'Henriëtte verbeeld uiters raak'

16 October 2020 | Byvoegsels
Die digter Henriëtte van Wyk span weer eens haar skryftalent in met die bundel 'n Bruin blaar tuimel wat in November vanjaar op die rakke sal verskyn.

Sy is gebore en getoë in Namibië, waar sy 33 jaar as onderwyser gewerk en verskeie vakke van graad 1 tot graad 12 aangebied het.

Sy is die stigter van die Waltons Griffel-skryfkompetisie wat leerlinge aanmoedig en uitdaag om hul Afrikaanse skryftalent te ontwikkel. Henriëtte tree ook as poësie-beoordelaar op. In haar lang loopbaan het sy al verskeie ATKV-toekennings ingepalm vir haar toewyding tot onderrig, sowel as vir haar digkuns.

Mense, musiek, Afrikaans en haikoes is haar passie, sê sy.

In 2016 is 'n digbundel uit haar pen, Padhaikoes uit Namibië, vrygestel. Van haar gedigte is in 2018 en 2019 in die afsonderlike Stemme uit Namibië-uitgawes opgeneem. Tydens die 2019 Windhoek Woordfees-skryfkompetisie het sy 'n tweede plek in die poësie-afdeling behaal.

“Henriëtte van Wyk verbeeld uiters raak (en nie sonder humor nie) die naderende wegtuimel vanaf dit wat ons lewe noem. Enersyds word daar oopkop vrede gemaak met die erosieproses. Andersyds verwonder die liriese spreker haar daaraan dat sy dit wat voorheen misterieus en onsienbaar was, juis nóú – vanweë die stadiger pas – kan uitken en geniet,” skryf dr. Chrisna Beuke-Muir, 'n senior lektor in Afrikaans en Nederlands aan die Universiteit van Namibië (Unam), en medestigter van die Windhoek Woordfees, oor 'n Bruin blaar tuimel.

Henriëtte se “woordvanger” word ten volle deur die bostaande stelling opgesom:



woordvanger


ek gooi die net blindelings in

sleep die woorde nes blink lywe op droë papier

om die brak te verlos

sodat sout in waardige kristalle

of swart of wit

selfs pienk gekaats word

vir onlawwe smaak, ontsmetting en preservering

woorde moet uiteindelik swart op wit lê


Die bundel is aanlyn op Minimal Press en Amazon teen N$220 beskikbaar.

Soortgelyk

 

Geingob onder skoot oor ‘wit’ opmerkings

12 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

12 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

12 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

12 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

12 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

12 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

12 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

12 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

12 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...