Groep 'toegesluit' vir duur van kwarantyn
'n Vrou van die Suide is met angs en stres gediagnoseer nadat sy in kwarantyn was.
Henriette Lamprecht
'n Vrou in haar laat sestigs ly aan posttraumatiese stres (PTSD) nadat sy deel van 'n groep was wat in dié deel van die land grootliks in haar kamer toegesluit was vir die duur van haar kwarantyntydperk.
Mense wat positief vir Covid-19 getoets het en van wie hulle moontlike kontakte was, is ook voor hulle toegelaat om huis toe te gaan.
Hy en sy vrou is wetsgehoorsame burgers en kwarantyn is nie vir hulle 'n probleem nie, het haar man in 'n onderhoud met Republikein gesê.
“Ek en my vrou is albei omtrent 70 jaar oud en ons is baie bang vir hierdie ding (Covid-19). Ons probeer binne die reëls bly,” het hy gesê.
Volgens hom was die grootste probleem die feit dat die groep “fisiek toegesluit is” omdat die plek waar hulle gehou is, nie soos ander plekke sekuriteit het nie.
“Die reëling was dat hulle twee ure op 'n dag mag uitgaan.”
Volgens hom het dit egter nie gebeur nie en het die personeel altyd verskonings gehad.
“Hierdie mense was tot 48 uur lank toegesluit met geen kontak met enigiemand nie.”
Volgens hom was dít in sy vrou se geval wat haar “deurmekaar” gemaak en veroorsaak het dat sy nou aan PTSD ly en nie soseer die kwarantyn nie. Volgens hom is die mense wat positief vir Covid-19 getoets het na Lüderitz geneem en vroeër as dié groep in kwarantyn wat moontlike kontakte van die positiewe gevalle was, ontslaan .
Hy sê albei groepe is die eerste en tweede keer op “presies dieselfde tyd getoets”.
“Hulle (my vrou se groep) het almal ná die tweede toets nie hul uitslae gekry nie. Skielik word die groep op Lüderitz ontslaan volgens die nuwe protokol en my vrou se groep word volgens die vorige protokol teruggehou.
Die man verwys ook na die direkteur van gesondheid vir dié streek wat na bewering geen vrae geduld het nie. Volgens hom het sy vrou reeds die eerste dag “bang vrae” gevra toe die groep “met alle geweld” van die huis af weggevat is.
Die man sê daar was 'n gebrek aan kommunikasie en sê die groep waarin sy vrou was, het gevoel asof hulle “soos honde” behandel word. In 'n boodskap maan die direkteur glo die groep om hulle nie met ander groepe te vergelyk nie en sê sy werk vir die ministerie van gesondheid en maatskaplike dienste, nie die private sektor nie.
Volgens hom het dié groep se ervaring nou mense op hul tuisdorp lugtig gemaak om vrywillig vir Covid-19 toetse te gaan.
“Almal sê hulle bly eerder by die huis as hulle siek is en kry daar hul medisyne. Die minister se bedoeling is goed dat mense vroeër ontslaan word en met hul lewens aangaan. Dié boodskap bereik egter nie almal nie.”
Nog 'n groep in kwarantyn by 'n lodge in die Suide het Republikein verlede week gekontak en gedreig om “ons goed te vat en te loop.” Dit nadat ook hulle reeds vir langer as 14 dae in kwarantyn was, niemand in die groep siek is en die persone wat positief vir Covid-19 en van wie hulle moontlike kontakte was, “lankal terug by die huis is.”
Volgens die een man moes hy reeds sy werk hervat het, terwyl nog 'n lid van die groep in die hof moes verskyn het, maar albei is steeds by die lodge “vasgekeer”.
Die groep het verlede week al hul besittings gepak en versterkings van die polisie en spesiale magte is ingeroep om hulle daar te hou.
– [email protected]
'n Vrou in haar laat sestigs ly aan posttraumatiese stres (PTSD) nadat sy deel van 'n groep was wat in dié deel van die land grootliks in haar kamer toegesluit was vir die duur van haar kwarantyntydperk.
Mense wat positief vir Covid-19 getoets het en van wie hulle moontlike kontakte was, is ook voor hulle toegelaat om huis toe te gaan.
Hy en sy vrou is wetsgehoorsame burgers en kwarantyn is nie vir hulle 'n probleem nie, het haar man in 'n onderhoud met Republikein gesê.
“Ek en my vrou is albei omtrent 70 jaar oud en ons is baie bang vir hierdie ding (Covid-19). Ons probeer binne die reëls bly,” het hy gesê.
Volgens hom was die grootste probleem die feit dat die groep “fisiek toegesluit is” omdat die plek waar hulle gehou is, nie soos ander plekke sekuriteit het nie.
“Die reëling was dat hulle twee ure op 'n dag mag uitgaan.”
Volgens hom het dit egter nie gebeur nie en het die personeel altyd verskonings gehad.
“Hierdie mense was tot 48 uur lank toegesluit met geen kontak met enigiemand nie.”
Volgens hom was dít in sy vrou se geval wat haar “deurmekaar” gemaak en veroorsaak het dat sy nou aan PTSD ly en nie soseer die kwarantyn nie. Volgens hom is die mense wat positief vir Covid-19 getoets het na Lüderitz geneem en vroeër as dié groep in kwarantyn wat moontlike kontakte van die positiewe gevalle was, ontslaan .
Hy sê albei groepe is die eerste en tweede keer op “presies dieselfde tyd getoets”.
“Hulle (my vrou se groep) het almal ná die tweede toets nie hul uitslae gekry nie. Skielik word die groep op Lüderitz ontslaan volgens die nuwe protokol en my vrou se groep word volgens die vorige protokol teruggehou.
Die man verwys ook na die direkteur van gesondheid vir dié streek wat na bewering geen vrae geduld het nie. Volgens hom het sy vrou reeds die eerste dag “bang vrae” gevra toe die groep “met alle geweld” van die huis af weggevat is.
Die man sê daar was 'n gebrek aan kommunikasie en sê die groep waarin sy vrou was, het gevoel asof hulle “soos honde” behandel word. In 'n boodskap maan die direkteur glo die groep om hulle nie met ander groepe te vergelyk nie en sê sy werk vir die ministerie van gesondheid en maatskaplike dienste, nie die private sektor nie.
Volgens hom het dié groep se ervaring nou mense op hul tuisdorp lugtig gemaak om vrywillig vir Covid-19 toetse te gaan.
“Almal sê hulle bly eerder by die huis as hulle siek is en kry daar hul medisyne. Die minister se bedoeling is goed dat mense vroeër ontslaan word en met hul lewens aangaan. Dié boodskap bereik egter nie almal nie.”
Nog 'n groep in kwarantyn by 'n lodge in die Suide het Republikein verlede week gekontak en gedreig om “ons goed te vat en te loop.” Dit nadat ook hulle reeds vir langer as 14 dae in kwarantyn was, niemand in die groep siek is en die persone wat positief vir Covid-19 en van wie hulle moontlike kontakte was, “lankal terug by die huis is.”
Volgens die een man moes hy reeds sy werk hervat het, terwyl nog 'n lid van die groep in die hof moes verskyn het, maar albei is steeds by die lodge “vasgekeer”.
Die groep het verlede week al hul besittings gepak en versterkings van die polisie en spesiale magte is ingeroep om hulle daar te hou.
– [email protected]
Kommentaar
Republikein
Geen kommentaar is op hierdie artikel gelaat nie