffers vir net 12 lopies in sy vier boulbeurte, waarvan een leeg was. Rossouw spog onder meer met die vang-en-boul paaltjie van Henry Oliver wat die besoekers op 21/3 laat steier het.

Andrew Forrest draf nes Rossouw van die noordekant af in en boul vir Dewald Nell en later Darren van Dyk wat die besoekers se kolfbeurt met goeie oordeel en kolfwerk aan die gang hou. Met Van Dyk se vertrek op 55 het United se boulbeurte opgedroog om nog lopies op die telbord te kry.

In Wanderers se kolfbeurt het Tiaan Louw en Wessel Myburgh hul beurt geopen. Louw is gou deur Nell geboul, maar Colin Schoonbee en Myburg skop vas en rig groot skade aan. Myburgh kolf bestendig vir sy 33, terwyl die lopies van Schoonbee se kolf vloei om om enduit vir sy 69 lopies saam met Nicolaas Scholtz te kolf.

Vir United teken Danie van Schoor 2 (13 balle), Lo-han Louwrens 6 (4 b, 1x4), Henrik van der Walt 15 (9 b, 2x4), Olivier 2 (5 b), Van Dyk 55 (48 b, 1x4, 5x6), Dewald Nell 7 (14 b), Damon Coetzee 17 (23 b) en Louis Vermaak 2 (4 b) hul lopies aan.

Rossouw (3/12 in 4 bb), Tommie van der Merwe 1/15 in 3 bb, Forrest (2/31 in 4 bb) en Colin Peake (1/4 in 1 bb) staan net 4 ekstras af om die besoekers onder druk te hou.

Wanderers se lopies kom van die kolwe van Louw 1 (7 b), Myburgh 33 (32 b, 3x4), Schoonbee 69 nie uit nie (60 b, 7x4, 2x6), Ewald Steenkamp 0 (1 b) en Scholtz 4 nie uit nie (7 b). Schoonbee word as speler van die wedstryd aangewys.

Nell (1/10, 4 bb) en Jan-Ivan van Dyk (2/22 in 3 bb) is die enigste boulers van United wat sukses kon behaal.

DERBY

Afgesien van die wedstryde tussen die vierde en derde netbalspanne vanaand (18:30 en 19:15), sal die meeste van die derby se aksie môre by Wanderers plaasvind:

09:00 Tweede netbalspanne

10:30 Eerste netbalspanne

13:00 Rugby, Wanderers III tn Grootfontein (NRU eerste liga)

14:00 Vrouehokkiespanne

14:45 Tweede rugbyspanne (NRU reserweliga)

16:45 Eerste rugbyspanne (NRU premierliga)

FNB Wanderers is die verdedigende kampioen van die NRU premierliga, wat met 20 punte ná vier wedstryde ook die voorloper is met een punt voor FNB Unam (19 ná vyf) wat ’n afnaweek geniet.

Trustco United is op 16 punte ná vier wedstryde steeds baie sterk geplaas en die Filistyne sal die derby met groot selfvertroue benader.

Verlede jaar het Wanderers eers die rugbyderby gemaklik met 24-10 gewen en het in die premierligafinaal ook met 30-22 sy titeldroogte verbreek. Die bloues het egter genoeg skietgoed om enige voorspelling riskant te maak.

Die Wit Hingste se afrigter, Vince Dreyer, en sy United-eweknie Robbie Dickson het gister teen druktyd nog nie hul eerste spanne bekend gemaak.

- [email protected]

Soortgelyk

 

Vermeende gemsbokstroper gewond

4 ure gelede | Misdaad

'n Vermeende gemsbokstroper is Donderdag op 'n plaas in die Omaruru-distrik in die been gewond. Volgens die Namibiese polisie is 'n 49-jarige man omstreeks 17:00...

Kolonel, onderwyser vas oor wild

5 ure gelede | Misdaad

'n Weermagkolonel (51) van die Otavi-weermagbasis en 'n onderwyser is vanoggend omstreeks 01:00 met twee duikers, twee hase, twee springhase en een wildsbok by...

Leerlingdokters, -tandartse by staatshospitale uitgeplaas

6 ure gelede | Gesondheid

’n Totaal van 131 leerlingdokters is by verskeie hospitale dwarsoor die land uitgeplaas om met hul internskap van twee jaar te begin. Die leerlingdokters sal...

Hof: Minister skuldig aan korrupsie

21 ure gelede | Howe

In 'n geskiedkundige eerste vir Namibië is me. Katrina Hanse-Himarwa, die minister van onderwys, kuns en kultuur, vandag in die hoërhof in Windhoek skuldig bevind...

Voortrekker: “Namibië nie ’n desperate land”

21 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

21 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

21 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

21 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

21 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...