Groter stoom vir TransNamib

Raadslede bekend gemaak

08 February 2019 | Vervoer
font face="Verdana" >



Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting gaan inslaan.

Die raad bestaan uit me. Josephine Shikongo, dr. Michael Ochurub, me. Gaenor Michaels, mnr. Oscar Kaveru, adv. Sigrid Tjijorokisa en mnr. Vincent Mberema.

Hulle is Woensdag amptelik deur die minister van werke en vervoer, mnr. John Mutorwa, die minister van staatsondernemings, mnr. Leon Jooste, en TransNamib se uitvoerende hoof, mnr. Johny Smith, voorgestel.

By die geleentheid het Smith gesê hy is opgewonde oor die rigting waarin die maatskappy tans beweeg.

“Ek hoop dit is die begin van ’n nuwe era van samewerking. Ek is opgewonde oor die projekte en werk wat ons reeds begin het en wat nou voortgaan. Die fondasie vir is gelê vir die onderneming om te groei,” het hy gesê.

Volgens Smith is TransNamib tans sowat 25 jaar agter wat ontwikkeling betref, en daarom moet “betekenisvolle stappe” geneem word om die onderneming te ontwikkel, het Smith gesê.

Mutorwa het die voormalige TransNamib-raad se tekortkominge uitgewys.

“Op 8 Februarie is ek ’n jaar by die ministerie van werke en vervoer, en in daai tyd was TransNamib een van die ondernemings wat my die meeste probleme besorg het. In die vorige raad was daar meningsverskille en daarná was dit ’n sirkus. As die een by ’n vergadering instap, stap die ander een uit. Dit is belaglik. As julle probleme teëkom, sorteer dit uit,” het hy aan die nuwe raadslede gesê.

“Ek wil nie weer so iets sien nie.”

Volgens dié minister is 55 aansoeke vir die poste van raadslede ontvang.

Van dié aansoeke was egter nie vir die leierskap geskik nie, en vroue en verskeie etniese groepe is swak verteenwoordig.

Saam met die ministerie van staatsondernemings is besluit om die databasis van goedgekeurde moontlike raadslede aan te wend om dié tekortkominge te pak.

Mutorwa het gesê ’n sewende raadslid moet nog aangestel word.

Jooste het die belangrikheid van aanspreeklikheid benadruk.

Hy het gesê TransNamib is van uiterste strategiese belang vir Namibië se ekonomie, maar weens die huidige ekonomiese druk kan die staat nie veel aan die staatsonderneming bestee nie.

“TransNamib is een van die toptwee-staatsondernemings, indien nie die belangrikste nie. Ons weet almal dit is nie in die toestand wat dit moet wees nie. Laat dit julle liewer aanmoedig om ’n verskil te maak deur die probleme te pak en op te los,” het hy gesê.

Jooste het genoem die nuwe wet met betrekking tot staatsondernemings sal binnekort bekragtig word.

Daardeur sal sy ministerie beter prestasie deur middel van prestasie-ooreenkomste kan bestuur, het hy gesê.

Mutorwa het die strategiese besigheidsplan bespreek wat die kabinet verlede jaar vir TransNamib goedgekeur het.

Dié vyfjaarplan van N$2 miljard sluit in die verkoop van TransNamib-eiendom wat nie noodsaaklik vir die kernbesigheid is nie, voorkeur aan ander staatsondernemings by die aankoop van hierdie eiendom, die waardering van 12 oorbodige lokomotiewe, en ’n forensiese ondersoek na wanbestuur, wat tot ’n lening van N$410 miljoen vir dié lokomotiewe gelei het.

Jooste was veral trots daarop dat die vyfjaarplan deur TransNamib self gefinansier word.

Soortgelyk

 

Chasing your dream

10 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

10 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

10 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

10 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

10 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

10 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

10 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

10 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

10 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...