Grootskerm-vermaak is terug!

Die reuk van springmielies hang weer in die lug. Fliekvlooie wat die afgelope paar maande tevrede moes wees met stroomdienste, kan stadig weer uit hulle gate begin kruip. Die Ster Kinekor-teaters in die Maerua- en The Grove-inkoopsentrums het die afgelope naweek heropen ná hulle byna drie maande weens die inperking gesluit was. Dit is nog nie veilig om te sê mense kan fliekteaters toe stroom nie, maar hulle kan wel op 'n georganiseerde manier grootskerm-vermaak soos in die ou dae (drie maande gelede) geniet.'n Personeellid van die teater in Maerua Mall sê hulle pas al die nodige veiligheidsmaatreëls toe soos die regering vereis. Met hulle aankoms moet fliekgangers 'n register invul en hulle hande word ontsmet. Hulle moet ook ten alle tye sosiale afstand toepas. Slegs 50 mense word op 'n slag in 'n flieksaal toegelaat en, met die uitsondering van paartjies wat saam gaan fliek, moet 'n stoel te alle tye tussen mense oop wees. “As twee mense saam kom fliek kan hulle natuurlik langs mekaar sit, maar dan moet daar twee oop stoele tussen hulle en die volgende persoon wees,” sê die personeellid. Ongelukkig word geen nuwe flieks tans vertoon nie, aangesien die wêreldwye pandemie tot dusver die bekendstelling van nuwe flieks verhinder het. Bad Boys for Life, Bloodshot, The Gentlemen en Onward word tans op die grootskerm gewys. “Hopelik kan ons binnekort nuwe flieks wys, maar op die oomblik weet ons nie wanneer dit gaan wees nie,” het die bron gesê.Vir getroue fliekvlooie kan dié egter 'n ligpunt in 'n donker tonnel wees. Die program is op Ster Kinekor Namibia se Facebook-blad beskikbaar.

Grootskerm-vermaak is terug!

Kommentaar

Republikein 2025-07-02

Meld asseblief aan om kommentaar te lewer

Grootskerm-vermaak is terug!

Kommentaar

Republikein 2025-07-02

Meld asseblief aan om kommentaar te lewer

MELD AAN

Advertensie