Henties hou weer dié fees

Kus gaan kook

19 August 2019 | Byvoegsels
Die organiseerders van die Hentiesfees sê vanjaar sal daar nog meer besoekers by die geleent­heid as vorige jare wees.

Op 23 en 24 Augustus gaan weer groot gekuier, geëet, gelag en gekoop word by die Christelike Privaatskool Hentiesbaai se sportterein.

By die Hentiesfees 2019 wag daar 'n groot verskeidenheid pret, soos 'n openingsparade, musiek­konserte, fietsry-en-pretloop, “touchies”, stalletjies, hope kindervermaak en groot pryse te wen.

Oudergewoonte word die Hentiesfees-hengelkompetisie deur die Hentiesbaai Hengelklub aangebied. Die kaartjies hiervoor sal vir hengelaars 'n driedubbele doel dien. Lees meer hieroor op bladsy 8.

Velia Liebenberg, wat vir die derde jaar op die feeskomitee dien, sê sowat 3 500 fees­gangers het in 2018 kom kuier. Die komitee wil met vanjaar se fees dié getal oortref, ondanks die huidige swak ekonomiese toestande.

Liebenberg sê sy hou van reëlings tref en staan nie terug wanneer iets vir die dorp gedoen moet word nie.

Die Hentiesfees roem hom ook op die skoon en netjiese terrein, in en om die feestent.

Benewens 'n deurlopende skoonmaakaksie word van elke feesganger verwag om die vul­lishouers te gebruik wat oral op die feesterrein staan. Ná die eerste feesaand word gewoonlik tot laat gewerk om weer alles vir die volgende dag in orde te kry.

Die fees is vir die eerste keer in 2002 aangebied en vier vanjaar sy 17de bestaansjaar met sowat 19 kunstenaars van Suid-Afrika en Namibië.

Die vyftiental Suid-Afrikaanse musikante wat die verhoog gaan deel, sluit onder andere die sange­res Jezelle in wat bekend is vir haar liedjie “Suidwes”.

Liezel Pieters, Appel, Neil Somers, Anders, Deon Groot, Caroline Grace, Fatman en die welbekende Namibiër John Rock Prophet is van die ander kunstenaars wat ook musiek gaan maak.

George Longane, Werner van Zyl, Jeandri Fourie, Nadia Hansen, Jacob & Taylor, Denise du Toit, Jandri Fourie, Claudine Nelson en Vaughn Ahrens is van die ander Namibiese kunstenaars wat feesgangers gaan vermaak.

KykNET se Fiësta-span kom maak ook vanjaar 'n draai by die fees. Die televisieprogram handel oor feeste wat in Suid-Afrika en Namibië gehou word.

Dit is elke Donderdag om 15:30 te siene op kykNET & Kie, DStv kanaal 145.

Vir entrepreneurs wat hul tuisgemaakte en unieke produkte aan die publiek beskikbaar wil stel, is daar nog 'n paar van die sowat 114 stalletjies beskikbaar. Belang­stellendes kan 'n e-pos na [email protected] stuur om 'n aansoekvorm te kry.

“Die organiseringskomitee het baie aandag geskenk en gesorg dat die uitstallers noukeurig gekies is om net die beste aan feesgangers te bied,” sê Liebenberg.



Kinderpret

Springkastele, ponieritte en karakters soos Mickey en Panda sal baie pret aan die jongspan verskaf.

Streng sekuriteit word deurlopend op en om die feesterrein gehandhaaf, sonder om afbreuk te doen aan die pret en plesier.

Kaartjies word deur Computicket verkoop en kos N$200. Indien jy slegs een dag van die fees wil bywoon, sal jy N$120 betaal vir Vrydag en N$150 as jy net Saterdag wil partytjie hou.

Pensionarisse kry afslag indien hulle 'n oorspronklike identiteitsdokument by die ingang wys. Dit geld net as die kaartjies by die hek gekoop word.

Soortgelyk

 

Okahandja-kleinhoewe oorstroom weer

4 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

4 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

4 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

4 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

4 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

4 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...

PDM, ECN hof toe gesleep

4 ure gelede | Politiek

Denver Kisting – Mnr. Norman Tjombe, die Windhoekse prokureur wat vier ontstoke Popular Democratic Movement (PDM)-lede verteenwoordig, het gister bevestig hulle gaan hof toe.Alle aanduidinge...

Volksmoorduitstalling veroorsaak onmin

4 ure gelede |

Jemima Beukes - Die bekendstelling van ’n Ovaherero- en Nama-volksmoorduitstalling getiteld “Learning from the past” is vir ‘n tweede keer uitgestel te midde van bewerings...

Etosha-heining: ‘Sny middelman uit'

4 ure gelede | Omgewing

Francoise Steynberg - Die ministerie van die omgewing en toerisme gaan baie geld spaar deur die middelman uit te sny met die opgradering van die...