Grondlys: Ombudsman gee grasie
Die druk verhoog op die ministerie van grondhervorming om die lys van begunstigdes van die nasionale grondhervestigingsprogram bekend te stel.
Elvira Hattingh - Die ombudsman van Namibië gee die ministerie van grondhervorming meer tyd waarin die lys van begunstigdes van die hervestigingsprogram aan hom oorhandig moet word, maar waarsku dat sy geduld nie as 'n swakheid beskou moet word nie.
Dit volg op 'n reaksie deur die permanente sekretaris van grondhervorming, mnr. Peter Amutenya, wat sê dat senior amptenare met hul terugkeer ná landswye grondkonsultasies op hoë vlak samesprekings oor die ombudsman se versoek sal hou.
In 'n brief wat vóór die ombudsman se sperdatum van 25 Julie ontvang is, sê Amutenya die ministerie se senior amptenare is tans landswyd besig met grondkonsultasies as deel van die aanloop tot Oktobermaand se nasionale grondkonferensie.
Walters sê hy is 'n geduldige man wat in samewerking glo.
“Ek wil nie hê my geloof in hierdie samewerking moet as 'n swakheid beskou word nie.
Die ombudsman is nie daar om die regering in die verleentheid te stel nie, maar wel om seker te maak ons kry ons prosesse in orde,” het hy aan Republikein gesê.
Walters het voorts gesê hy oorweeg nie tans regsaksie nie.
TWEE MAANDE GEWAG
Dit volg nadat hy onlangs 'n brief aan Amutenya geskryf het waarin hy sê dat hy reeds twee maande op die lys wag.
Hy het gereageer op die ministerie wat gesê het dat hy eers 'n regsopinie oor sy versoek van die prokureur-generaal wou hê.
“In die brief het ek gesê dat ek nie gebonde is aan enige regsopinie nie, maar slegs aan die wet en die Grondwet onderhewig is.
“Die enigste manier hoe hulle my kan verhoed om die lys in die hande te kry, is deur my hof toe te neem.
“Andersins sal ek hulle hof toe neem,” het hy gesê.
Walters het die ministerie toe tot 25 Julie kans gegee om die lys aan hom te oorhandig. Intussen het die kantoor van die prokureur-generaal bevestig dat 'n regsopinie aan die ministerie uitgereik is, maar dit nie die inhoud daarvan bekend kan maak nie.
Walters het die lys van begunstigdes aanvanklik aangevra nadat hy 'n versoek van die Regstellende Herposisioneringsbeweging (AR) ontvang het om ondersoek in te stel oor hoe me. Vicky ya Toivo 'n hervestigingsplaas kon ontvang.
Grondaktiviste het verlede jaar beweer dat slegs individue met politieke bande tot dusver voordeel uit die hervestigingsprogram getrek het.
MAAK SYFERS BEKEND
Intussen het die Namibië Landbou-unie (NLU) in sy jongste nuusbrief gesê die ministerie van grondhervorming behoort syfers bekend te maak oor hoeveel hektaar grond sedert 2008 vir hom aangebied is, hoeveel die ministerie gekoop het en hoeveel hy van afstand gedoen het om in die vrye mark te verkoop.
“Hierdie inligting behoort openbaar gemaak te word ten einde te bepaal of die beginsel van vrywillige koper, vrywillige verkoper suksesvol was of nie.
“Die NLU ondersteun die onteieningsproses met billike vergoeding binne die wetlike raamwerk, soos in die Namibiese grondwet uiteengesit,” lui die brief.
Dit volg op 'n reaksie deur die permanente sekretaris van grondhervorming, mnr. Peter Amutenya, wat sê dat senior amptenare met hul terugkeer ná landswye grondkonsultasies op hoë vlak samesprekings oor die ombudsman se versoek sal hou.
In 'n brief wat vóór die ombudsman se sperdatum van 25 Julie ontvang is, sê Amutenya die ministerie se senior amptenare is tans landswyd besig met grondkonsultasies as deel van die aanloop tot Oktobermaand se nasionale grondkonferensie.
Walters sê hy is 'n geduldige man wat in samewerking glo.
“Ek wil nie hê my geloof in hierdie samewerking moet as 'n swakheid beskou word nie.
Die ombudsman is nie daar om die regering in die verleentheid te stel nie, maar wel om seker te maak ons kry ons prosesse in orde,” het hy aan Republikein gesê.
Walters het voorts gesê hy oorweeg nie tans regsaksie nie.
TWEE MAANDE GEWAG
Dit volg nadat hy onlangs 'n brief aan Amutenya geskryf het waarin hy sê dat hy reeds twee maande op die lys wag.
Hy het gereageer op die ministerie wat gesê het dat hy eers 'n regsopinie oor sy versoek van die prokureur-generaal wou hê.
“In die brief het ek gesê dat ek nie gebonde is aan enige regsopinie nie, maar slegs aan die wet en die Grondwet onderhewig is.
“Die enigste manier hoe hulle my kan verhoed om die lys in die hande te kry, is deur my hof toe te neem.
“Andersins sal ek hulle hof toe neem,” het hy gesê.
Walters het die ministerie toe tot 25 Julie kans gegee om die lys aan hom te oorhandig. Intussen het die kantoor van die prokureur-generaal bevestig dat 'n regsopinie aan die ministerie uitgereik is, maar dit nie die inhoud daarvan bekend kan maak nie.
Walters het die lys van begunstigdes aanvanklik aangevra nadat hy 'n versoek van die Regstellende Herposisioneringsbeweging (AR) ontvang het om ondersoek in te stel oor hoe me. Vicky ya Toivo 'n hervestigingsplaas kon ontvang.
Grondaktiviste het verlede jaar beweer dat slegs individue met politieke bande tot dusver voordeel uit die hervestigingsprogram getrek het.
MAAK SYFERS BEKEND
Intussen het die Namibië Landbou-unie (NLU) in sy jongste nuusbrief gesê die ministerie van grondhervorming behoort syfers bekend te maak oor hoeveel hektaar grond sedert 2008 vir hom aangebied is, hoeveel die ministerie gekoop het en hoeveel hy van afstand gedoen het om in die vrye mark te verkoop.
“Hierdie inligting behoort openbaar gemaak te word ten einde te bepaal of die beginsel van vrywillige koper, vrywillige verkoper suksesvol was of nie.
“Die NLU ondersteun die onteieningsproses met billike vergoeding binne die wetlike raamwerk, soos in die Namibiese grondwet uiteengesit,” lui die brief.
Kommentaar
Republikein
Geen kommentaar is op hierdie artikel gelaat nie