Heckmair-skietmoord: Derde getuie in hof

Ná die moord op mnr. Andre Heckmair in 2011 het die verhoorproses teen ’n slakkepas gevorder.

14 October 2020 | Howe
Kristien Kruger – Drie getuies het reeds vandeesweek in die hoërhof getuig in die regsgeding teen die Amerikaanse burgers Marcus Thomas (34) en Kevin Townsend (34) wat na bewering nege jaar gelede mnr. Andre Heckmair in Windhoek doodgeskiet het.
Me. Mona-Lisa Goses was die derde getuie hierdie week en het vandag voor die hof verskyn.
Goses het in 2010 en 2011 by die Cardboard Box Backpackers in Windhoek gewerk waartydens sy per e-pos met Thomas gekommunikeer het in verband met verblyf vir Thomas en ’n metgesel.
Sy het vir Thomas ’n bespreking vir twee mense vanaf 25 Desember 2010 tot 9 Januarie 2011 gemaak.
Heckmair is op 7 Januarie 2011 geskiet.
Volgens Goses was sy met verlof vanaf 23 Desember. Toe sy op 1 Januarie terugkeer werk toe, was Thomas nie meer by die akkommodasie nie.
In Cardboard Box Backpackers se registerboek waarin alle gaste glo moet inteken wanneer hulle inboek, was daar na bewering ’n inskrywing onder Thomas se naam.
Geen datum was by Thomas se inskrywing aangedui nie, maar dit was tussen ander inskrywings wat op 27 Desember ingevul is. Goses het daarom getuig dat sy onder die indruk was dat Thomas op 27 Desember ingeboek het.
Hoewel Goses en Thomas oor e-pos gekommunikeer het, het sy hom egter nooit in persoon gesien nie en dra geen kennis van sy metgesel nie.
• Die vorige twee getuies was mnre. Ashley Hendriks en Stephan Tieties. Hulle het Maandag en Dinsdag in die hof verskyn.
Tieties en Hendricks was na bewering betrokke by die verskaffing en aankoop van die 9mm vuurwapen wat gebruik is om Heckmair te skiet.
• Die twee Amerikaners staan tereg op die moord op Heckmair, wat in 2011 met een skoot deur die kop in Gusindestraat in Windhoek doodgeskiet is terwyl hy agter die stuur van sy voertuig gesit het.
Heckmair se selfoon en beursie was gesteel. Sy beursie het sowat 100 Switserse frank in gehad.
Thomas en Townsend verskyn elk op een klag van moord, ’n klag van roof met verswarende omstandighede, drie klagte van die oortreding van die ammunisiewet en een klag van regsverydeling en/of poging tot regsverydeling.
[email protected]

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...