Hage looi ministers

‘Gebrek aan verantwoordbaarheid’

06 February 2019 | Regering
Denver Kisting – Pres. Hage Geingob het gister uitgevaar teen ministers wat in die openbaar dronk is en dié wat vuil taal gebruik.

Ministers wat met regeringsvoertuie by kroeë rondhang, dra ook nie sy goedkeuring weg nie.

Volgens hom stel dit ook ’n slegte voorbeeld as ministers die grens oorsteek met hul ampsvoertuig, of goedere, soos sement, met ’n sedan rondry.

Die adjunkminister van gesondheid en maatskaplike dienste, me. Juliet Kavetuna, was eens in die sop weens ’n sementsending.

Dit is ook onaanvaarbaar vir ’n minister om nie vir die eerste kabinetsvergadering van die jaar op te daag nie.

Mnr. Utoni Nujoma, die minister van grondhervorming, het gister glo ’n doktersafspraak gehad en kon die verrigtinge nie bywoon nie.

Pres. Hage Geingob wou by sy adjunk, me. Priscilla Boois, weet hoekom Nujoma nie sy doktersafspraak kon herskeduleer nie.

Volgens hom is dit ’n teken van ’n gebrek aan verantwoordbaarheid – Geingob se tema vir 2019.

Mnr. Calle Schlettwein, die minister van finansies, het ook sy adjunk, mnr. Natangwe Ithete, gestuur, omdat hy tans in Ethopië is vir werk.

Me. Doreen Sioka, die minister van geslagsgelykheid en kinderwelsyn, se adjunk, me. Lucia Witbooi, het vir haar ingestaan omdat sy ook tans in Addis Abeba is.

Geingob het gister gesê in dié verkiesingsjaar moet hy en sy kabinet rekenskap gee oor hoe hulle die land die afgelope vier jaar bestuur het.

Dit is uiters belangrik vir kabinetslede om verantwoordbaar vir hul dade en besluite te wees, sê hy. Volgens Geingob sal dít help om te bepaal hoe doelftreffend hul werksaamhede is.

Hy het die ministers gemaan om nie net op lof te steun wanneer dinge uitwerk nie, maar ook die pak te vat as dinge skeefloop.

“Ons moenie deur die vrees om te misluk, ontmoedig word nie, maar moet aangespoor word deur ons oortuiging en geloof om vir die verbetering van inwoners se lewens te werk.”

Geingob het voorts gesê deur verantwoordbaar en deursigtig op te tree, help kabinetslede om die publiek se vertroue in hulle te vestig.

Hy het beklemtoon ministers het, deur diens te aanvaar, ’n kontrak met Namibiërs gesluit om na hul belange om te sien. As ministers dié vertroue breek, moet hulle bereid wees om dit te herstel, sê hy.

Ekonomiese vooruitgang is onmoontlik sonder vertroue tussen die kabinet en die sakegemeenskap, het hy ook gesê.

Hy is teleurgesteld in sommige ministers, wat nie beskikbaar is om met plaaslike en internasionale beleggers te vergader nie.

Die beste, sê hy, is om jou in die eerste plek nie tot ’n afspraak te verbind nie, maar as mens dít gedoen het, moet jy daarby hou, sê hy.

As dit waar is dat ministers volgens sommige joernaliste ontoeganklik is en nie inligting verskaf nie, moet daardie gedrag ook in sy spore gestuit word, sê hy.

Dit gee egter nie die media die reg om onverantwoordelik op te tree nie, het hy gemaan.

Verantwoordbaarheid beteken nie om ander se gedrag te beheer nie, sê hy.

“Julle is daar om leierskap, rigting en ondersteuning binne die raamwerk van ’n span te bied.”

Geingob sê hy is verheug dat die titel “permanente sekretaris” nie meer aan rekenpligtige beamptes van ministeries toegedig word nie.

Hy hoop dit word nie net ’n naamsverandering nie, maar dat uitvoerende direkteure voortaan meer verantwoordbaar en deursigtig sal optree.

Geingob het gister opnuut op dié relletjie gereageer, wat ontstaan het sedert sy beweerde inmengery by die Windhoekse stadsraad (CoW) se binnegevegte.

Hy het raadslede beveel om geskortse CoW-hoëlui weer aan te stel – hy het nie daardie mense self heraangestel nie, het Geingob gesê.

Hy het voet by stuk gehou hy het nie skeiding van magte tussen regeringsorgane, soos deur die Grondwet voorgeskryf, verontagsaam nie.

Volgens Geingob het die uitvoerende gesag die reg om daarop aan te dring dat hulle, die wetmakers en die regbank verantwoordbaar gehou word.

Soortgelyk

 

NSFAF sluit ooreenkoms met Bank Windhoek

5 ure gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

5 ure gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

6 ure gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

17 ure gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

17 ure gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

17 ure gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

17 ure gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

17 ure gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

17 ure gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...