Heffings kry toerisme en hengel aan die hoek
Des Erasmus - "‘n Terugslag vir toerisme in die algemeen, maar in die besonder vir dorpe aan die sentrale kus. Die internasionale aansien wat Namibië as hengelparadys geniet het, lê aan skerwe."
Hierdie was gister op Swakopmund en Hentiesbaai allemanskommentaar nadat nuwe heffings op die oes van hulpbronne van die see in die Staatskoerant van 26 Junie 2017 afgekondig is. Die maatreëls word in sport- en ontspanningskringe as drakonies en selfs diskriminerend bestempel.
Terwyl woordvoerders van georganiseerde hengel hulle versigtig van oorhaastige kommentaar weerhou het, is dit bekend dat ‘n noodvergadering van die bestuur van die Namibiese Rots- en Strandhengelvereniging die naweek gehou sal word.
Die ministerie van visserye en mariene hulpbronne het gister ontvangs van navrae deur Republikein erken, maar aangedui dat opheldering vanoggend gegee kan word.
Dié aankondiging van meer as drie weke gelede het eers gisteroggend tot 'n uitbarsting gelei.
Ingevolge die nuwe regulasies gaan heffings van N$1 500 per maand vir ontspanningshengelaars geld - bo en behalwe die N$14 per maand wat vir ‘n hengellisensie gevra word.
Die geld sal aan die marienehulpbronfonds oorbetaal word.
Bestaanshengelaars, die sogenaamde "baaisiekelvissers", word van die heffings kwytgeskeld.
Dit is gister in sekere kringe as diskriminerend uitgemaak.
Een lesing van die kennisgewing is dat die betaling van 'n heffing van 2% per kilogram op vangste en 'n heffing van 15% op byvangste net van toepassing is op kwotahouers. Die geld is ook vir die marienehulpbronfonds bestem.
Sommige is egter bekommerd dat hierdie heffings ook van strandhengelaars en hengelbote geëis sal word.
In hengelgeledere is gesê dit gaan ‘n haas onmoontlike situasie skep met die inspektoraat wat in die vorige bedeling reeds gesukkel het om al die bepalinge van die viswet na te kom.
Die heffings op vangste moet binne sewe dae ná die einde van die maand oorbetaal word. As betalings later as agt dae geskied, sal rente van 12% per jaar op die bedrag gevorder word.
Wanneer heffings op vangste betaal word, moet dit ondersteun word deur ‘n gesertifiseerde verklaring deur ‘n visinspekteur, ‘n waarnemer van visserye of ‘n verteenwoordiger van die ministerie. Die gesertifiseerde verklaring moet ook die gewig en die vorm van die vangs aandui.
Die heffings geld reeds sedert 26 Junie, die datum van die kennisgewings.
Die 2% heffings op kabeljou, steenbras en kolstert is ses sent per kilogram bereken teen N$30 en nege sent per kilogram bereken teen N$45 vir galjoen.
Hierdie was gister op Swakopmund en Hentiesbaai allemanskommentaar nadat nuwe heffings op die oes van hulpbronne van die see in die Staatskoerant van 26 Junie 2017 afgekondig is. Die maatreëls word in sport- en ontspanningskringe as drakonies en selfs diskriminerend bestempel.
Terwyl woordvoerders van georganiseerde hengel hulle versigtig van oorhaastige kommentaar weerhou het, is dit bekend dat ‘n noodvergadering van die bestuur van die Namibiese Rots- en Strandhengelvereniging die naweek gehou sal word.
Die ministerie van visserye en mariene hulpbronne het gister ontvangs van navrae deur Republikein erken, maar aangedui dat opheldering vanoggend gegee kan word.
Dié aankondiging van meer as drie weke gelede het eers gisteroggend tot 'n uitbarsting gelei.
Ingevolge die nuwe regulasies gaan heffings van N$1 500 per maand vir ontspanningshengelaars geld - bo en behalwe die N$14 per maand wat vir ‘n hengellisensie gevra word.
Die geld sal aan die marienehulpbronfonds oorbetaal word.
Bestaanshengelaars, die sogenaamde "baaisiekelvissers", word van die heffings kwytgeskeld.
Dit is gister in sekere kringe as diskriminerend uitgemaak.
Een lesing van die kennisgewing is dat die betaling van 'n heffing van 2% per kilogram op vangste en 'n heffing van 15% op byvangste net van toepassing is op kwotahouers. Die geld is ook vir die marienehulpbronfonds bestem.
Sommige is egter bekommerd dat hierdie heffings ook van strandhengelaars en hengelbote geëis sal word.
In hengelgeledere is gesê dit gaan ‘n haas onmoontlike situasie skep met die inspektoraat wat in die vorige bedeling reeds gesukkel het om al die bepalinge van die viswet na te kom.
Die heffings op vangste moet binne sewe dae ná die einde van die maand oorbetaal word. As betalings later as agt dae geskied, sal rente van 12% per jaar op die bedrag gevorder word.
Wanneer heffings op vangste betaal word, moet dit ondersteun word deur ‘n gesertifiseerde verklaring deur ‘n visinspekteur, ‘n waarnemer van visserye of ‘n verteenwoordiger van die ministerie. Die gesertifiseerde verklaring moet ook die gewig en die vorm van die vangs aandui.
Die heffings geld reeds sedert 26 Junie, die datum van die kennisgewings.
Die 2% heffings op kabeljou, steenbras en kolstert is ses sent per kilogram bereken teen N$30 en nege sent per kilogram bereken teen N$45 vir galjoen.
Kommentaar
Republikein
Geen kommentaar is op hierdie artikel gelaat nie