Hep E: 28 gevalle 'n dag

21 uit 53 sterftes swanger vroue

08 August 2019 | Gesondheid
Henriette Lamprecht



Byna 30 nuwe gevalle van hepatitis E is in die laaste week van Julie daagliks oraloor die land aangeteken.

Die siekte het boonop die lewens van vyf mense binne twee weke geëis.

In die meerderheid gevalle is mense met die siekte werkloos, gebruik kommunale krane en eet kos van straatverkopers.

Volgens die ministerie van gesondheid en maatskaplike dienste (MoHSS) is byna 6 000 mense sedert 'n uitbreking op 14 Desember 2017 in Windhoek verklaar is, met die siekte gediagnoseer. Die totale sterftes staan op 53, waarvan 21 swanger vroue was.

Vir die week van 22 tot 29 Julie is 199 nuwe gevalle aangeteken teenoor die 30 gevalle van die week tevore.

Volgens die ministerie het die aantal gevalle in die ooreenstemmende tydperk verlede jaar ook 'n hoogtepunt bereik. Dit kan toegeskryf word aan die feit dat mense nie hul hande was nie omdat dit winter is en hulle te koud kry.

Die meeste van die gevalle (60%) is manlik, omdat mans meer geneig is om kos by straatverkopers te eet. Mans is ook minder geneig om hul hande te was voor hulle eet.

Sowat 9% van die gevalle is in die hospitaal opgeneem, terwyl 122 mense en 164 met onderskeidelik hepatitis A en B gediagnoseer is, terwyl hepatitis E en A by 10 mense gediagnoseer is.

Die meerderheid van die gevalle in die betrokke twee weke was steeds in die Khomasstreek (135), gevolg deur Omaheke (15) en Erongo (14). Uit die totaal van 5 940 gevalle het 64% van die bevestigde gevalle in die ­Khomasstreek voorgekom, gevolg deur Erongo met 23%.

Die ouderdomsgroep 20 tot 29 jaar (39%) en 30 tot 39 jaar (34%) word die meeste geraak, terwyl weer eens meer mans as vroue met die siekte gediagnoseer word.

Ook die aantal hepatitis A-gevalle is volgens die ministerie besig om in die Omusatistreek te styg, met 66 wat tot dusver aangemeld is.

Sedert die ministerie 'n uitbreking in Desember 2017 in Windhoek verklaar het, het die siekte na nog nege streke in die land uitgebrei.

Die meeste gevalle kom in informele nedersettings soos Havana en Goreangab in Windhoek voor, asook in die DRC in Swakopmund en soortgelyke nedersettings waar toegang tot skoon water, sanitasie en higiëne beperk is.

- [email protected]

Soortgelyk

 

Kawana gee besonderhede oor viskwotas

13 ure gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

1 dag gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

1 dag gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

1 dag gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

1 dag gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

1 dag gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

1 dag gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...

Vier 'renosterstropers' verskyn in camera

1 dag gelede | Misdaad

Francoise Steynberg – Vier van die agt verdagtes wat vandeesweek in verband met renosterstropery en -horingsmokkelary vasgetrek is, het gister in camera in die streekshof...

San gebruik spaargeld vir wateraanleg

1 dag gelede | Omgewing

Die San-gemeenskap in die N‡a Jaqna-bewaringsgebied se water­infrastruktuur is al vir jare 'n uitdaging. Water is 'n skaarste in Namibië en inwoners van dié bewarings­gebied...