Groter, beter Oktoberfest

02 October 2019 | Gebeure
Ná jare as hoofborg van die Windhoek Oktoberfest het Namibia Breweries Limited (NBL) volle eienaarskap van dié jaarlikse hoogtepunt geneem.

Die fees word op 25 en 26 Oktober by die Sportklub Windhoek (SKW) gehou.

Volgens die projekleier van die Oktoberfest, mnr. Daniel Keulder, maak hulle gereed vir meer as die 6 670 mense wat in 2018 by die fees was.

“Ons gaan 'n paar aanpassings maak om meer mense te kan akkommodeer. Een daarvan is 'n kontantlose betalingstelsel.”

Mnr. Nico Gericke, 'n feeskomiteelid, het gesê daar gaan ook vanjaar meer kosstalletjies wees.

“Die bierkroeg is met tien meter verleng en twee bykomende kroeë sal bier en ander drankies verkoop. Daar is ook 'n biersleepwa en twee keer soveel toilette as laas jaar.”

Soos in die verlede sal die bekende Duitse orkes Kirchdorfer gaste vermaak. Die Jägermeister-groep tree vir die eerste keer by die fees op. Die Schuhplattler, Die Broers en verskeie plaaslike dansgroepe sal ook vermaak verskaf.

'n Spesiale Festbier word uitsluitlik vir die Oktoberfest gebrou en sal net op die twee dae beskikbaar wees.

Pupkewitz BMW en Lufthansa in samewerking met Eurowings ondersteun die fees.

Kaartjies kan by Pick 'n Pay-­winkels oraloor die land of aanlyn by Webtickets gekoop word. Dit kos N$140 per persoon.

Soortgelyk

 

Valskerm-ongeluk eis Chinese vrou

5 ure gelede | Ongelukke

'n Valskerm-ongeluk het die lewe van 'n Chinese vrou, me. Ran Lei (33), Sondagmiddag geëis. Volgens die Namibiese polisie se weeklikse misdaadverslag het die voorval...

Frankfurt-vlugte het hervat

6 ure gelede | Vervoer

Air Namibia se vlugte na en vanaf Frankfurt in Duitsland het hervat.Die Airbus A330-200 is ná die vlerkskade tydens ‘n ligte botsing Saterdagaand by die...

Beserker slaan 2-jarige nefie na bewering met graaf dood

7 ure gelede | Misdaad

‘n Tweejarige seuntjie is vroeg Saterdagoggend dood toe sy 50-jarige oom hom na bewering met ‘n graaf aangeval het, terwyl ‘n driejarige meisie wat hy...

Man vas oor 'diamantsmokkelary'

7 ure gelede | Misdaad

'n Nambiese man is Vrydag in verband met diamantsmokkelary op die grenspos tussen Suid-Afrika en Namibië by Oranjemund in hegtenis geneem.Volgens die Namibiese polisie se...

Laat koppe rol - Jooste, SPYL

23 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

23 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

23 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

23 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

23 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...