Grünau-moordverdagtes bly in aanhouding

29 December 2020 | Howe
Francoise Steynberg - ‘n Bejaarde pa en sy middeljarige seun bly in aanhouding nadat hulle daarvan beskuldig word dat hulle ‘n 47-jarige man by Grünau vermoor en van sy liggaam ontslae geraak het.


Assistent-landdros Bernolda Swartbooi het gister in die Karasburg-landdroshof gelas dat mnr. Jan Willem Frederick Thirion (82) en sy 52-jarige seun, mnr. Gideon Joshua Thirion, in aanhouding bly tot hul volgende hofverskyning. Sy het die saak tot 18 Februarie 2021 vir verdere ondersoek uitgestel, asook vir hulle om regsverteenwoordiging te bekom.

Albei Thirions word daarvan beskuldig dat hulle vir mnr. Jacobus Muisoor vermoor het, asook van dwarsboming van die gereg nadat hulle glo van Muisoor se liggaam op die pad tussen Grünau en Karasburg ontslae geraak het.

Mnr. Willem Thirion het op drie ander klagte verskyn wat verband hou met die ootredering van die wet op vuurwapens en ammunisie.

Mnr. Kasale Fourie het vir die staat verskyn.

Volgens die Namibiese polisie se waarnemende streekskommissaris in die ||Kharasstreek, adj.komm. Tauno Hamukoto, het die 82-jarige beskuldigde na bewering vir Muisoor by Grünau doodgeskiet.

Thrion het na bewering sy seun wat op Karasburg woon, gebel om hom te help om die liggaam te vervoer. Hulle het glo verlede Maandagoggend van die liggaam sowat 20 km buite Grünau op die pad na Keetmanshoop ontslae geraak.

“Die liggaam is omstreeks 02:25 deur ‘n motoris gevind. Dit blyk of die oorledene deur ‘n voertuig raakgery is, maar met nadere ondersoek het die polisie verskeie gate in sy maag gesien waaruit bloed gekom het,” het Hamukoto gesê.

Hy sê volgens die nadoodse ondersoek wat in die Keetmanshoop-staatshospitaal gedoen is, het die resultate aangedui dat die gate soortgelyk aan skietwonde is - spesifiek van ‘n haelgeweer.

“Ons het ‘n span speurders en die spesiale reserwemag gestuur om ondersoek in te stel en hulle glo die oorledene is deur die verdagte geskiet,” het hy gesê.

Boonop is die moordwapen glo in die plafon van mnr. Willem Thirion se huis op Grünau gevind.

-[email protected]

Soortgelyk

 

Gesondheidswerkers, leerlinge en onderwysers deel van 343 nuwe gevalle

47 minute gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

16 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

16 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

16 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

16 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

16 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

16 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

16 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

16 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...