Grand Prix agter toe deure

Andrew Poolman – Atletiek Namibië en die borg Coca-Cola se Grand Prix-reeks skop môre by die Vineta-stadion langs The Dome in Swakopmund af.Die organiseerders voldoen aan die huidige Covid-regulasies deur die byeenkoms tot 50 mense binne die stadion te hou, en sake tussen 10:00 en 12:30 af te handel. Dié beperkings laat geen ruimte om toeskouers in te laat nie.Die reeks se oorblywende byeenkomste is op die volgende naweke op Rietfontein (20 Maart) en Oshakati (27 Maart), voordat die finale een in Windhoek op 24 April.Die reeks dien as opbou na die nasionale baan- en veldkampioenskap op 16 en 17 April in Windhoek, sê die beheerliggaam se mnr. Bethold Karumendu.“Te midde van die skaarste aan byeenkomste dien dit ook as 'n geleentheid om te kwalifiseer vir byvoorbeeld die Olimpiese Spele, of die Afrika-kampioenskap wat in die eerste week van Junie in Algerië aangebied word,” sê hy.Die tienerjarige Beatrice Masilingi, wat reeds in die 400 kwalifiserende tyd vir die Olimpiese Spele oortref het, beoog glo om môre op Swakopmund 'n aanslag te loods om in die 200 óók deur te dring.Haar skoolmaat van Agri Kollege op Grootfontein, Christine Mboma, se aanslag is op kwalifisering in die 400 ingestel.FOTOChristine Mboma in die 400 is een van die hoopvolles wat nog vir die Tokio Olimpiese Spele wil kwalifiseer. Foto Arnold Huber

Grand Prix agter toe deure

Kommentaar

Republikein 2025-07-02

Meld asseblief aan om kommentaar te lewer

Grand Prix agter toe deure

Kommentaar

Republikein 2025-07-02

Meld asseblief aan om kommentaar te lewer

MELD AAN

Advertensie