Hage ontken steeds sistemiese korrupsie
In die jaar van aanspreeklikheid loof die president Namibiërs vir hul pogings om vrede in die land te bewaar.
Augetto Graig
Pres. Hage Geingob het Vrydag vanjaar se laaste kabinetsvergadering gelei.
“Vanjaar was die jaar van aanspreeklikheid, en ons het inderdaad rekenskap aan die uiteindelike soewereine mense van Namibië gegee. Dit was 'n lang en soms moeilike reis, maar die kabinet kon sy hoofdoel bereik deur die nasie op 'n bestendige koers na die bereiking van ons ontwikkelingsdoelwitte te hou,” het hy gesê.
Geingob het sy kabinetslede vir die bewaring van demokrasie, eenheid, vrede, stabiliteit en die oppergesag van die reg geloof.
“Ons neem soms maatskaplike vrede, orde en veiligheid as vanselfsprekend. Miskien het ons mense oor die jare so gewoond hieraan geraak dat ons nie verstaan hoe kritiek dit vir ons lewenswyse is nie. Dit is hoekom ek sê dit is maklik om af te breek, maar moeilik om weer op te bou. Daarmee in gedagte wil ek almal loof vir hul onvermoeide poging om vrede in die Namibiese huis te bewaar,” het hy gesê.
Geingob sê kabinetslede weet vrede, stabiliteit en veiligheid is nie dieselfde as voorspoed nie.
Die doel van sy dorpsaalbesoeke was om die massas te betrek en terugvoering te gee oor die regering se pogings om hul lewens te verbeter, het hy gesê.
“Die korrupsiekwessie is maar twee keer gedurende die dorpsaalvergaderings gelug,” het hy gesê.
“Dit is hoekom ek glo korrupsie in Namibië is nie sistemies nie, maar die indruk is geskep dat Namibië 'n korrupte samelewing is.
“Hoewel korrupsie in Namibië nie sistemies is nie, het die aksies van 'n paar korrupte amptenare ons land se goeie naam besmet. Dus is dit belangrik vir staatsamptenare om klem daarop te lê dat korrupsie in enige vorm onaanvaarbaar is,” het hy gesê.
Volgens die president is die land se topleierskap bewus van die huidige korrupsiestorm in die visbedryf.
“Ons sien mense se woede – veral dié wie se bestaan weens korrupsie verwoes is. Enigiemand sou kwaad wees. Dié gebeure was vir ons 'n wekroep om ons poging tot groter aanspreeklikheid en deursigtigheid in alle aspekte van regering te verdubbel,” het hy gesê.
“Die feit bly staan die betrokkenes is nie meer ministers nie, en hul kantore is nou oop sodat deeglike ondersoek ingestel kan word. As wetsgehoorsame samelewing glo ons in die proses, stelsels en instansies en ons sal die betrokkenes toelaat om volgens die regte wetlike proses verhoor te word,” het die president gesê.
Geingob het sy medewetsontwerpers aangeraai om wetgewing, verkiesingstoelae en bydraes tot enige politieke party se verkiesingsveldtog duidelik uiteen te sit “om die grys gebied uit te skakel waarin ons nou te werk gaan”.
“Ek hoop ons geniet volgende jaar meer suksesvolle oomblikke en leer uit 2019 se lesse, en werk aan lewensvatbare oplossings om volhoubare ekonomiese groei en werkskepping in Namibië te verseker,” het hy gesê.
“Volgende termyn sal dit nie net sake soos gewoonlik wees nie.”
– [email protected]
Pres. Hage Geingob het Vrydag vanjaar se laaste kabinetsvergadering gelei.
“Vanjaar was die jaar van aanspreeklikheid, en ons het inderdaad rekenskap aan die uiteindelike soewereine mense van Namibië gegee. Dit was 'n lang en soms moeilike reis, maar die kabinet kon sy hoofdoel bereik deur die nasie op 'n bestendige koers na die bereiking van ons ontwikkelingsdoelwitte te hou,” het hy gesê.
Geingob het sy kabinetslede vir die bewaring van demokrasie, eenheid, vrede, stabiliteit en die oppergesag van die reg geloof.
“Ons neem soms maatskaplike vrede, orde en veiligheid as vanselfsprekend. Miskien het ons mense oor die jare so gewoond hieraan geraak dat ons nie verstaan hoe kritiek dit vir ons lewenswyse is nie. Dit is hoekom ek sê dit is maklik om af te breek, maar moeilik om weer op te bou. Daarmee in gedagte wil ek almal loof vir hul onvermoeide poging om vrede in die Namibiese huis te bewaar,” het hy gesê.
Geingob sê kabinetslede weet vrede, stabiliteit en veiligheid is nie dieselfde as voorspoed nie.
Die doel van sy dorpsaalbesoeke was om die massas te betrek en terugvoering te gee oor die regering se pogings om hul lewens te verbeter, het hy gesê.
“Die korrupsiekwessie is maar twee keer gedurende die dorpsaalvergaderings gelug,” het hy gesê.
“Dit is hoekom ek glo korrupsie in Namibië is nie sistemies nie, maar die indruk is geskep dat Namibië 'n korrupte samelewing is.
“Hoewel korrupsie in Namibië nie sistemies is nie, het die aksies van 'n paar korrupte amptenare ons land se goeie naam besmet. Dus is dit belangrik vir staatsamptenare om klem daarop te lê dat korrupsie in enige vorm onaanvaarbaar is,” het hy gesê.
Volgens die president is die land se topleierskap bewus van die huidige korrupsiestorm in die visbedryf.
“Ons sien mense se woede – veral dié wie se bestaan weens korrupsie verwoes is. Enigiemand sou kwaad wees. Dié gebeure was vir ons 'n wekroep om ons poging tot groter aanspreeklikheid en deursigtigheid in alle aspekte van regering te verdubbel,” het hy gesê.
“Die feit bly staan die betrokkenes is nie meer ministers nie, en hul kantore is nou oop sodat deeglike ondersoek ingestel kan word. As wetsgehoorsame samelewing glo ons in die proses, stelsels en instansies en ons sal die betrokkenes toelaat om volgens die regte wetlike proses verhoor te word,” het die president gesê.
Geingob het sy medewetsontwerpers aangeraai om wetgewing, verkiesingstoelae en bydraes tot enige politieke party se verkiesingsveldtog duidelik uiteen te sit “om die grys gebied uit te skakel waarin ons nou te werk gaan”.
“Ek hoop ons geniet volgende jaar meer suksesvolle oomblikke en leer uit 2019 se lesse, en werk aan lewensvatbare oplossings om volhoubare ekonomiese groei en werkskepping in Namibië te verseker,” het hy gesê.
“Volgende termyn sal dit nie net sake soos gewoonlik wees nie.”
– [email protected]
Kommentaar
Republikein
Geen kommentaar is op hierdie artikel gelaat nie