Groot makietie by Windhoek Braaifees

15 March 2019 | Kuns en vermaak
Francoise Steynberg - Die Windhoek Braaifees vind op 29 en 30 Maart by die Hage Geingob-rugbystadion in Windhoek plaas, waartydens die land se kampioenbraaiers gekroon gaan word.

Die Krugers van die Kaiserstraat Boerevereniging (BV) het verlede jaar koning gekraai op die Namibië Landbou-unie (NLU) se Agribraai op Gobabis. Omuramba BV was die naaswenners en Aroab BV in die derde plek.

Kaiserstraat BV se kampioenbraaiers van 2018, Nic, Elsada, Corné en Charmoni Kruger, het belowe 2019 se NLU Agribraai, die Windhoek Braaifees, gaan 'n groot makietie wees.

Corné Kruger het met Republikein gesels en gesê die vure gaan hoog brand en baie boereverenigingspanne het reeds ingeskryf, asook sosiale spanne.

Vermaak gaan volop wees met plaaslike kunstenaars soos Hannes Kaufmann, Joggie en André, en Jacob & Taylor, die Suidwes Boereorkes, asook bekende Suid-Afrikaanse sangers wat gaan optree.

Vrydag gaan Robbie Wessels en Bok van Blerk besoekers laat saam sing, en Saterdag gaan Karlien van Jaarsveld, Broers en Die Campbells die voete laat jeuk.

Daar gaan vet pret vir oud en jonk wees met baie stalletjies, ’n pretpark vir kinders, 'n wildsveiling Saterdag om 12:00, ’n vleiswerkdemonstrasie en ’n bakkompetisie.

Vir Bakpro se bakkompetisie moet 'n uithaler appeltert gebak word. Appelterte nie groter nie as 23 cm moet Saterdag om 10:00 vir beoordeling gereed wees. Vir verdere navrae, kontak Sanet Prinsloo by 081 124 6023 of Rodger du Plessis by 081 146 4730.

Hekke maak Vrydag om 14:00 en Saterdag om 08:00 oop. Kaartjies is by Pick n Pay, Webtickets of die hekke te koop.

Vir kinders onder ses is toegang gratis en vir kinders tussen 7 en 16 kos kaartjies N$50. Almal bo 16 betaal N$100 per dag, maar as albei dae bygewoon word, beloop toegang N$180.

Daar is slegs 300 Golden Circle-kaartjies beskikbaar, wat N$900 vir albei feesdae beloop.

Kaiserstraat BV nooi Namibiërs uit om saam te kom fees vier en kyk wie met 2019 se braaikroon wegstap.

Soortgelyk

 

Uis-aanvaller Charles Namiseb kry 63 jaar

6 ure gelede | Howe

Die eens voortvlugtende Charles Namiseb, wat saam met ‘n makker tereg gestaan het vir die gewelddadige gewapende rooftog op ’n bejaarde egpaar van Uis op...

Padgebruik al duurder

12 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Padgebruik al duurder

12 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Gesondheid: Advertensie vals

13 ure gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

23 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

23 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

23 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

23 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

23 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...